Masalimo 109:5 - Buku Lopatulika

⁵ Ndipo anandisenza choipa m'malo mwa chokoma, ndi udani m'malo mwa chikondi changa.

Chichewa Buku Lopatulika Bible 2014

⁵ Ndipo anandisenza choipa m'malo mwa chokoma, ndi udani m'malo mwa chikondi changa.

Buku Loyera Catholic Edition - Chichewa

⁵ Motero amandibwezera zoipa m'malo mwa zabwino, amandiwonetsa chidani m'malo mwa chikondi changa.

Mawu a Mulungu mu Chichewa Chalero

⁵ Iwo amandibwezera zoyipa mʼmalo mwa zabwino, ndi udani mʼmalo mwa chikondi changa.

Masalimo 109:5 Mawu Ofanana

Genesis 44:4

Atatuluka m'mzinda asanamuke patali, Yosefe anati kwa tsanyumba wake, Tanyamuka, talondola anthu aja, ukawapeza unene nao, Chifukwa chanji mwabwezera zoipa m'malo mwa zabwino?

2 Samueli 15:12

Ndipo Abisalomu anaitana Ahitofele Mgiloni, phungu wa Davide, kumzinda wake ndiwo Gilo, pamene iye analikupereka nsembe. Ndipo chiwembucho chinali cholimba; pakuti anthu anachulukachulukabe kwa Abisalomu.

2 Samueli 15:31

Ndipo wina anauza Davide nati, Ahitofele ali pakati pa opangana chiwembu pamodzi ndi Abisalomu. Davide nati, Yehova, musandulize uphungu wa Ahitofele ukhale wopusa.

Masalimo 38:20

Ndipo iwo akubwezera choipa pa chabwino atsutsana nane, popeza nditsata chabwino.

Miyambo 17:13

Wobwezera zabwino zoipa, zoipa sizidzamchokera kwao.

Yeremiya 18:20

Kodi choipa chibwezedwe pa chabwino? Pakuti akumbira moyo wanga dzenje. Mukumbukire kuti ndinaima pamaso panu kuwanenera zabwino, kuwachotsera iwo ukali wanu.

Luka 6:16

ndi Yudasi mwana wa Yakobo, ndi Yudasi Iskariote, amene anali wompereka Iye.

Yohane 13:18

Sindinena za inu nonse; ndidziwa amene ndawasankha: koma kuti cholemba chikwaniridwe, Iye wakudya mkate wanga anatsalimira pa Ine chidendene chake.

1 Samueli 19:5

popeza iye anataya moyo wake nakantha Mfilistiyo, ndipo Yehova anachitira Aisraele onse chipulumutso chachikulu, inu munachiona, nimunakondwera; tsono mudzachimwiranji mwazi wosalakwa, ndi kumupha Davide popanda chifukwa?