Hebreus 12:5 - Kaxinawá Bíblia (BR)

^5-6 Ha inũ, nũ hawẽ bakebu Deusũ nuku yusĩni mã hakimaii. Matũ shenipabu shanẽ ibu unãnepa Salomãonẽ eska hawẽ bakebu yuikĩ: “Ẽ bakebuũ, haska Deus matuwẽ nuikĩ matu pewamis matu yuinũ nĩkakãwẽ. Deusũ tsuabura abukĩ hawara bika tenemakĩ hatu kupimiski. Ha inũ, tsuabura Deusũ hawenabu wakĩ hatũ txakabu hatu unãmamiski, nũ ana ayamashanũbunã. Haskawẽ taeshũ hawara bikawẽ Deusũ matu unãmai danãyamakãwẽ. Ha dikabi, matu kũyã akaya punu nukariayamakãwẽ”, hatu haska wapauni na hãtxa hakimayamakãwẽ, Deusũ habias matu ana yuiai keska xinãkinã.

Kashinawa : Diosun Jesúswen taexun yuba bena yiniki

^5-6 Ja inun, nun jawen bakebu Diosun nuku yusini man jakimaii. Matun xenipabu xanen ibu unanepa Salomónen eska jawen bakebu yuikin: “En bakebuun, jaska Dios matuwen nuikin matu pewamis matu yuinun ninkakanwen. Diosun tsuabuda bechipaikin jawada bika tenemakin jatu kupimiski. Ja inun, tsuabuda Diosun jawenabu wakin jatun chakabu jatu unanmamiski, nun ana ayamaxanunbunan. Jaskawen taexun jawada bikawen Diosun matu unanmai dananyamakanwen. Ja dikabi, matu kunyan akaya punu nukadiayamakanwen”, jatu jaska wapauni na jancha jakimayamakanwen, Diosun jabias matu ana yuiai keska shinankinan.

Hebreus 12:5 Referencias Cruzadas

Provérbios 3:1

Epaã, mĩ ẽ huni bakewẽ taeshũ ẽ yusĩti hãtxa tapĩtã hawa hakimayamashãwẽ. Ẽ yunuti hãtxa inũ ẽ nemati hãtxa shinãkubaini

Provérbios 4:5

Unanepai inũ shinã pepa bestinũ, iwanã, ẽ yusiã hãtxa hakima taskayamashãwẽ.

Lucas 24:6

Nenumaki. Ma bestẽkainaki. Galiléia anushũ matu yusĩkĩ yuikĩ: “Earã, matũ Hutxi Kayabi Iuwa huni txakabũ ea atxishũ hiki ea mastabu mawa shaba dabe inũ besti kaya ẽ ana bestẽshanaii, haska Deusũ yubanirã”, akĩ matu yusĩkĩ yuimarã, mã xinãmamẽ? Xinãkãwẽ— hatu wa

Lucas 24:8

haska Jesusũ hatu yuima ikũ xinãtã

1 Coríntios 11:32

Hakia nukũ Shanẽ Ibũ nukũ yura kupikinã, nuku hawẽ tapĩmanũ, iwanã, nuku akikiki. Nuku kupibiatã ha Jesus ikũwãbumabe nuku tenã kayabiama ishanikiki.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

1 Timóteo 1:20

Ha inũ, Himeneu inũ Alexandrẽ habiaskari hatũ hiweawẽ hatũ yusĩa kanekĩ yusĩtxakaibu hau ha dabe ikũwaĩbube ana itxayamanũbũ ẽ hatu nemaimaki. Habũ xinaĩ keska Satanásã hau hatu amanũ ẽ hatu haska nemaimaki, ha Deuskiri txakabu yuiaibu ha ibubis keneaibũ Deusũ hatũ xinã betsa watiru hau unãshanũbunã.

Hebreus 12:7

Ha inũ, huni dasibibũ hatũ bakebu abukĩ yusĩkĩ hatu pewamiswẽ taeshũ: “Ẽ bakebu pewanũ”, iwanã, hawara bika Deusũ matu tenemakĩ matu pewaikiki, matu besti pewamarã, hakia ikũwaĩbu betsa betsapa habiaskasri hatu wakinã. Hamẽ bika tenemakĩ Deusũ matu pewama mã hawẽ bakema keska itiruki, bake ibuuma keskairã.

Hebreus 13:22

Ẽ betsabu inũ ẽ puibuũ, ẽ kene txaipamawẽ ẽ matu merabewakĩ benimawakatsis ikai hawa eki sinatama xinã pewatã uĩrakubaĩkãwẽ.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.