Masalimo 9:19 - Buku Lopatulika

¹⁹ Ukani, Yehova, asalimbike munthu; amitundu aweruzidwe pankhope panu.

Chichewa Buku Lopatulika Bible 2014

¹⁹ Ukani, Yehova, asalimbike munthu; amitundu aweruzidwe pankhope panu.

Buku Loyera Catholic Edition - Chichewa

¹⁹ Dzambatukani, Inu Chauta, munthu asakunyozeni. Azengeni mlandu anthu akunja.

Mawu a Mulungu mu Chichewa Chalero

¹⁹ Dzukani Inu Yehova, musalole munthu kuti apambane; mitundu yonse iweruzidwe pamaso panu.

Masalimo 9:19 Mawu Ofanana

Genesis 32:28

Ndipo anati, Dzina lako silidzatchedwanso Yakobo, koma Israele, chifukwa unayesana naye Mulungu ndithu, ndipo unapambana.

2 Mbiri 14:11

Ndipo Asa anafuulira kwa Yehova Mulungu wake, nati, Yehova, palibe wina ngati Inu, kuthandiza pakati pa wamphamvu ndi iye wopanda mphamvu; tithandizeni Yehova Mulungu wathu, titama Inu, tatulukira aunyinji awa m'dzina lanu. Yehova, Inu ndinu Mulungu wathu, munthu asakukanikeni.

Masalimo 10:12

Ukani, Yehova; samulani dzanja lanu, Mulungu; musaiwale ozunzika.

Masalimo 149:7

kubwezera chilango akunja, ndi kulanga mitundu ya anthu;

Masalimo 3:7

Ukani Yehova; ndipulumutseni, Mulungu wanga! Pakuti mwapanda adani anga onse patsaya; mwawathyola mano oipawo.

Masalimo 44:23

Galamukani, mugoneranji, Ambuye? Ukani, musatitaye chitayire.

Masalimo 44:26

Ukani, tithandizeni, tiomboleni mwa chifundo chanu.

Masalimo 7:6

Ukani Yehova mu mkwiyo wanu, nyamukani chifukwa cha ukali wa akundisautsa; ndipo mugalamukire ine; mwalamulira chiweruzo.

Masalimo 79:6

Thirirani mkwiyo wanu pa akunja osadziwa Inu, ndi pa maufumu osaitana pa dzina lanu.

Masalimo 80:2

Utsani chamuna chanu pamaso pa Efuremu ndi Benjamini ndi Manase, ndipo mutidzere kutipulumutsa.

Yesaya 51:9

Galamuka, galamuka, khala ndi mphamvu, mkono wa Yehova; galamuka monga masiku akale, mibadwo ya nthawi zakale. Kodi si ndiwe amene unadula Rahabu zipinjirizipinjiri; amene unapyoza chinjoka chamnyanja chija?

Yeremiya 10:25

Tsanulirani ukali wanu pa amitundu osakudziwani Inu, ndi pa mabanja osaitana dzina lanu; pakuti anadya Yakobo, inde, anamudya namutha, napasula mokhalamo mwake.

Yoweli 3:12

Agalamuke amitundu, nakwerere kuchigwa cha Yehosafati; pakuti ndidzakhala komweko kuweruza amitundu onse ozungulira.

Mika 5:15

Ndipo ndidzabwezera amitundu osamvera chilango mu mkwiyo waukali.

Zefaniya 3:8

Chifukwa chake, mundilindire, ati Yehova, kufikira tsiku loukira Ine zofunkha; pakuti ndatsimikiza mtima Ine kusonkhanitsa amitundu, kuti ndimemeze maufumu kuwatsanulira kulunda kwanga, ndilo mkwiyo wanga wonse waukali; pakuti dziko lonse lapansi lidzathedwa ndi moto wa nsanje yanga.

Zekariya 14:18

Ndipo banja la ku Ejipito likapanda kukwera, losafika, sudzawagwera kodi mliri umene Yehova adzakantha nao amitundu osakwera kusunga chikondwerero cha Misasa?

Chivumbulutso 19:15

Ndipo m'kamwa mwake mutuluka lupanga lakuthwa, kuti akanthe nalo mitundu ya anthu; ndipo Iye adzawalamulira ndi ndodo yachitsulo: ndipo aponda Iye moponderamo mphesa mwa vinyo waukali wa mkwiyo wa Mulungu Wamphamvuyonse.

1 Samueli 2:9

Adzasunga mapazi a okondedwa ake, koma oipawo adzawakhalitsa chete mumdima; pakuti palibe munthu adzapambana ndi mphamvu.