1 Coríntios 11:3 - Kaxinawá Bíblia (BR)

³ Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

Kashinawa : Diosun Jesúswen taexun yuba bena yiniki

³ Jaskabia Diosun jancha ninkai ichatan Dios kenwankin jaska ainbuaibu jau ikubainunbun matu yuinun ninkakanwen. Ja dukunan, Criston junibu mekekin yunumiski. Junibundi jawen ain mekekin yunudiamisbuki. Jabiaskadi wakin Diosun Cristo mekekin yunudiamiski.

1 Coríntios 11:3 Referencias Cruzadas

Gênesis 3:16

aĩburi Deusũ yuikĩ: —Mĩ bake kaiaĩ tibi isĩhairawakĩ ana ẽ mia tenemapakeshanaii. Hakia: “Isĩhairaki”, mĩ ibiakĩ mĩ bene betxipai mĩ habe txutanamepakeshanaii, mĩ benẽ mia mekekĩ ibu warã— iwanã,

Isaías 52:13

Senhor Deusũ ana hatu yuikĩ: “Ẽ tsumapã dasibi binukĩ keyuaya shanẽ ibuhaira wakĩ dasibi hatu binumatã ẽ tsaũshanaii.

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

Mateus 28:18

Jesus nukuki kematã nuku hãtxa wakĩ yuikĩ: —Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki.

João 14:28

“Ka matu anu ẽ ana hushanaii”, ikĩ ẽ yuiai mã ma ea nĩkashuki. Hanua Epa Deus shanẽ ibũ ea binuawẽ taea hanu ẽ kashanaii. Ẽ Epa anu ẽ kashanai mã nĩkaiwẽ taea mã benimakeanaii, txanima ea abu kayabirã.

1 Coríntios 3:23

Dasibi matu ibuwamabiani, na haska dasibi mã hiwearã, mã Cristonaki. Ha inũ, Cristorã, Deusunaki, hawẽ bake kayabirã. Haskawẽ taeshũ Epa Deusũ hãtxa xinãkĩ nuku nũ yura bestibiakẽ ana nukukiri hãtxakĩ nuku kẽwãyamakãwẽ, nukũ Shanẽ Ibu besti kẽwãkinã.

Efésios 4:15

Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.

Colosenses 1:18

Ha dikabi Cristo hawẽ hiweawẽ nukũ Shanẽ Ibushanũ ika kuxipai hawẽ bushkai nuku ishuniki, nũ ikũwaĩbũ hawẽ yura nũ ishanũbunã. Ha dukũ hiweniwẽ taea mawamisbu kuxipa binui ha dukũ mawabu anua besteĩ taekĩ dasibi hatũ dukũ binu keyuniki.

Colosenses 2:10

Cristo mã ma haki dasitã ikũwaĩburã, Cristona dasibi mã hayaki, Deusũ hawẽ kuxipa habiasri inãniwẽ taearã. Ha dikabi yushĩ dasibi inũ, nai tsuma pepa inũ, txakabu dasibi inũ, shanẽ ibubu mai anua shanẽ ibuhairakĩ hatu binu keyuaki.

Colosenses 2:19

Ha habu haskamisburã, Cristorã, hatũ bushkamaki. Hamẽ nukuburã, nukũ bushkarã, Cristoki. Haskakẽ nukũ yura ewakaini pitiwẽ nũ kuxipamis keskariai habũ nukũ Shanẽ Ibu Cristo ikũwaĩburã, pabu tibi haki dasikĩ nũ ewawairã, hawara nũ unãriama tapĩmakĩ haska Deus yubakani Cristõ haska xinãkĩ nuku amaikiki.

Colosenses 3:18

Beneyabuũ, matu yununũ nĩkakãwẽ. Ikũwaĩ mã ma nukũ Shanẽ Ibuki dasiniburã, matũ benẽ hawarakiri matu hãtxa wai hawẽ hãtxa txibãkĩ nĩkasama ashũkubaĩkãwẽ.

1 Pedro 3:1

Aĩbu beneyabuũ, maturi yuinũ nĩkairakãwẽ. Matũ benẽ matu yunua nĩkatã habebis yununamei hẽ iyamama ashũkubaĩkãwẽ. Haskakĩ hatiritũ matũ benẽ Deusũ hãtxa ikũwãriama duawai mã pepakũkainai matu uĩkubaĩmiswẽ taeshũ hãtxawẽsma mã pepawamiswẽ matũ bene bestibu Jesus mã ikũwãmatiruki,