Yohane 1:6 - Buku Lopatulika

⁶ Kunali munthu, wotumidwa ndi Mulungu, dzina lake ndiye Yohane.

Chichewa Buku Lopatulika Bible 2014

⁶ Kunali munthu, wotumidwa ndi Mulungu, dzina lake ndiye Yohane.

Buku Loyera Catholic Edition - Chichewa

⁶ Mulungu adaatuma munthu wina, dzina lake Yohane.

Mawu a Mulungu mu Chichewa Chalero

⁶ Kunabwera munthu amene anatumizidwa kuchokera kwa Mulungu; Iyeyo dzina lake linali Yohane.

Yohane 1:6 Mawu Ofanana

Malaki 3:1

Taonani, ndituma mthenga wanga, kuti akonzeretu njira pamaso panga; ndipo Ambuye amene mumfuna adzadza ku Kachisi wake modzidzimutsa; ndiye mthenga wa chipangano amene mukondwera naye; taonani akudza, ati Yehova wa makamu.

Mateyu 11:10

Uyu ndiye amene kunalembedwa za iye, kuti, Onani Ine nditumiza mthenga wanga pa nkhope yanu, amene adzakonza njira yanu m'tsogolo mwanu.

Mateyu 21:25

Ubatizo wa Yohane, uchokera kuti? Kumwamba kodi kapena kwa anthu? Koma iwo anafunsana wina ndi mnzake, kuti, Tikati, Kumwamba, Iye adzati kwa ife, Munalekeranji kumvera iye?

Luka 1:13

Koma mngelo anati kwa iye, Usaope Zekariya, chifukwa kuti lamveka pemphero lako, ndipo mkazi wako Elizabeti adzakubalira mwana wamwamuna, ndipo udzamutcha dzina lake Yohane.

Luka 1:76

Eya, ndipo iwetu kamwanawe, udzanenedwa mneneri wa Wamkulukulu; pakuti udzatsogolera Ambuye, kukonza njira zake.

Yohane 1:33

Ndipo sindinamdziwe Iye, koma wonditumayo kudzabatiza ndi madzi, Iyeyu ananena ndi ine, Amene udzaona Mzimu atsikira, nakhala pa Iye, yemweyu ndiye wakubatiza ndi Mzimu Woyera.

Yohane 3:28

Inu nokha mundichitira umboni, kuti ndinati, Sindine Khristu, koma kuti ndili wotumidwa m'tsogolo mwake mwa Iye.

Machitidwe a Atumwi 13:24

Yohane atalalikiratu, asanafike Iye, ubatizo wa kulapa kwa anthu onse a Israele.