Mlaliki 10:8 - Buku Lopatulika

⁸ Wokumba mbuna adzagwamo; ndipo woboola mpanda njoka idzamluma.

Chichewa Buku Lopatulika Bible 2014

⁸ Wokumba mbuna adzagwamo; ndipo woboola mpanda njoka idzamluma.

Buku Loyera Catholic Edition - Chichewa

⁸ Amene amakumba dzenje adzagwamo yekha. Amene amaboola khoma njoka idzamuluma.

Mawu a Mulungu mu Chichewa Chalero

⁸ Amene amakumba dzenje adzagwamo yekha; amene amabowola khoma adzalumidwa ndi njoka.

Mlaliki 10:8 Mawu Ofanana

2 Samueli 17:23

Ndipo Ahitofele, pakuona kuti sautsata uphungu wake anamanga bulu wake, nanyamuka, nanka kumzinda kwao, nakonza za pa banja lake, nadzipachika, nafa, naikidwa m'manda a atate wake.

2 Samueli 18:15

Ndipo anyamata khumi onyamula zida zake za Yowabu anamzungulira Abisalomu namkantha namupha.

Estere 7:10

Nampachika Hamani pa mtengo adaukonzera Mordekai. Pamenepo mkwiyo wa mfumu unatsika.

Masalimo 57:6

Ananditchera ukonde apo ndiyenda; moyo wanga wawerama. Anandikumbira mbuna patsogolo panga; anagwa m'kati mwake iwo okha.

Miyambo 11:6

Chilungamo cha oongoka mtima chidzawapulumutsa; koma achiwembu adzagwidwa ndi mphulupulu yao.

Miyambo 26:27

Wokumba dzenje adzagwamo, wogubuduza mwala, udzabweranso pa iye mwini.

Mlaliki 10:9

Wosendeza miyala adzaphwetekedwa nayo; wowaza nkhuni nadzitema.

Amosi 5:19

Kudzakhala monga munthu akathawa mkango, ndi chimbalangondo chikomana naye; kapena akalowa m'nyumba, natsamira kukhoma ndi dzanja lake, nimluma njoka.

Amosi 9:3

Angakhale abisala pamwamba pa Karimele, ndidzawapwaira ndi kuwatenga komweko; angakhale abisala pamaso panga pansi pa nyanja, kumeneko ndidzalamulira njoka, ndipo idzawaluma.

Oweruza 9:5

Ndipo anamuka kunyumba ya atate wake ku Ofura, nawapha abale ake ana a Yerubaala, ndiwo amuna makumi asanu ndi awiri, pa thanthwe limodzi; koma Yotamu mwana wamng'ono wa Yerubaala anatsalako; pakuti anabisala.