Psalms 16:6 - Die Bybel 2020-vertaling

⁶ Die meetsnoere het vir my in lieflike plekke geval, ja, my erfenis is vir my mooi.

Bybel vir almal

⁶ U laat my woon op 'n plek wat baie mooi is, U laat my woon op 'n plek wat baie mooi is, ek is lief vir die plek wat U vir my gegee het. ek is lief vir die plek wat U vir my gegee het.

Afrikaans 1933-1953

⁶ Die meetsnoere het vir my in lieflike plekke geval, ja, my erfenis is vir my mooi.

Afrikaans 1983

⁶ 'n Pragtige deel is vir my afgemeet, ja, wat ek ontvang het, is vir my mooi.

Contemporary Afrikaans Bible 2023

⁶ Die meetsnoere het vir my geval in lieflike plekke; ja, ek het 'n goeie erfenis.

Die Boodskap

⁶ U het die mooiste dinge in die lewe vir my gegee. Ek kan nie uitgepraat raak oor al die wonderlike dinge nie. Dit maak my baie gelukkig. Ek bly in ’n mooi land.

Psalms 16:6 Kruisverwysings

Psalms 61:6

U is immers die Een wat luister na my geloftes, o God; U gee 'n erfdeel aan hulle wat vir u Naam ontsag het.

Psalms 78:55

Hy het nasies voor hulle uit verdryf. Hy het wat aan hulle behoort, met 'n maatlyn opgemeet as erfdeel, en die stamme van Israel in húlle tente laat woon.

Jeremia 3:19

“ En Ek, Ek het gedink: Hoe kan Ek jou tussen die seuns opneem, vir jou 'n begeerlike land gee – as erfenis die heel beste van die sierade van nasies. Ek het gedink: My Vader sal julle my noem, en van My nie wegdraai nie.

Amos 7:17

“Daarom, so sê die Here, “ ‘Jou vrou sal in die stad hoereer, en deur die swaard sal jou seuns en dogters val. Jou grond sal met 'n maatlyn opgedeel word, en jy self sal op •onrein grond sterf. En Israel sal beslis in ballingskap gaan, weg van sy grondgebied af.’ ”

Johannes 20:17

Jesus sê vir haar: “Moenie My langer vashou nie, want Ek het nog nie na die Vader opgevaar nie. Maar gaan na my broers en sê vir hulle, ‘Ek vaar op na my Vader, en julle Vader, en na my God en julle God.’ ”

Romeine 8:17

Maar as ons kinders is, is ons ook erfgename – erfgename van God en mede-erfgename met Christus mits ons inderdaad saam met Hom ly, sodat ons ook saam met Hom verheerlik kan word.

Efesiërs 1:18

en dat die oë van julle harte verlig mag wees, sodat julle kan insien wat die hoop is wat sy roeping bied, wat die heerlike rykdom van sy erfenis vir die heiliges behels,

2 Timoteus 2:12

as ons aanhou volhard, sal ons ook saam met Hom regeer; as ons Hom verloën, sal Hy ons ook verloën;

Hebreërs 12:2

die oog gerig op Jesus, die Leidsman en Voleinder van die geloof, Hy wat ter wille van die vreugde wat vir Hom in die vooruitsig gestel is, die kruis verduur het, die skande daarvan gering geag het, en sy plek aan die regterkant van die troon van God ingeneem het.

Openbaring 3:21

“ ‘Wie oorwin, sal Ek saam met My op my troon laat sit, net soos wat Ek ook oorwin het, en saam met my Vader op sy troon sit.