Hechos 10:38 - Kashinawa : Diosun Jesúswen taexun yuba bena yiniki

Januxun Jesús Nazaret anua jawen Yushin Pepatun kushipawen Diosun Jesús kushipajaidawa ja medanua medabenankunkainaya jabu diablo Satanásan ichakawakin isin betsa betsapa jatu tenemamis nuitapaibu Jesúsun jatu xuxawakin pewakin jatu medabewakubainyama man unandiaii.

Kaxinawá Bíblia (BR)

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Hechos 10:38 Referencias Cruzadas

Mateus 12:15

Januxun jatun shinan unantan Jesús kainkainaya yudan kaianen chibainbun isin teneaibu ichapa Jesúsun jatu xuxawakin

Mateus 12:28

Jamen chanima Diosun kushipawen ean en yushin chakabu kainmamiswen taea Dios xanen ibui matu anu ma juaki.

Mateus 9:19

Jesús benitan kaya nun jawen tsumabudi nun jabe buaibun

Mateus 9:35

janua jatu jaska wabaini kakin Galilea anu mae ewapabu inun mae jatiubuma anuxun jatun ichati jiwe anuxun yusinkin Dios xanen ibuaikidi kakape yusinkin isin betsa betsapa teneaibu xuxawakubaunkin

Marcos 6:6

jaska jatuwen nuikin yusinbia jabun ikunwanbumawen taea juinti nishmai e inikiaki. Mae udama jiweabu tibi besti anu kakunkaunkin Jesúsun jatu yusinkubauntani juxun

Lucas 3:22

Diosun Yushin Pepa deiwan keska jui jamamaki butuaya nai anuxun jawen Epan yuikin: —Miadan, min en bakeki. En mia bechipaijaidakin katunidan, en miwen benimajaidaii— anikiaki.

Lucas 4:18

“Nuitapaibu kakape en jatu yusinun Diosun ea katuniwen taea jawen Yushin Pepa en jayaki. Januxun juinti nishmabu jatu benimawakin yuda betsan jatu tsuma wa jenemakin bekun keskabu bepexa keska wakin jatu yusin pewakin jatu ichakawaibu nemakin Dios benimawatikidi dasibibu en jatu unanmakubainxanun Diosun ea yununiki”, jatu watan keneni jancha yuikin keyuxun

Lucas 9:42

iweaya yushin chakabun Jesús bechitan ja juni bake duxku imakin main tin imatan taka taka imaya Jesúsun uinkin yushin kunyan akin kainmaxuntan jawen epa yunuaya

Lucas 9:56

mae betsa anu uxanun ika bunibukiaki.

João 10:32

jatuki dateama Jesúsun ana jatu yuikin: —Epa Dios anua dami midima pepa en matu uinmamiski. ¿Jadatu damiwen taexun man ea tsakanun ika ikanai?— jatu wa

João 16:32

Man ea jaska wabiai janu man datei paxaidan, ma kemakanikiki. Uindakanwen, janu dasibi sa ikin man bestibu ea dapaxkabainkin man ea jenebiabaina eadan, en emestimaki. En Epa ebe ketaxamexun ea jeneamaki.

João 3:34

Januxun jawen bake yunukin jawen Yushin Pepa keyuisma inankubainmiswen taexun Diosun bake ja yununitun jawen jancha yuimiski.

João 6:27

¿Jaskai piti chapumiswen besti kemui man mapua ikanai? Jakia en Epa Diosun ea kushipa waniwen taexun jawen kushipa en matu inanxanai ja bestiwen kemui mapukanwen, jawen jiwekuin ikibi itidan. Jaskawen taexun jabia jawen unanmati wakin Epa Diosun ea matun Juchi Kayabi Iyua ea waniki, yunukinan— jatu wa

Hechos 10:37

Januxun ja dukunan, Nashimanika Juanen Diosun jancha jatu yusianyan ninkatan jatun chakabu jenetan jawenabu unanti wamaibu Juanen jatu nashimakubainaya Jesúsun Galilea anuxundi yusin taewakin Judea mai pakea anu yusinkubaunaikidi kakaibu chanima man ninkayamaki.

Hechos 2:22

—Israelbuun, en matu yuiai ea ninkakanwen. Matunan, man unanjaidaii. Jesús Nazaret anua jua Diosun kushipa watan jawen e imati inun jawen unanti wamakin dami itimaska tsuan atiduma wamakin jawen kushipa matu uinmakin Diosun ama akeakekin xabakabi matu uinmakubainimaki.

Hebreus 1:9

Jawada pepa bechipaikin jamapai chakabu min dananmisdan, min jaskamiswen taexun ea en min mekenika Diosun en mia katuaki. Xeni maxu akin unanti wakin en miwen benimaii, min jaibuaibu keskawama jatu mia binumakinan”, aniki.

1 Pedro 5:8

Inu keneya pintsikin yuinaka achitan pinun ika benabauni pubein janx janx iki tekeden tekeden imis keskakin diablo Satanásan matu bepadantan matu maemanun ixun benakubaundiaikiki. Jaskawen taea ibubis pe mekekin jamapai chakabu ana meama janun bestentan uindakubainkanwen.

1 João 2:20

Jesucristo medibitun jawenabu wakin ma matu paxkaniki, jawen Yushin Pepawenan. Jaska dasibitun man ma jakidi jawen jancha chanima man ma jayaken ana tsuan matu padantidumaki.

1 João 3:8

Jakia tsuanda chakabu akubainaibudan, Satanás chibankin akanikiki. Bebunkidi Satanásan Dios ninkama jatun dukuntun jakidi chakabuwanixun jatun jatu amakubainikiki. Jaskawen taea Satanásan jaska jatu amakubainmis yamawakin keyunun ika Diosun bake taxniniki.