Éxodo 5:21 - Tayta Diospa Wilakuynin

²¹ Tsaycho tarirmi kayno nipäkurqan: <<Qamkunami Faraónta rabyanätsishqanki kayjinanpa nakatsipäkamänanpaq. Wanutsimänanpaq cuchilluta aptapaqnömi achäquita ashipashqanki. ¡Tsayno rabyanätsishqaykipita Tayta Dios castigashunki!>>

Éxodo 5:21 Tukuy Ñawiqkunapa Wiñay Tupunakuy

Génesis 16:5

Tsaymi Abramta Sarai kayno nirqan: <<Agarwan pununaykipaq kikï niykaptïpis qeshyaq rikakur manakaqman churamänanpaq qammi jutsayuq kaykanki. Tsayno kashqaykipitami Tayta Dios juzgashunkipaq>>.

Génesis 31:53

Awkiluyki Abraham y awkilü Nacor yärakushqan Diosmi juzgamäshun promitinakushqantsita mana cumpliptintsiqa>>. Labán tsayno niptinmi Jacobpis papänin Isaac mantsakushqan Tayta Diospa jutincho promitirqan imaypis cumplinanpaq.

Génesis 34:30

Tsayno rurashqanta musyaykurmi Jacobqa Simeónta y Levíta kayno nirqan: <<Kananqa ¿imamantaq jitarpamashqanki? Wanutsipäkushqaykita mayaykurqa cananeo runakuna y ferezeo runakunaqa fiyupami chikipäkamanqa. Paykunaqa wilanakushpan lapantsitachari wanutsimäshunpaq. Ashmaynintsi runakunapis walkala kaykaptinqa ¿imanöpataq ichipäshun?>>

2 Samuel 10:6

Davidta rabyanätsishqanta tantiyarmi amonita runakuna Siria nacionman aywaykur Bet-rehob y Soba markakunacho taq ishkay chunka waranqa (20,000) soldädukunata minkakärirqan yanapananpaq. Tsaynöpis Maaca runakunapa mandaqnin reywan conträtuta rurapäkurqan juk waranqa (1,000) soldädukunawan yanapananpaq. Tsaynölami Is-tob partiman aywaykur chunka ishkay waranqa (12,000) soldädukunata minkakärirqan yanapananpaq.

1 Crónicas 19:6

Davidta rabyanätsishqanta tantiyarmi guërra carrëtakunata y cawallu muntaraqkunata minkakunanpaq amonita runakuna kimsa chunka kimsa waranqa (33,000) kïlu qellayta apatsipäkurqan Aram-naharaimman, Aram-maacaman y Sobaman.

Éxodo 14:11

Nirkurmi Moisésta kayno nipäkurqan: <<¿Manatsuraq Egiptucho panteonkuna kaykan tsaycho wanur pampakärinäpaq? ¿Imapaqtaq jorqamashqanki kay chunyaq jirkacho wanupäkunäpaq?

Éxodo 15:24

Tsawraqa runakuna rabyakushpan Moiséspa contran sharkur kayno nipäkurqan: <<Kananqa ¿ima yakutataq upushun?>>

Éxodo 16:2

Tsay chunyaq jirkachömi Israel runakuna Moiséspa y Aarónpa contran sharkur

Éxodo 4:31

Tsaymi lapan runakuna kayno nipäkurqan: <<Tayta Diosqa rikaykämashqantsichaq imano nakar kawaykashqantsitapis>>. Tsayno nirmi qonqurpakuykur Tayta Diosta adorapäkurqan.

Éxodo 5:20

Faraónwan palaciuncho parlashqanpita yarqamurmi Moisésta y Aarónta shuyarpaykaqta capatazkunapa yanapaqninkuna taripäkurqan.

Éxodo 6:9

Tayta Dios tsayno nishqantami Israel mayinkunata Moisés wilarqan. Wilaptinpis fiyupa nakar lakikushpan manami cäsuparqantsu.

Eclesiastés 10:1

Perfümiman chinray yaykur perditsishqannömi mana tantiyakuq runapis yachaq runa yätsishqanta perditsin.

Isaías 30:6

Kaychömi qelqaraykan Tayta Dios revelashqan. Kay revelación kaykan Neguevcho kaykaq uywakunapitami. <<Egiptuman aywaqkuna mantsakuypaq chunyaq tsaki jirkapa pasaypa nakarmi aywarkaykan. Tsaychöqa leonkunapis y venënuyuq culebrakunapis kanmi. Bürrunkunawan riquëzan cargashqa y camëllunkunawan alhäjankuna cargashqami aywarkaykan. Egipto runakunapaq päguta apaptinpis manami yanapanqatsu.

Joel 2:20

Norti kaq lädupita shamuqkunataqa chunyaq jirkamanmi qarqushaq. Puntanta aywaqkunatami Kachi Lamarman qarpushaq. Qepanta aywaqkunatanami Mediterráneo Lamarman qarpushaq. Tsaychömi lapanpis ismushpan pasaypa asyanqa. Tsayno ruraptï espantaypaqmi kanqa.

Números 14:22

Egiptucho y chunyaq jirkacho milagrukunata rurashqäta rikaqkuna manami ni juklaylapis chayanqatsu unay ayluykikunata promitishqä nacionman. Paykunaqa yaparir yaparir kikin munashqanta ruratsimayta munashpanmi mana cäsukamashqatsu. Manami mayqanpis rabyanätsimaqkuna tsay nacionman chayanqatsu.

Números 14:3

¿Imapaqtaq kayman Tayta Dios pushamashqantsi? Guërracho wanurkatsimashpantsimi warmintsitapis y tsurintsikunatapis contrantsikuna apakärinqa. ¡Tsaypa trukanqa Egiptuman kutikuptintsi alimi kanman!>>

1 Samuel 13:4

Cada markacho juntakaptinmi wilapäkurqan filisteo soldädukunata Jonatán wanutsishqanta. Tsaynöpis wilapäkurqan filisteo runakuna pasaypa rabyashqa aywarkaykämushqanta. Tsawraqa filisteo soldädukunawan pelyananpaqmi Israel soldädukuna Gilgal markaman Saúlwan juntakarqan.

1 Samuel 27:12

David nishqanta criyirmi rey Aquis kayno yarparqan: <<Tsayno ruraptinqa Israel mayinkuna Davidta chikinqami. Tsayno rurarqa noqapa munaynilächömi imaypis kanqa>>.