Psalms 15 - Die Bybel 2020-vertaling

¹ 'n Psalm. Van Dawid. Here, wie mag 'n gas wees in u tent? Wie mag tuisgaan op u •heilige berg?

² Hy wat onberispelik leef en regverdig optree, wat van harte die waarheid praat.

³ Hy laster nie, doen sy medemens nie kwaad aan nie en bespot nie sy naaste nie.

⁴ In sy oë is die een wat verwerp is, veragtelik, maar hy eer dié wat vir die Here ontsag het. Al sweer hy tot sy nadeel, hy verander nie.

⁵ Hy leen nie sy geld teen rente uit nie, en aanvaar nie 'n omkoopgeskenk ten koste van die onskuldiges nie. Hy wat hierdie dinge doen, sal nooit struikel nie.