Yohane 6:19 - Buku Lopatulika

¹⁹ Ndipo pamene adapalasa monga mastadiya makumi awiri ndi asanu kapena makumi atatu, anaona Yesu alikuyenda panyanja, ndi kuyandikira ngalawa; ndipo anachita mantha.

Chichewa Buku Lopatulika Bible 2014

¹⁹ Ndipo pamene adapalasa monga mastadiya makumi awiri ndi asanu kapena makumi atatu, anaona Yesu alikuyenda panyanja, ndi kuyandikira ngalawa; ndipo anachita mantha.

Buku Loyera Catholic Edition - Chichewa

¹⁹ Atapalasa chombo ulendo wokwanira mitunda itatu kapena inai, adaona Yesu akuyenda pa madzi nkumayandikira ku chombo chao, motero iwowo adachita mantha.

Mawu a Mulungu mu Chichewa Chalero

¹⁹ Iwo atayenda makilomita asanu kapena asanu ndi limodzi, anaona Yesu akuyandikira bwatolo, akuyenda pa madzi; ndipo anachita mantha.

Yohane 6:19 Mawu Ofanana

Yobu 9:8

Woyala thambo yekha, naponda pa mafunde a panyanja.

Masalimo 29:10

Yehova anakhala pa chigumula, inde Yehova akhala mfumu kunthawi yonka muyaya.

Masalimo 93:4

Yehova Wam'mwamba ndiye wamphamvu, wakuposa mkokomo wa madzi ambiri, ndi mafunde olimba a nyanja.

Ezekieli 27:26

Opalasa ako anakufikitsa kumadzi aakulu; mphepo ya kum'mawa inakuthyola m'kati mwa nyanja.

Yona 1:13

Koma amunawo anapalasa kubwerera kumtunda, koma sanathe; pakuti namondwe wa panyanja anakulakula mokomana nao.

Luka 24:13

Ndipo taonani, awiri a mwa iwo analikupita tsiku lomwelo kumudzi dzina lake Emausi, wosiyana ndi Yerusalemu mastadiya makumi asanu ndi limodzi.

Luka 9:42

Ndipo akadadza iye, chiwandacho chinamgwetsa, ndi kumng'ambitsa. Koma Yesu anadzudzula mzimu wonyansawo, nachiritsa mnyamata, nambwezera iye kwa atate wake.

Yohane 11:18

Koma Betaniya anali pafupi pa Yerusalemu, nthawi yake yonga ya mastadiya khumi ndi asanu;

Yohane 14:18

Sindidzakusiyani inu mukhale ana amasiye; ndidza kwa inu.

Yohane 6:18

Ndipo nyanja inalikuuka chifukwa cha mphepo yaikulu yakuombako.

Yohane 6:20

Koma Iye ananena nao, Ndine; musaope.

Chivumbulutso 14:20

Ndipo moponderamo mphesa anamuponda kunja kwa mzinda, ndipo mudatuluka mwazi moponderamo mphesa, kufikira zapakamwa za akavalo, kufikira mastadiya chikwi ndi mazana asanu ndi limodzi.

Chivumbulutso 21:16

Ndipo mzinda ukhala waphwamphwa; utali wake ulingana ndi kupingasa kwake: ndipo anayesa mzinda ndi bangolo, mastadiya zikwi khumi ndi ziwiri; utali wake, ndi kupingasa kwake, ndi kutalika kwake zilingana.