Masalimo 10:12 - Buku Lopatulika

¹² Ukani, Yehova; samulani dzanja lanu, Mulungu; musaiwale ozunzika.

Chichewa Buku Lopatulika Bible 2014

¹² Ukani, Yehova; samulani dzanja lanu, Mulungu; musaiwale ozunzika.

Buku Loyera Catholic Edition - Chichewa

¹² Dzambatukani, Inu Chauta. Onetsani mphamvu zanu, Inu Mulungu. Musaiŵale ozunzika.

Mawu a Mulungu mu Chichewa Chalero

¹² Dzukani Yehova! Onetsani dzanja lanu Inu Mulungu. Musayiwale anthu opanda mphamvu.

Masalimo 10:12 Mawu Ofanana

Masalimo 13:1

Mudzandiiwala chiiwalire, Yehova, kufikira liti? Mudzandibisira ine nkhope yanu kufikira liti?

Masalimo 17:13

Ukani Yehova, Mumtsekereze, mumgwetse, landitsani moyo wanga kwa woipa ndi lupanga lanu;

Masalimo 17:7

Onetsani chifundo chanu chodabwitsa, Inu wakupulumutsa okhulupirira Inu kwa iwo akuwaukira ndi dzanja lanu lamanja.

Masalimo 3:7

Ukani Yehova; ndipulumutseni, Mulungu wanga! Pakuti mwapanda adani anga onse patsaya; mwawathyola mano oipawo.

Masalimo 7:6

Ukani Yehova mu mkwiyo wanu, nyamukani chifukwa cha ukali wa akundisautsa; ndipo mugalamukire ine; mwalamulira chiweruzo.

Masalimo 74:19

Musapereke moyo wa njiwa yanu kwa chilombo; musamaiwala moyo wa ozunzika anu nthawi yonse.

Masalimo 77:9

Kodi Mulungu waiwala kuchita chifundo? Watsekereza kodi nsoni zokoma zake mumkwiyo?

Masalimo 9:12

Pakuti Iye wofuna chamwazi awakumbukira; saiwala kulira kwa ozunzika.

Masalimo 9:13

Ndichitireni chifundo, Yehova; penyani kuzunzika kwanga kumene andichitira ondidawo, inu wondinyamula kundichotsa kuzipata za imfa.

Masalimo 9:19

Ukani, Yehova, asalimbike munthu; amitundu aweruzidwe pankhope panu.

Masalimo 94:2

Nyamukani, Inu woweruza wa dziko lapansi: Bwezerani odzikuza choyenera iwo.

Yesaya 26:11

Yehova, dzanja lanu litukulidwa, koma iwo saona; koma iwo adzaona changu chanu cha kwa anthu, nadzakhala ndi manyazi; inde moto udzamaliza adani anu.

Yesaya 33:10

Tsopano ndidzauka, ati Yehova; tsopano ndidzanyamuka, tsopano ndidzakwezedwa.

Mika 5:9

Dzanja lako likwezeke pamwamba pa iwo akuyambana nawe, ndi adani ako onse aonongeke.

Oweruza 16:28

Pamenepo Samisoni anaitana kwa Yehova, nati, Yehova, Mulungu, mundikumbukire, ndikupemphani, ndi kundilimbitsa, ndikupemphani, nthawi ino yokha, Mulungu, kuti ndidzilipsiriretu tsopano apa Afilisti, chifukwa cha maso anga awiri.