Mika 7:15 - Buku Lopatulika

¹⁵ Monga masiku a kutuluka kwako m'dziko la Ejipito ndidzamuonetsa zodabwitsa.

Chichewa Buku Lopatulika Bible 2014

¹⁵ Monga masiku a kutuluka kwako m'dziko la Ejipito ndidzamuonetsa zodabwitsa.

Buku Loyera Catholic Edition - Chichewa

¹⁵ Chauta akuti, “Ndidzaŵaonetsa zodabwitsa, monga masiku amene ankatuluka ku Ejipito.”

Mawu a Mulungu mu Chichewa Chalero

¹⁵ “Ndidzawaonetsa zodabwitsa zanga, ngati masiku amene ndinawatulutsa mʼdziko la Igupto.”

Mika 7:15 Mawu Ofanana

Masalimo 68:22

Ambuye anati, Ndidzawatenganso ku Basani, ndidzawatenganso kozama kwa nyanja,

Eksodo 3:20

Ndipo ndidzatambasula dzanja langa, ndi kukantha Aejipito ndi zozizwa zanga zonse ndizichita pakati pake; ndi pambuyo pake adzakulolani kumuka.

Eksodo 34:10

Ndipo Iye anati, Taona, Ine ndichita pangano; ndidzachita zozizwa pamaso pa anthu ako onse, sizinachitike zotere ku dziko lonse lapansi, kapena ku mtundu uliwonse wa anthu; ndipo anthu onse amene uli pakati pao adzaona ntchito ya Yehova, pakuti chinthu ndikuchitirachi nchoopsa.

Yesaya 11:16

Ndipo padzakhala khwalala la anthu ake otsala ochokera ku Asiriya; monga lija la Israele tsiku lokwera iwo kutuluka m'dziko la Ejipito.

Yesaya 51:10

Kodi si ndiwe amene unaumitsa nyanja, madzi akuya kwambiri; anasandutsa nyanja zikhale njira ya kupitapo oomboledwa?

Yesaya 51:9

Galamuka, galamuka, khala ndi mphamvu, mkono wa Yehova; galamuka monga masiku akale, mibadwo ya nthawi zakale. Kodi si ndiwe amene unadula Rahabu zipinjirizipinjiri; amene unapyoza chinjoka chamnyanja chija?