Mlaliki 8:5 - Buku Lopatulika

⁵ Wosunga chilamulo sadzadziwa kanthu koipa; ndipo mtima wa munthu wanzeru udziwa nyengo ndi maweruzo;

Chichewa Buku Lopatulika Bible 2014

⁵ Wosunga chilamulo sadzadziwa kanthu koipa; ndipo mtima wa munthu wanzeru udziwa nyengo ndi maweruzo;

Buku Loyera Catholic Edition - Chichewa

⁵ Womvera malamulo ake sadzaona vuto lililonse. Munthu wanzeru amadziŵa nthaŵi yake ndi njira yake yochitira zonse.

Mawu a Mulungu mu Chichewa Chalero

⁵ Aliyense amene amamvera lamulo lake sadzapeza vuto lililonse, ndipo munthu wanzeru amadziwa nthawi yoyenera ndi machitidwe ake.

Mlaliki 8:5 Mawu Ofanana

1 Mbiri 12:32

Ndi a ana a Isakara, anthu akuzindikira nyengo, akudziwa zoyenera Israele kuzichita, akulu ao ndiwo mazana awiri; ndi abale ao onse anapenyerera pakamwa pao.

Masalimo 119:6

Pamenepo sindidzachita manyazi, pakupenyerera malamulo anu onse.

Eksodo 1:17

Koma anamwino anaopa Mulungu, ndipo sanachite monga mfumu ya Aejipito inawauza, koma analeka ana aamuna akhale ndi moyo.

Miyambo 12:21

Palibe vuto lidzagwera wolungama; koma amphulupulu adzadzazidwa ndi zoipa.

Miyambo 17:24

Nzeru ili pamaso pa wozindikira; koma maso a wopusa ali m'malekezero a dziko.

Mlaliki 10:2

Wanzeru, mtima wake uli kudzanja lake lamanja; koma chitsiru, mtima wake kulamanzere.

Mlaliki 12:13

Mau atha; zonse zamveka zatha; opa Mulungu, musunge malamulo ake; pakuti choyenera anthu onse ndi ichi.

Mlaliki 2:14

Wanzeru maso ake ali m'mutu wake, koma chitsiru chiyenda mumdima; ndipo nanenso ndinazindikira kuti chomwe chiwagwera onsewo ndi chimodzi.

Mlaliki 8:2

Nditi, Sunga mau a mfumu, makamaka m'kulumbira Mulungu.

Hoseya 5:11

Efuremu azunzika, apsinjika pa mlanduwo; pakuti anafuna mwini wake kutsata lamulolo.

Luka 20:25

Ndipo Iye anati kwa iwo, Chifukwa chake perekani kwa Kaisara zake za Kaisara, ndi kwa Mulungu zake za Mulungu.

Machitidwe a Atumwi 4:19

Koma Petro ndi Yohane anayankha nati kwa iwo, Weruzani, ngati nkwabwino pamaso pa Mulungu kumvera inu koposa Mulungu;

Machitidwe a Atumwi 5:29

Ndipo anayankha Petro ndi atumwi, nati, Tiyenera kumvera Mulungu koposa anthu.

Akolose 1:9

Mwa ichi ifenso, kuyambira tsiku limene tidamva, sitileka kupembedzera ndi kupempherera inu, kuti mukadzazidwe ndi chizindikiritso cha chifuniro chake mu nzeru zonse ndi chidziwitso cha mzimu,

Ahebri 5:14

Koma chakudya chotafuna chili cha anthu aakulu misinkhu, amene mwa kuchita nazo anazoloweretsa zizindikiritso zao kusiyanitsa chabwino ndi choipa.