Masalimo 42:8 - Buku Lopatulika

⁸ Koma usana Yehova adzalamulira chifundo chake, ndipo usiku nyimbo yake idzakhala ndi ine. Inde pemphero la kwa Mulungu wa moyo wanga.

Chichewa Buku Lopatulika Bible 2014

⁸ Koma usana Yehova adzalamulira chifundo chake, ndipo usiku nyimbo yake idzakhala ndi ine. Inde pemphero la kwa Yehova wa moyo wanga.

Buku Loyera Catholic Edition - Chichewa

⁸ Komabe Chauta amaonetsa chikondi chake chosasinthika tsiku ndi tsiku, Nchifukwa chake nthaŵi zonse ndimamuimbira nyimbo, ndi kumpemphera Mulungu wondipatsa moyo.

Mawu a Mulungu mu Chichewa Chalero

⁸ Koma usana Yehova amalamulira chikondi chake, nthawi ya usiku nyimbo yake ili nane; pemphero kwa Mulungu wa moyo wanga.

Masalimo 42:8 Mawu Ofanana

2 Samueli 22:5

Pakuti mafunde a imfa anandizinga, mitsinje ya zopanda pake inandiopsa ine.

Yobu 35:10

Koma palibe anganene, Ali kuti Mulungu Mlengi wanga, wakupatsa nyimbo usiku;

Masalimo 124:4

Akadatimiza madziwo, mtsinje ukadapita pa moyo wathu;

Masalimo 133:3

Ngati mame a ku Heremoni, akutsikira pa mapiri a Ziyoni. Pakuti pamenepo Yehova analamulira dalitsolo, ndilo moyo womka muyaya.

Masalimo 149:5

Okondedwa ake atumphe mokondwera mu ulemu: Afuule mokondwera pamakama pao.

Masalimo 16:7

Ndidzadalitsa Yehova, amene anandichitira uphungu, usikunso impso zanga zindilangiza.

Masalimo 27:1

Yehova ndiye kuunika kwanga ndi chipulumutso changa; ndidzaopa yani? Yehova ndiye mphamvu ya moyo wanga; ndidzachita mantha ndi yani?

Masalimo 32:7

Inu ndinu mobisalira mwanga; m'nsautso mudzandisunga; mudzandizinga ndi nyimbo za chipulumutso.

Masalimo 44:4

Inu ndinu mfumu yanga, Mulungu; lamulirani chipulumutso cha Yakobo.

Masalimo 57:3

Adzanditumizira m'mwamba, nadzandipulumutsa ponditonza wofuna kundimeza; Mulungu adzatumiza chifundo chake ndi choonadi chake.

Masalimo 63:6

Pokumbukira Inu pa kama wanga, ndi kulingalira za Inu maulonda a usiku.

Masalimo 77:6

Ndikumbukira nyimbo yanga usiku; ndilingalira mumtima mwanga; mzimu wanga unasanthula.

Masalimo 88:8

Munandisiyanitsira wodziwana nane kutali; munandiika ndiwakhalire chonyansa. Ananditsekereza, osakhoza kutuluka ine.

Yesaya 30:29

Inu mudzakhala ndi nyimbo, monga usiku, podya phwando lopatulika; ndi mtima wokondwa, monga pomuka wina ndi chitoliro, kufikira kuphiri la Yehova, kuthanthwe la Israele.

Levitiko 25:21

pamenepo ndidzauza dalitso langa litsike pa inu chaka chachisanu ndi chimodzi, ndipo chidzapatsa zipatso zofikira zaka zitatu.

Yona 2:4

Ndipo ndinati, Ndatayika ndichoke pamaso panu; koma ndidzapenyanso Kachisi wanu wopatulika.

Mateyu 8:8

Koma kenturiyoyo anavomera nati, Ambuye, sindiyenera kuti mukalowe pansi pa tsindwi langa iai; koma mungonena mau, ndipo adzachiritsidwa mnyamata wanga.

Machitidwe a Atumwi 16:25

Koma ngati pakati pa usiku, Paulo ndi Silasi analinkupemphera, naimbira Mulungu nyimbo, ndipo a m'ndendemo analinkuwamva;

Deuteronomo 28:8

Yehova adzakulamulirani dalitso m'nkhokwe zanu, ndi m'zonse mutulutsirako dzanja lanu; ndipo adzakudalitsani m'dziko limene Yehova Mulungu wanu akupatsani.

Akolose 3:3

Pakuti munafa, ndipo moyo wanu wabisika pamodzi ndi Khristu mwa Mulungu.