Éxodo 5:22 - Tayta Diospa Wilakuynin

²² Tsayno niptinmi Tayta Diosta manakur Moisés kayno nirqan: <<Tayta Dios, ¿imanirtaq pasaypa nakaykatsinki akrashqayki runakunata? ¿Tsaypaqku kachamarqayki?

Éxodo 5:22 Tukuy Ñawiqkunapa Wiñay Tupunakuy

1 Reyes 19:10

Tsawraqa Elías kayno nirqan: <<Munayniyuq Tayta Dios kaptikimi lapan shonqüwan qamta sirviykä. Israel runakunaqa pactu rurashqaykita manami cumplintsu. Tsaynöpis altarnikikunata juchutsirmi ushashqa y profëtaykikunatapis wanutsirmi ushashqa. Noqalanami makinpita qeshpimushqä. Kananqa noqatapis wanutsimänanpaqmi ashirkaykäman>>.

1 Reyes 19:4

Tsaypita juk junaq qoyayta chunyaq jirkapa aywarmi utikashqa jamaykurqan retäma yöra sikinman. Tsaychömi wanuyta munar kayno nirqan: <<Tayta Dios, juklana shuntakalämay. Wanukuq aylükunapa ayan mana välishqannömi noqapis mana välïnatsu>>.

Salmo 73:25

Jana patsachöpis qamlami salvamaqnï kaykanki. Kay patsachöpis makikicho karmi kushishqa kawashaq.

Éxodo 17:4

Runakuna tsayno niptinmi Tayta Diosta manakur Moisés kayno nirqan: <<Kay runakunata ¿imatataq rurashaq, Tayta? Tsaynöla karqa saqmaykälarmi wanutsimanqapaq>>.

Jeremías 12:1

Tayta Dios, musyämi jutsaynaq kashqaykita y lapantapis munashqaykino kamakätsishqaykita. Kanan tapukushayki: ¿Imanirtaq fiyu runakuna rïcuyan? ¿Imanirtaq mana cäsushuqniki runakuna kushishqa kawapäkun?

Jeremías 20:7

Tayta Dios, ¡mana munaykaptïmi profëta kanäpaq churamashqanki! ¡Lapanpaq munayniyuq karmi obligamashqanki! Wilakuptïmi runakuna imaypis asipämashpan manakaqman churapäkaman.

Jeremías 4:10

Tayta Dios tsayno nimaptinmi kayno nirqä: <<¡Ay Tayta Dios! ¿Imanirtaq Jerusalén runakunata lulapashqanki? ¿Imanirtaq profëtakunata kacharqayki Jerusalén runakunata imapis mana pasananpaq kashqanta wilakärinanpaq? Tsayno wilakäriptinpis kananqa kunkanman cuchillun churashqanömi karkaykan>>.

Habacuc 2:3

Tsay revelashqäqa tiempun chayamuptinraqmi cumplinqapaq. Jukla mana cumpliptinpis mana ajayaypa shuyaray. Imay karpis kamakanqami. Höran chayamuptinqa lapanpis nishqänölami kanqa.

Números 11:11

Tsaymi Tayta Diosta Moisés kayno nirqan: <<Sirvishuqniki kaykaptïqa ¿imanirtaq nakatsimanki? ¿Imanirtaq mana kuyapämaypa Israel runakunata pushanäpaq churamashqanki?

Josué 7:7

Tsaychömi Josué kayno nirqan: <<Tayta Dios, kay markakunacho taq amorreo runakuna wanutsimänanpaqqa ¿imapaqraq Jordán mayutapis pasatsipäkamarqayki? Tsaypa trukanqa kachaykamankiman karqan Jordán mayupa wak tsimpalacho.

1 Samuel 30:6

Tsurinkunata amalecita runakuna prësu apakushqa kaptinmi yanapaqnin runakuna pasaypa rabyakur Davidta saqmayta munapäkurqan. Tsayno rabyakuptinmi David fiyupa lakikur Tayta Diosta manakurqan.