Mwanzo 1:7 - Swahili Revised Union Version

⁷ Mungu akaliumba anga, akayatenga yale maji yaliyo juu ya anga na yale maji yaliyo chini ya anga; ikawa hivyo.

Matoleo zaidi

Biblia Habari Njema

⁷ Mungu akalifanya anga, akayatenga maji yaliyo juu ya anga na yale yaliyo chini ya anga hilo. Ikawa hivyo.

Biblia Habari Njema - BHND

⁷ Mungu akalifanya anga, akayatenga maji yaliyo juu ya anga na yale yaliyo chini ya anga hilo. Ikawa hivyo.

Biblia Habari Njema: Toleo la Kujifunza

⁷ Mungu akalifanya anga, akayatenga maji yaliyo juu ya anga na yale yaliyo chini ya anga hilo. Ikawa hivyo.

Neno: Bibilia Takatifu

⁷ Kwa hiyo Mungu akafanya nafasi, akatenganisha maji yaliyo chini ya hiyo nafasi na maji yaliyo juu yake. Ikawa hivyo.

Neno: Maandiko Matakatifu

⁷ Kwa hiyo Mwenyezi Mungu akafanya nafasi, akatenganisha maji yaliyo chini ya hiyo nafasi na maji yaliyo juu yake. Ikawa hivyo.

BIBLIA KISWAHILI

⁷ Mungu akaliumba anga, akayatenga yale maji yaliyo juu ya anga na yale maji yaliyo chini ya anga; ikawa hivyo.

Mwanzo 1:7 Marejeleo ya Msalaba

Mwanzo 1:11

Mungu akasema, Nchi na itoe majani, mimea itoayo mbegu, na miti ya matunda izaayo matunda kwa jinsi yake, ambao mbegu zake zimo ndani yake, juu ya nchi; ikawa hivyo.

Mwanzo 1:15

tena iwe ndiyo mianga katika anga la mbingu itie nuru juu ya nchi; ikawa hivyo.

Mwanzo 1:24

Mungu akasema, Nchi na izae kiumbe hai kwa jinsi zake, mnyama wa kufugwa, nacho kitambaacho, na wanyama wa mwitu kwa jinsi zake; ikawa hivyo.

Mwanzo 1:8

Mungu akaliita lile anga Mbingu. Ikawa jioni ikawa asubuhi, siku ya pili.

Mwanzo 1:9

Mungu akasema, Maji yaliyo chini ya mbingu na yakusanyike mahali pamoja, ili pakavu paonekane; ikawa hivyo.

Yobu 26:8

Huyafunga maji ndani ya mawingu yake mazito; Na hilo wingu halipasuki chini yake.

Zaburi 104:10

Hupeleka chemchemi katika mabonde; Zapita kati ya milima;

Zaburi 136:5

Yeye aliyeumba mbingu kwa fahamu zake; Kwa maana fadhili zake ni za milele.

Zaburi 148:4

Msifuni, enyi mbingu za mbingu, Nanyi maji mlioko juu ya mbingu.

Zaburi 19:1

Mbingu zauhubiri utukufu wa Mungu, Na anga laitangaza kazi ya mikono yake.

Zaburi 19:2

Mchana husemezana na mchana, Usiku hutolea usiku maarifa.

Mhubiri 11:3

Mawingu yakiwa yamejaa mvua, Yataimimina juu ya nchi; Na mti ukianguka kuelekea kusini, au kaskazini, Paangukapo ule mti, papo hapo utalala.

Mathayo 8:27

Wale watu wakamaka wakisema, Huyu ni mtu wa namna gani hata pepo na bahari zamtii?