Yeremiya 45:3 - Buku Lopatulika

³ Munati, Kalanga ine tsopano! Pakuti Yehova waonjezera chisoni pa zowawa zanga; ndalema ndi kubuula kwanga, sindipeza kupuma.

Chichewa Buku Lopatulika Bible 2014

³ Munati, Kalanga ine tsopano! Pakuti Yehova waonjezera chisoni pa zowawa zanga; ndalema ndi kubuula kwanga, sindipeza kupuma.

Buku Loyera Catholic Edition - Chichewa

³ Iwe Baruki udati, ‘Tsoka kwa ine, poti Chauta wandiwonjezera chisoni pa mavuto anga onse. Ndatopa nako kubuula kwanga, sindikutha kupeza mpumulo konse!’

Mawu a Mulungu mu Chichewa Chalero

³ Iwe unati, ‘Kalanga ine! Yehova wawonjezera chisoni pa mavuto anga. Ine ndatopa ndi kubuwula ndipo sindikupeza mpumulo.’ ”

Yeremiya 45:3 Mawu Ofanana

Yobu 23:2

Lero lomwe kudandaula kwanga kumawawa; kulanga kwanga kuposa kubuula kwanga m'kulemera kwake.

Masalimo 120:5

Tsoka ine, kuti ndili mlendo mu Meseki, kuti ndigonera m'mahema a Kedara!

Masalimo 27:13

Ndikadapanda kukhulupirira kuti ndikaone ubwino wa Yehova m'dziko la amoyo, ndikadatani!

Masalimo 42:7

Madzi akuya aitanizana ndi madzi akuya, pa mkokomo wa matiti anu; mafunde onse a nyondonyondo anandimiza ine.

Masalimo 6:6

Ndalema nako kuusa moyo kwanga; ndiyandamitsa kama wanga usiku wonse; mphasa yanga ndiolobza ndi misozi yanga.

Masalimo 6:7

Lapuwala diso langa chifukwa cha chisoni; lakalamba chifukwa cha onse akundisautsa.

Masalimo 69:3

Ndalema ndi kufuula kwanga; kum'mero kwauma gwaa! M'maso mwanga mwada poyembekeza Mulungu wanga.

Miyambo 24:10

Ukalefuka tsiku la tsoka mphamvu yako ichepa.

Yeremiya 45:2

Yehova Mulungu wa Israele atero kwa inu, Baruki:

Yeremiya 8:18

Ha, ndikadatonthoza mtima wanga kuletsa chisoni chake? Mtima wanga walefuka m'kati mwa ine.

Yeremiya 9:1

Ha, mutu wanga ukadakhala madzi, ndi maso anga kasupe wa misozi, kuti usana ndi usiku ndilirire ophedwa a mwana wamkazi wa anthu anga!

Maliro 1:13

Anatumiza moto wochokera kumwamba kulowa m'mafupa anga, unawagonjetsa; watchera mapazi anga ukonde, wandibwezera m'mbuyo; wandipululutsa ndi kundilefula tsiku lonse.

Maliro 1:22

Zoipa zao zonse zidze pamaso panu, muwachitire monga mwandichitira ine chifukwa cha zolakwa zanga zonse, pakuti ndiusa moyo kwambiri, ndi kulefuka mtima wanga.

Maliro 3:32

Angakhale aliritsa, koma adzachitira chisoni monga mwa kuchuluka kwa zifundo zake.

2 Akorinto 4:1

Chifukwa chake popeza tili nao utumiki umene, monga talandira chifundo, sitifooka;

2 Akorinto 4:16

Chifukwa chake sitifooka; koma ungakhale umunthu wathu wakunja uvunda, wa m'kati mwathu ukonzedwa kwatsopano tsiku ndi tsiku.

Agalatiya 6:9

Koma tisaleme pakuchita zabwino; pakuti pa nyengo yake tidzatuta tikapanda kufooka.

2 Atesalonika 3:13

Koma inu, abale, musaleme pakuchita zabwino.