Psalms 15:2 - Die Bybel 2020-vertaling

² Hy wat onberispelik leef en regverdig optree, wat van harte die waarheid praat.

Bybel vir almal

² Net die mens wat heeltemal reg lewe en reg doen en wat die waarheid praat, mag daar kom,

Afrikaans 1933-1953

² Hy wat opreg wandel en geregtigheid doen, en wat met sy hart die waarheid spreek;

Afrikaans 1983

² Hy wat onberispelik wandel en doen wat reg is, wat met sy hele hart die waarheid praat,

Contemporary Afrikaans Bible 2023

² Hy wat opreg wandel en geregtigheid doen en die waarheid in sy hart spreek.

Die Boodskap

² Iemand wat so optree dat U heeltemal tevrede is met wat hy doen, mag daar kom; ja, hy wat reg doen, wat U wil hê. So iemand praat altyd die waarheid.

Nuwe Lewende Vertaling

² Hy wat onberispelik lewe en doen wat reg is, met ’n opregte hart die waarheid praat;

Psalms 15:2 Kruisverwysings

Psalms 24:4

Die mens met skoon hande en 'n rein hart wat nie na nietigheid hunker en nie sweer by wat vals is nie,

Psalms 84:11

want 'n dag in u voorhowe is beter as duisend daarbuite. Ek wag liewer op die drumpel van die huis van my God as om te woon in die tente van goddeloosheid.

Spreuke 20:7

Iemand wat onberispelik leef, 'n regverdige – gelukkig is sy kinders wat ná hom kom!

Spreuke 28:18

Wie onberispelik leef, ontvang hulp; maar wie twee krom paaie volg, sal op een tot 'n val kom.

Jesaja 33:15

Hy wat eerlik leef en spreek wat reg is, wat wins uit afpersing afwys, wat sy handpalms daarvan weerhou om omkoopgeld te aanvaar, wat niks van bloedvergieting wil hoor nie, niks wat boos is, wil aanskou nie –

Jesaja 63:8

Hy het gesê: “My volk is hulle beslis, kinders wat nie bedrieglik sal optree nie.” So het Hy vir hulle 'n verlosser geword.

Miga 2:7

Kan dit gesê word, huis van Jakob ? Is die Here ongeduldig, of is dit sy dade hierdie?” “Doen my woorde nie iemand goed wat die regte pad loop nie?

Lukas 1:6

Hulle was albei •regverdig in die oë van God en het onberispelik volgens al die gebooie en voorskrifte van die Here geleef.

Handelinge 10:35

maar dat die mens wat ontsag vir Hom het en doen wat reg is, uit watter nasie hy ook mag wees, vir Hom aanvaarbaar is.

Romeine 2:10

Maar heerlikheid, eer en vrede wag vir elkeen wat die goeie doen, eerstens vir die Jood, maar ook vir die Griek.

Galasiërs 2:14

Maar toe ek sien dat hulle nie die reguit pad loop volgens die waarheid van die evangelie nie, het ek voor almal vir Sefas gesê: “As jy wat 'n Jood is, soos 'n heiden leef en nie soos 'n Jood nie, hoe kan jy nie-Jode dwing om soos Jode te leef?”

Efesiërs 2:10

Ons is immers sy maaksel, geskep in Christus Jesus om goeie werke wat God voorberei het, te doen, en daarvolgens te leef.

Efesiërs 4:25

Daarom, vermy die leuen, en praat elkeen die waarheid met sy naaste, want ons is lede van een liggaam.

Kolossense 3:9

Moenie vir mekaar lieg nie, aangesien julle die ou mens en sy gewoontes uitgetrek het,

Hebreërs 11:33

hulle wat deur geloof koninkryke verower het, wat gedoen het wat reg is, wat beloftes verkry het, wat die bekke van leeus toegestop het,

1 Johannes 2:29

As julle weet dat Hy regverdig is, weet julle ook dat elkeen wat doen wat reg is, uit Hom gebore is.

1 Johannes 2:6

Wie sê dat hy in Hom bly, behoort self ook te leef soos Hy geleef het.

1 Johannes 3:7

Kinders, laat niemand julle mislei nie: wie doen wat reg is, is regverdig, soos Hy regverdig is.

Openbaring 21:8

Maar vir die lafhartiges, ongelowiges, losbandiges, moordenaars, hoereerders, towenaars, afgodedienaars en al die leuenaars – hulle deel is die brandende poel van vuur en swael; dit is die tweede dood.”