Masalimo 59:3 - Buku Lopatulika

³ Pakuti onani, alalira moyo wanga; amphamvu andipangira chiwembu, osachimwa, osalakwa ine, Yehova,

Chichewa Buku Lopatulika Bible 2014

³ Pakuti onani, alalira moyo wanga; amphamvu andipangira chiwembu, osachimwa, osalakwa ine, Yehova,

Buku Loyera Catholic Edition - Chichewa

³ Onani, iwo akubisalira moyo wanga, anthu oopsa agwirizana kuti andithire nkhondo. Ngakhale sindidachite choipa kapena kuchimwa konse, Inu Chauta,

Mawu a Mulungu mu Chichewa Chalero

³ Onani momwe iwo akundibisalira! Anthu owopsa agwirizana zolimbana nane; osati chifukwa cha mlandu kapena tchimo langa, Inu Yehova.

Masalimo 59:3 Mawu Ofanana

Masalimo 140:2

amene adzipanga zoipa mumtima mwao; masiku onse amemeza nkhondo.

Masalimo 2:2

Adzikhazikitsa mafumu a dziko lapansi, nachita upo akulu pamodzi, Kutsutsana naye Yehova, ndi Wodzozedwa wake, ndi kuti,

Masalimo 38:12

Ndipo anditchera misampha iwo akufuna moyo wanga; ndipo iwo akuyesa kundichitira choipa alankhula zoononga, nalingirira zonyenga tsiku lonse.

Masalimo 56:6

Amemezana, alalira, atchereza mapazi anga, popeza alindira moyo wanga.

Masalimo 69:4

Ondida kopanda chifukwa achuluka koposa tsitsi la pamutu panga; ofuna kunditha, ndiwo adani anga monama, ali ndi mphamvu. Pamenepo andibwezetsa chosafunkha ine.

Miyambo 12:6

Mau a oipa abisalira mwazi; koma m'kamwa mwa olungama muwalanditsa.

Miyambo 24:15

Usabisalire, woipa iwe, pomanga wolungama; usapasule popuma iyepo.

Mika 7:2

Watha wachifundo m'dziko, palibe woongoka mwa anthu; onsewo alalira mwazi; yense asaka mbale wake ndi ukonde.

Yohane 15:25

Koma chitero, kuti mau olembedwa m'chilamulo chao akwaniridwe, kuti, Anandida Ine kopanda chifukwa.

Machitidwe a Atumwi 23:21

Pamenepo musakopedwe nao; pakuti amlalira iye oposa makumi anai a iwo amene anadzitemberera okha kuti sadzadya kapena kumwa kufikira atamupha iye; ndipo akonzekeratu tsopano nayang'anira lonjezano lanu.

1 Samueli 19:1

Ndipo Saulo analankhula kwa Yonatani mwana wake, ndi anyamata ake onse kuti amuphe Davide.

1 Samueli 24:11

Ndiponso atate wanga, penyani, inde penyani mkawo wa mwinjiro wanu m'dzanja langa; popeza ndinadula mkawo wa mwinjiro wanu, osakuphani, mudziwe, nimuone kuti mulibe choipa kapena kulakwa m'dzanja langa, ndipo sindinakuchimwirani, chinkana inu musaka moyo wanga kuti muugwire.

1 Samueli 24:17

Nati kwa Davide, Iwe ndiwe wolungama woposa ine; popeza unandibwezera zabwino, koma ine ndinakubwezera zoipa.

1 Samueli 26:18

Nati iye, Chifukwa ninji mbuye wanga amalondola mnyamata wake? Pakuti ndachitanji? Kapena m'dzanja langa muli choipa chotani?