Masalimo 94:5 - Buku Lopatulika

⁵ Aphwanya anthu anu, Yehova, nazunza cholowa chanu.

Chichewa Buku Lopatulika Bible 2014

⁵ Aphwanya anthu anu, Yehova, nazunza cholandira chanu.

Buku Loyera Catholic Edition - Chichewa

⁵ Amatswanya anthu anu, Inu Chauta, amazunza anthu anu osankhidwa.

Mawu a Mulungu mu Chichewa Chalero

⁵ Amaphwanya anthu anu, Inu Yehova; amapondereza cholowa chanu.

Masalimo 94:5 Mawu Ofanana

Masalimo 14:4

Kodi onse ochita zopanda pake sadziwa kanthu? Pakudya anthu anga monga akudya mkate, ndipo saitana pa Yehova.

Masalimo 44:22

Koma, chifukwa cha Inu, tiphedwa tsiku lonse; tiyesedwa ngati nkhosa zakuzipha.

Masalimo 7:2

kuti angamwetule moyo wanga ngati mkango, ndi kuukadzula, wopanda wina wondilanditsa.

Masalimo 74:8

Ananena mumtima mwao, Tiwapasule pamodzi; anatentha zosonkhaniramo za Mulungu zonse, m'dzikomo.

Masalimo 79:7

Pakuti anathera Yakobo, napasula pokhalira iye.

Yesaya 3:15

muti bwanji inu, amene mupsinja anthu anga, ndi kupera nkhope ya wosauka? Ati Ambuye, Yehova wa makamu.

Yesaya 52:5

Chifukwa chake kodi ndichitenji pano? Ati Yehova; popeza anthu anga achotsedwa popanda kanthu? Akuwalamulira awaliritsa, ati Yehova; ndipo dzina langa lichitidwa mwano tsiku lonse kosalekeza.

Yeremiya 22:17

Koma maso ako ndi mtima wako sizisamalira kanthu koma kusirira, ndi kukhetsa mwazi wosachimwa, ndi kusautsa, ndi zachiwawa, kuti uzichite.

Yeremiya 50:11

Chifukwa mukondwa, chifukwa musekerera, inu amene mulanda cholowa changa, chifukwa muli onenepa monga ng'ombe yaikazi yoponda tirigu, ndi kulira ngati akavalo olimba;

Yeremiya 51:34

Nebukadinezara mfumu ya ku Babiloni wandidya ine, wandiphwanya ine, wandiyesa ine ngati mbiya yopanda kanthu, wandimeza ngati ng'ona, wadzaza m'kamwa mwake ndi zotsekemera zanga, wanditaya ine.

Maliro 3:36

kukhotetsa mlandu wa munthu, zonsezi Ambuye sazikonda.

Ezekieli 22:7

Mwa iwe anapepula atate ndi mai, pakati pa iwe anamchitira mlendo momzunza, mwa iwe anazunza ana amasiye, ndi mkazi wamasiye.

Chivumbulutso 11:3

Ndipo ndidzalamulira mboni zanga ziwiri, ndipo zidzanenera masiku chikwi chimodzi ndi mazana awiri amphambu makumi asanu ndi limodzi, zovala chiguduli.

Chivumbulutso 17:6

Ndipo ndinaona mkazi woledzera ndi mwazi wa oyera mtima, ndi mwazi wa mboni za Yesu; ndipo ndinazizwa pakumuona iye ndi kuzizwa kwakukulu.