1 João 2:20 - Kashinawa : Diosun Jesúswen taexun yuba bena yiniki

²⁰ Jesucristo medibitun jawenabu wakin ma matu paxkaniki, jawen Yushin Pepawenan. Jaska dasibitun man ma jakidi jawen jancha chanima man ma jayaken ana tsuan matu padantidumaki.

Kaxinawá Bíblia (BR)

²⁰ Jesus Cristo meribitũ hawenabu wakĩ ma matu pashkaniki, hawẽ Yushĩ Pepawenã. Haska dasibitũ mã ma hakiri hawẽ hãtxa txanima mã ma hayakẽ ana tsuã matu parãtirumaki.

1 João 2:20 Referencias Cruzadas

Mateus 13:11

nuku yuikin: —Matudan, jaskai Dios xanen ibumiskidi Diosun jawen pepa juneni xabakabi man en tsumabu matu yusinkin unanmaikiki. Jakia jabudan, en jatu jaska unanmamaki.

Marcos 1:24

yuimakin: —Jesús Nazaret anuaan, ¿jaskai nuku anu min juxumen? ¿Nun yushin chakabu nuku yamawanun ika min juadaka? En mia unaiin, min Diosun bake pepa medibidan— ikaya

Lucas 4:18

“Nuitapaibu kakape en jatu yusinun Diosun ea katuniwen taea jawen Yushin Pepa en jayaki. Januxun juinti nishmabu jatu benimawakin yuda betsan jatu tsuma wa jenemakin bekun keskabu bepexa keska wakin jatu yusin pewakin jatu ichakawaibu nemakin Dios benimawatikidi dasibibu en jatu unanmakubainxanun Diosun ea yununiki”, jatu watan keneni jancha yuikin keyuxun

Lucas 4:34

—Jesús Nazaret anuaan, ¿jaskai nuku anu min juxumen? ¿Nun yushin chakabu nuku yamawanun ika min juadaka? En mia unaiin, min Diosun bake pepa medibidan— ikaya

João 14:26

Jakia jawen Yushin Pepa matun Mekenan Bena en kenaya en Epa Diosun yunua juxun jaska en matu yusinkubainmis dasibi en matu yuiai ana xabakabi matu shinanmakubainxanikiki.

João 16:13

Jakia chipu Yushin Chanima Unanmanika juxun chanima dasibi matu yusinkin mextanmaxanikiki. Jawen shinanen janchama jakia ekidi dasibi ninkatan jawada ixanaidi matu xabakabi unanmaxanikiki.

Hechos 10:38

Januxun Jesús Nazaret anua jawen Yushin Pepatun kushipawen Diosun Jesús kushipajaidawa ja medanua medabenankunkainaya jabu diablo Satanásan ichakawakin isin betsa betsapa jatu tenemamis nuitapaibu Jesúsun jatu xuxawakin pewakin jatu medabewakubainyama man unandiaii.

Hechos 3:14

Januxun matundi Pilato yukakin Jesús juni pepatun jawa chakabuwaisma jau taxnimanun Pilato yunuama ja juni chakabu besti medabewakin man yuka matu jawa waxuanma nichinxunimaki.

1 Coríntios 2:15

Tsuabuda Yushin Pepa jayatunan, chakabu inun pepa unantidubuki. Jamen ja Yushin jayamatunan, Yushin Pepa jayabu unanti watidubumaki, chakabu inun pepa waidan.

Hebreus 1:9

Jawada pepa bechipaikin jamapai chakabu min dananmisdan, min jaskamiswen taexun ea en min mekenika Diosun en mia katuaki. Xeni maxu akin unanti wakin en miwen benimaii, min jaibuaibu keskawama jatu mia binumakinan”, aniki.

Hebreus 8:11

Jatian en jatu jaska waken en jatun mekenan Dios dasibibun unanxankanikiki, xanen ibujaidabu inun jawaumabundidan. Dasibi jabun ma ibubis ea unan keyuaibun tsuabunda jawen jaibuaibu inun jawen betsabu ekidi jatu shinanma ixankanikiki.

1 João 2:27

Jakia chanima Diosun Yushin Pepa Jesucriston matu inankin ma matu medibi wani jatun besti jawen yusian chanima jawa matu padanma yusinkin matu medabewakubainaya ja padanananmisbun jatun janchawen matu yusintidubu jayamaki. Jaskawen taea man ma Jesucristoki dasiabudan, jaska Diosun Yushin Pepatun besti matu yusiain betsa wakin jeneyamakubainkanwen.

1 João 4:13

Nukubu nun Dioski dasia jiwea inun ja nukube dasia jiwea jawen nun unanti wakubainunbun jawen Yushin Pepa nuku inaniki.

Judas 1:5

Egipto anua Israelbu Diosun jatu taxnimabidani man unanbiaya jaskakidi man shinanunbun ana matu yuinun ninkakanwen. Ma jatu paxawabiaima Israelbu jabun Diosun jancha ikunwankatsi ikama danainbuwen taexun janu tsua jiweabumanuxun Yavé Diosun jatu kupikin tenankubidani man unaiin.

Apocalipse 3:7

Ana Jesúsun ea yuikin: “Jatun Diosun jancha yuinika Filadelfia anu ichamisbu mekea na jancha en mia yuiai kenexundiwe: ‘Ea en medibi inun en chanimajaida David kushipa ini keska binua jawen bepenti shabi en jayaki. Tsuanda ja mae bepean tsuan beputiduma inun ja mae bepua tsuan bepentidumaki. Jaska mekeatun en matu yuiaii.

Apocalipse 4:8

jatibu 6 punyan peiya jabun yuda jidabi jawen bedunati chaxa dakabun badidi inun meshu medan Dios kenwankin jabun jeneisbuman yuikin: “Min pepajaidaki. Min dasibi kushipa binuaki. Mai jayadiama nukun Xanen Ibu Dios dasibi kushipajaida jiwea jaya inun, natian jiwekunkainai inun, ana min butuxanai nun unaiin”, ikin