Yobu 9:4 - Swahili Revised Union Version

⁴ Yeye ni mwenye hekima moyoni, na mwenye uwezo katika nguvu; Ni nani aliyejifanya kuwa mgumu juu yake, naye akafanikiwa?

Matoleo zaidi

Biblia Habari Njema

⁴ Yeye ni mwenye hekima mno na nguvu nyingi, nani aliyepingana naye, akashinda?

Biblia Habari Njema - BHND

⁴ Yeye ni mwenye hekima mno na nguvu nyingi, nani aliyepingana naye, akashinda?

Biblia Habari Njema: Toleo la Kujifunza

⁴ Yeye ni mwenye hekima mno na nguvu nyingi, nani aliyepingana naye, akashinda?

Neno: Bibilia Takatifu

⁴ Hekima yake ni kubwa sana na ana uwezo mwingi mno. Ni nani aliyempinga naye akawa salama?

Neno: Maandiko Matakatifu

⁴ Hekima yake ni kubwa sana na ana uwezo mwingi mno. Ni nani aliyempinga naye akawa salama?

BIBLIA KISWAHILI

⁴ Yeye ni mwenye hekima moyoni, na mwenye uwezo katika nguvu; Ni nani aliyejifanya kuwa mgumu juu yake, naye akafanikiwa?

Yobu 9:4 Marejeleo ya Msalaba

2 Mambo ya Nyakati 13:12

Na tazama, Mungu yu pamoja nasi atutangulie, na makuhani wake wenye parapanda, ili wapige sauti ya kuanza vita juu yenu. Enyi wana wa Israeli, msipigane na BWANA, Mungu wa baba zenu; kwani hamtafanikiwa.

2 Mambo ya Nyakati 20:6

akasema, Ee BWANA, Mungu wa baba zetu, si wewe uliye Mungu mbinguni? Tena si wewe utawalaye falme zote za mataifa? Na mkononi mwako mna uweza na nguvu, asiweze mtu yeyote kusimama kinyume chako.

Yobu 11:6

Tena akuoneshe hizo siri za hekima, Ya kuwa hufanikiwa katika kuyatimiza makusudi yake! Ujue basi ya kuwa Mungu akuachilia katika uovu wako.

Yobu 12:13

Hekima na amri zina yeye [Mungu]; Yeye anayo ushauri na fahamu.

Yobu 15:13

Hata ukageuza roho yako kinyume cha Mungu, Na kuyatoa maneno kama hayo kinywani mwako.

Yobu 23:6

Je! Angeshindana nami kwa ukuu wa uwezo wake? La, lakini angenisikiliza.

Yobu 24:22

Lakini Mungu huwadumisha wenye uwezo kwa nguvu zake; Huinuka, wasiokuwa na tumaini la kuishi.

Yobu 25:2

Enzi na hofu zi pamoja na Mungu; Hufanya amani katika mahali pake palipoinuka.

Yobu 28:23

Mungu ndiye aijuaye njia yake, Naye anajua mahali pake.

Yobu 36:5

Tazama, Mungu ni hodari, wala hamdharau mtu yeyote; Ana uweza katika nguvu za fahamu.

Yobu 37:23

Yeye Mwenyezi hamwezi kumwona; Yeye ni mkuu mwenye uweza; Tena mwenye hukumu, na mwingi wa haki, hataonea.

Yobu 38:36

Je! Ni nani aliyetia hekima moyoni? Au ni nani aliyetia ufahamu rohoni?

Yobu 38:37

Ni nani awezaye kuyahesabu mawingu kwa hekima? Au ni nani awezaye kuzimimina chupa za mbinguni?

Yobu 40:9

Au je! Wewe una mkono kama Mungu? Waweza kutoa ngurumo kwa sauti kama yeye?

Yobu 41:2

Je! Waweza kutia kamba puani mwake? Au kutoboa taya yake kwa kulabu?

Yobu 6:10

Hapo ndipo ningefarijika hata sasa; Naam, ningejikuza katika maumivu yasiyoniacha; Kwa kuwa sikuyakana maneno yake Mtakatifu.

Yobu 9:19

Kama tukitaja nguvu za mashujaa, tazama yupo hapo! Kama tukitaja hukumu, ni nani atakayemwita mahakamani?

Zaburi 104:24

Ee BWANA, jinsi yalivyo mengi matendo yako! Kwa hekima umevifanya vyote pia. Dunia imejaa viumbe wako.

Zaburi 136:5

Yeye aliyeumba mbingu kwa fahamu zake; Kwa maana fadhili zake ni za milele.

Kutoka 15:7

Kwa wingi wa ukuu wako wawaangusha chini wanaokupinga, Huwatumia hasira yako nayo huwateketeza kama mabua makavu.

Kutoka 9:7

Farao akatuma watu, na tazama, hapana mmoja aliyekufa katika wanyama wa wana wa Israeli. Lakini moyo wa Farao ulikuwa mzito, wala hakuwapa hao watu ruhusa waende zao.

Methali 28:14

Mwanadamu mwenye kicho yu heri sikuzote; Bali mshupavu wa moyo ataangukia madhara.

Methali 29:1

Aonywaye mara nyingi akishupaza shingo, Atavunjika ghafla, wala hapati dawa.

Isaya 45:9

Ole wake ashindanaye na Muumba wake! Kigae kimoja katika vigae vya dunia! Je! Udongo umwambie yeye aufinyangaye; Unatengeneza nini? Au chombo ulichotengeneza hakina mikono?

Yeremia 50:24

Nimekutegea mtego, Ee Babeli, nawe ukanaswa, nawe ulikuwa huna habari; umeonekana, ukakamatwa, kwa sababu ulishindana na BWANA.

Danieli 2:20

Danieli akajibu, akasema, Na lihimidiwe jina la Mungu milele na milele; kwa kuwa hekima na uweza ni wake.

Nahumu 1:3

BWANA si mwepesi wa hasira, ana uweza mwingi, wala hatamhesabia mtu mwovu kuwa hana hatia kamwe; BWANA ana njia yake katika kisulisuli na tufani, na mawingu ni mavumbi ya miguu yake.

Waroma 11:33

Jinsi zilivyo kuu utajiri na hekima na maarifa ya Mungu! Hukumu zake hazichunguziki, wala njia zake hazieleweki!

1 Wakorintho 10:22

Au twamtia Bwana wivu? Je! Tuna nguvu zaidi ya yeye?

Waefeso 1:19

na ubora wa ukuu wa uweza wake ndani yetu tuaminio jinsi ulivyo; kwa kadiri ya utendaji wa nguvu za uweza wake;

Waefeso 1:8

Naye alituzidishia hiyo katika hekima yote na ujuzi;

Waefeso 3:10

ili sasa, kwa njia ya kanisa, hekima ya Mungu iliyo ya namna nyingi ijulikane na falme na mamlaka katika ulimwengu wa roho;

Waefeso 3:20

Basi atukuzwe yeye awezaye kufanya mambo ya ajabu mno kuliko yote tuyaombayo au tuyawazayo, kwa kadiri ya nguvu itendayo kazi ndani yetu;