Mateyu 27:52 - Buku Lopatulika

⁵² ndi manda anatseguka, ndi mitembo yambiri ya anthu oyera mtima, akugona kale, inauka;

Chichewa Buku Lopatulika Bible 2014

⁵² ndi manda anatseguka, ndi mitembo yambiri ya anthu oyera mtima, akugona kale, inauka;

Buku Loyera Catholic Edition - Chichewa

⁵² Manda adatsekuka ndipo anthu a Mulungu ambiri amene anali atamwalira kale, adauka kwa akufa.

Mawu a Mulungu mu Chichewa Chalero

⁵² Manda anatsekuka ndipo mitembo yambiri ya anthu oyera mtima amene anafa inaukitsidwa.

Mateyu 27:52 Mawu Ofanana

2 Mafumu 13:21

Ndipo anthu, pakuika maliro a munthu wina, anaona gulu la nkhondo, naponya mtembo m'manda mwa Elisa; koma pamene mtembowo unakhudza mafupa a Elisa, wakufayo anauka, naima chilili.

Yesaya 25:8

Iye wameza imfa kunthawi yonse; ndipo Ambuye Mulungu adzapukuta misozi pa nkhope zonse; ndipo chitonzo cha anthu ake adzachichotsa padziko lonse lapansi; chifukwa Yehova wanena.

Yesaya 26:19

Akufa anu adzakhala ndi moyo; mitembo yao idzauka. Ukani muimbe, inu amene mukhala m'fumbi; chifukwa mame ako akunga mame a pamasamba, ndipo dziko lapansi lidzatulutsa mizimu.

Danieli 12:2

Ndipo ambiri a iwo ogona m'fumbi lapansi adzauka, ena kunka kumoyo wosatha, ndi ena kumanyazi ndi mnyozo wosatha.

Hoseya 13:14

Ndidzawaombola kumphamvu ya kumanda, ndidzawaombola kuimfa; imfa, miliri yako ili kuti? Kulekerera kudzabisika pamaso panga.

Yohane 11:11

Izi anati, ndipo zitatha izi ananena nao, Lazaro bwenzi lathu ali m'tulo; koma ndimuka kukamuukitsa iye tulo take.

Machitidwe a Atumwi 7:60

Ndipo m'mene anagwada pansi, anafuula ndi mau aakulu, Ambuye, musawaikire iwo tchimo ili. Ndipo m'mene adanena ichi, anagona tulo.

1 Akorinto 11:30

Chifukwa chake ambiri mwa inu afooka, nadwala, ndipo ambiri agona.

1 Akorinto 15:20

Koma tsopano Khristu waukitsidwa kwa akufa, chipatso choyamba cha iwo akugona.

1 Akorinto 15:51

Taonani, ndikuuzani chinsinsi; sitidzagona tonse, koma tonse tidzasandulika,

1 Atesalonika 4:14

Pakuti ngati tikhulupirira kuti Yesu adamwalira, nauka, koteronso Mulungu adzatenga pamodzi ndi Iye iwo akugona mwa Yesu.

1 Atesalonika 5:10

amene anafa m'malo mwathu, kuti, tingakhale tidikira, tingakhale tigona, tikakhale ndi moyo pamodzi ndi Iye.