Numeri 12:3 - Buku Lopatulika

³ Koma munthuyu Mose ndiye wofatsa woposa anthu onse a padziko lapansi.

Chichewa Buku Lopatulika Bible 2014

³ Koma munthuyu Mose ndiye wofatsa woposa anthu onse a pa dziko lapansi.

Buku Loyera Catholic Edition - Chichewa

³ Koma Mose anali munthu wofatsa kupambana anthu onse a pa dziko lapansi.

Mawu a Mulungu mu Chichewa Chalero

³ (Koma Mose anali munthu wodzichepetsa kwambiri kuposa munthu aliyense pa dziko lapansi).

Numeri 12:3 Mawu Ofanana

Masalimo 147:6

Yehova agwiriziza ofatsa; atsitsira oipa pansi.

Masalimo 149:4

Popeza Yehova akondwera nao anthu ake; adzakometsa ofatsa ndi chipulumutso.

Numeri 12:4

Ndipo Yehova anati kwa Mose, ndi Aroni, ndi Miriyamu modzidzimutsa, Tulukani inu atatu kudza ku chihema chokomanako. Pamenepo anatuluka atatuwo.

Mateyu 11:29

Senzani goli langa, ndipo phunzirani kwa Ine; chifukwa ndili wofatsa ndi wodzichepetsa mtima: ndipo mudzapeza mpumulo wa miyoyo yanu.

Mateyu 21:5

Tauzani mwana wamkazi wa Ziyoni, Taona, mfumu yako idza kwa iwe, wofatsa ndi wokwera pabulu, ndi pa kabulu, mwana wa nyama yonyamula katundu.

Mateyu 5:5

Odala ali akufatsa; chifukwa adzalandira dziko lapansi.

2 Akorinto 10:1

Koma ine ndekha Paulo, ndidandaulira inu mwa kufatsa ndi ulere wa Khristu, ine amene pamaso panu ndikhala wodzichepetsa pakati pa inu, koma pokhala kwina ine ndilimbika mtima kwa inu;

2 Akorinto 11:5

Pakuti ndiyesa kuti sindinaperewere konse ndi atumwi oposatu.

2 Akorinto 12:11

Ndakhala wopanda nzeru, mwandichititsa kutero; pakuti inu munayenera kundivomereza; pakuti sindiperewere ndi atumwi oposatu m'kanthu konse, ndingakhale ndili chabe.

1 Atesalonika 2:7

Komatu tinakhala ofatsa pakati pa inu, monga m'mene mlezi afukata ana ake a iye yekha;

Yakobo 3:13

Ndani ali wanzeru, ndi waluso mwa inu? Aonetsere ndi mayendedwe ake abwino ntchito zake mu nzeru yofatsa.

1 Petro 3:4

koma kukhale munthu wobisika wamtima, m'chovala chosaola cha mzimu wofatsa ndi wachete, ndiwo wa mtengo wake wapatali pamaso pa Mulungu.