Hebreus 12:5 - Kashinawa : Diosun Jesúswen taexun yuba bena yiniki Ja inun, nun jawen bakebu Diosun nuku yusini man jakimaii. Matun xenipabu xanen ibu unanepa Salomónen eska jawen bakebu yuikin: “En bakebuun, jaska Dios matuwen nuikin matu pewamis matu yuinun ninkakanwen. Diosun tsuabuda bechipaikin jawada bika tenemakin jatu kupimiski. Ja inun, tsuabuda Diosun jawenabu wakin jatun chakabu jatu unanmamiski, nun ana ayamaxanunbunan. Jaskawen taexun jawada bikawen Diosun matu unanmai dananyamakanwen. Ja dikabi, matu kunyan akaya punu nukadiayamakanwen”, jatu jaska wapauni na jancha jakimayamakanwen, Diosun jabias matu ana yuiai keska shinankinan. Kaxinawá Bíblia (BR) Ha inũ, nũ hawẽ bakebu Deusũ nuku yusĩni mã hakimaii. Matũ shenipabu shanẽ ibu unãnepa Salomãonẽ eska hawẽ bakebu yuikĩ: “Ẽ bakebuũ, haska Deus matuwẽ nuikĩ matu pewamis matu yuinũ nĩkakãwẽ. Deusũ tsuabura abukĩ hawara bika tenemakĩ hatu kupimiski. Ha inũ, tsuabura Deusũ hawenabu wakĩ hatũ txakabu hatu unãmamiski, nũ ana ayamashanũbunã. Haskawẽ taeshũ hawara bikawẽ Deusũ matu unãmai danãyamakãwẽ. Ha dikabi, matu kũyã akaya punu nukariayamakãwẽ”, hatu haska wapauni na hãtxa hakimayamakãwẽ, Deusũ habias matu ana yuiai keska xinãkinã. |
Nenumaki. Ma bestenkainaki. Galilea anuxun matu yusinkin yuikin: “Eadan, Matun Juchi Kayabi Iyua juni chakabun ea achixun jiki ea mastabu mawa xaba dabe inun besti kaya en ana bestenxanaii, jaska Diosun yubanidan”, akin matu yusinkin yuimadan, ¿man shinanmamen? Shinankanwen— jatu wa
Jakia nukun Xanen Ibun nukun yuda kupikinan, nuku jawen tapinmanun, iwanan, nuku akikiki. Nuku kupibiatan ja Jesús ikunwanbumabe nuku tenan kayabiama ixanikiki.
Jaskaken pepakunkainkin jeneyamanankanwen. Jatiada Diosun janu kupiaitian medabenankin pepawakubainkin nun jeneamaken Diosun duawakin pepawendi nuku kupixanikiki.
Ja inun, Himeneo inun Alejandron jabiaskadi jatun jiweawen jatun yusian kanekin yusinchakaibu jau ja dabe ikunwainbube ana ichayamanunbun en jatu nemaimaki. Jabun shinain keska Satanásan jau jatu amanun en jatu jaska nemaimaki, ja Dioskidi chakabu yuiaibu ja ibubis keneaibun Diosun jatun shinan betsa watidu jau unanxanunbunan.
Ja inun, juni dasibibun jatun bakebu bechipaikin yusinkin jatu pewamiswen taexun: “En bakebu pewanun”, iwanan, jawada bika Diosun matu tenemakin matu pewaikiki, matu besti pewamadan, jakia ikunwainbu betsa betsapa jabiaskasdi jatu wakinan. Jamen bika tenemakin Diosun matu pewama man jawen bakema keska itiduki, bake ibuuma keskaidan.
En betsabu inun en puibuun, en kene chaipamawen en matu medabewakin benimawakatsis ikai jawa eki sinatama shinan pewatan uindakubainkanwen.
Tsuabunda ikunwain bika betsa betsapa tenebiai babuama binukubainmisbu Dios jatuwen benimakin jatu manakukin jaska jabun Dios bechipaimamisbu jaskabu jatuki Dios yubakai jiwekuian jatuki tanani jatu jawen manakuxanikiki, maiti sawemakin akawakinan.
Ja inun, dasibi man enabuwen nuikin matu medabewa bestinun ixun jancha kushipawen matu ja akin en matu yusinxuwen taexun en yusian ninkakin pewatan matun shinan betsa watan shinan chankanjaida bestikunkainkatsis ikidan, Dios anu bedikanwen.