Masalimo 18:11 - Buku Lopatulika

¹¹ Anaika mdima pobisala pake, hema wake womzinga; mdima wa madzi, makongwa a kuthambo.

Chichewa Buku Lopatulika Bible 2014

¹¹ Anaika mdima pobisala pake, hema wake womzinga; mdima wa madzi, makongwa a kuthambo.

Buku Loyera Catholic Edition - Chichewa

¹¹ Mdima adausandutsa chofunda chake, mitambo yakuda yamvula adaisandutsa mwafuli wake.

Mawu a Mulungu mu Chichewa Chalero

¹¹ Iye anapanga mdima kukhala chofunda chake, chophimba chake chomuzungulira chinali mitambo yakuda ya mlengalenga.

Masalimo 18:11 Mawu Ofanana

Masalimo 104:3

Amene alumikiza mitanda ya zipinda zake m'madzi; naika makongwa akhale agaleta ake; nayenda pa mapiko a mphepo.

Masalimo 27:5

Chifukwa kuti pa tsiku la tsoka Iye adzandibisa mumsasa mwake, adzandibisa mkati mwa chihema chake; pathanthwe adzandikweza.

Masalimo 81:7

Unaitana posautsika, ndipo ndinakulanditsa; ndinakuvomereza mobisalika m'bingu; ndinakuyesa kumadzi a Meriba.

Masalimo 91:1

Iye amene akhala pansi m'ngaka yake ya Wam'mwambamwamba adzagonera mu mthunzi wa Wamphamvuyonse.

Masalimo 97:2

Pomzinga pali mitambo ndi mdima; chilungamo ndi chiweruzo ndizo zolimbitsa mpando wake wachifumu.

Ezekieli 10:18

Ndipo ulemerero wa Yehova unachoka pa chiundo cha nyumba, nuima pamwamba pa akerubi.

Yoweli 2:2

tsiku la mdima, la mdima wandiweyani, tsiku la mitambo, mitambo yochindikira, ngati m'mbandakucha moyalika pamapiri; mtundu waukulu ndi wamphamvu, panalibe wotere ndi kale lonse, sipadzakhalanso wotere utapita uwu, kufikira zaka za mibadwo yambiri.

Deuteronomo 4:11

Ndipo munayandikiza ndi kuima patsinde paphiri; ndi phirilo linayaka moto kufikira pakati pa thambo; kunali mdima, ndi mtambo, inde mdima bii.