“Wanneer hulle teen U sondig – want daar is geen mens wat nie sondig nie – en U toornig is op hulle en hulle oorgee aan 'n vyand, en hulle ontvoerders hulle wegvoer na die land van die vyand, ver of naby,
Psalms 143:2 - Die Bybel 2020-vertaling Moet net nie u dienskneg voor die gereg daag nie; want niemand wat leef, is voor U regverdig nie. Bybel vir almal U moenie vir my, u dienaar, oordeel nie, want niemand is onskuldig wanneer hy voor U staan nie. Afrikaans 1933-1953 En gaan nie na die gereg met u kneg nie, want niemand wat leef, is voor u aangesig regverdig nie. Afrikaans 1983 Moet tog nie 'n regsaak teen my begin nie, want niemand wat leef, is voor U onskuldig nie! Contemporary Afrikaans Bible 2023 En tree nie in die gereg met u kneg nie, want voor u oë sal geen mens wat lewe, geregverdig word nie. Die Boodskap Moet asseblief nie sê dat ek skuldig is voor U nie. In elk geval, daar is niemand op aarde wat onskuldig voor U is nie. Selfs nie eens hulle wat U dien, is sonder sonde nie. Ook ek is skuldig. Nuwe Lewende Vertaling Moenie ’n regsgeding teen u dienaar begin nie, want niemand wat lewe, is voor U onskuldig nie. |
“Wanneer hulle teen U sondig – want daar is geen mens wat nie sondig nie – en U toornig is op hulle en hulle oorgee aan 'n vyand, en hulle ontvoerders hulle wegvoer na die land van die vyand, ver of naby,
Wat is 'n sterfling, dat hy volkome reg sou wees, dat hy gelyk sou hê – iemand gebore uit 'n vrou?
Hoe kan 'n sterfling dan regverdig wees voor God? Hoe kan iemand uit 'n vrou gebore, rein wees?
wat troue liefde vir duisende bly handhaaf, wat skuld, oortreding en sonde vergewe, maar wat beslis niks ongestraf laat nie, wat vir die sondeskuld van ouers, kinders en kleinkinders laat boet, ook die derde en vierde geslag. ”
want daar is geen mens op aarde wat regverdig is, wat aanhou goed doen en nie sondig nie.
Daarom sal geen mens op grond van die uitvoering van die wet voor Hom geregverdig word nie, want juis deur die wet ken ons die sonde.
en tog weet ons dat 'n mens nie op grond van die uitvoering van die wet geregverdig kon word nie, maar slegs deur die geloof in Jesus •Christus. Ook ons het in Christus Jesus geglo, sodat ons regverdig verklaar kon word op grond van geloof in Christus, en nie op grond van die uitvoering van die wet nie; omdat geen mens op grond van die uitvoering van die wet geregverdig sal word nie.
As ons sê dat ons nie gesondig het nie, maak ons Hom tot leuenaar en is sy woord nie in ons nie.