Mateyu 9:26 - Buku Lopatulika

²⁶ Ndipo mbiri yake imene inabuka m'dziko lonse limenelo.

Chichewa Buku Lopatulika Bible 2014

²⁶ Ndipo mbiri yake imene inabuka m'dziko lonse limenelo.

Buku Loyera Catholic Edition - Chichewa

²⁶ Mbiri imeneyi idawanda m'dera lonselo.

Mawu a Mulungu mu Chichewa Chalero

²⁶ Mbiriyi inamveka mʼdera lonse.

Mateyu 9:26 Mawu Ofanana

Mateyu 4:24

Ndipo mbiri yake inabuka ku Siriya konse: ndipo anatengera kwa Iye onse akudwala, ogwidwa ndi nthenda ndi mazunzo a mitundumitundu, ndi ogwidwa ndi ziwanda, ndi akhunyu, ndi amanjenje; ndipo Iye anawachiritsa.

Mateyu 9:31

Koma iwo anatulukamo, nabukitsa mbiri yake m'dziko lonselo.

Marko 1:28

Ndipo mbiri yake inabuka pompaja kudziko lonse la Galileya lozungulirapo.

Marko 1:45

Koma iye anatuluka nayamba kulalikira ndithu, ndi kubukitsa mauwo, kotero kuti Yesu sanathe kulowanso poyera m'mudzi, koma anakhala padera m'mapululu; ndipo anadza kwa Iye anthu a kumalo onse.

Marko 6:14

Ndipo mfumu Herode anamva izi; pakuti dzina lake lidamveka; ndipo ananena, kuti, Yohane Mbatizi wauka kwa akufa, ndipo chifukwa chake mphamvu izi zichitachita mwa Iye.

Luka 4:14

Ndipo Yesu anabwera ndi mphamvu ya Mzimu ku Galileya; ndipo mbiri yake ya Iye inabuka ku dziko lonse loyandikira.

Luka 4:37

Ndipo mbiri yake ya Iye inafalikira kumalo onse a dziko loyandikira.

Luka 5:15

Koma makamaka mbiri yake ya Iye inabuka: ndipo mipingo yambiri ya anthu inasonkhana kudzamvera, ndi kudzachiritsidwa nthenda zao.

Luka 7:17

Ndipo mbiri yake imeneyo inabuka ku Yudeya yense, ndi ku dziko lonse loyandikira.

Machitidwe a Atumwi 26:26

Pakuti mfumuyo idziwa izi, kwa iye imene ndilankhula nayonso mosaopa: pakuti ndidziwadi kuti kulibe kanthu ka izi kadambisikira; pakuti ichi sichinachitike m'tseri.