Hoseya 5:10 - Buku Lopatulika

¹⁰ Akalonga a Yuda akunga anthu osuntha malire; ndidzawatsanulira mkwiyo wanga ngati madzi.

Chichewa Buku Lopatulika Bible 2014

¹⁰ Akalonga a Yuda akunga anthu osuntha malire; ndidzawatsanulira mkwiyo wanga ngati madzi.

Buku Loyera Catholic Edition - Chichewa

¹⁰ Chauta akuti, “Atsogoleri a ku Yuda amachita nkhondo kuti afutuze malire. Nchifukwa chake ndidzaŵamiza ndi mkwiyo wanga ngati madzi achigumula.

Mawu a Mulungu mu Chichewa Chalero

¹⁰ Atsogoleri a Yuda ali ngati anthu amene amasuntha miyala ya mʼmalire. Ndidzawakhutulira ukali wanga ngati madzi a chigumula.

Hoseya 5:10 Mawu Ofanana

Masalimo 32:6

Chifukwa chake oyera mtima onse apemphere kwa Inu, pa nthawi ya kupeza Inu; indetu pakusefuka madzi aakulu sadzamfikira iye.

Masalimo 69:24

Muwatsanulire mkwiyo wanu, ndipo moto wa ukali wanu uwagwere.

Masalimo 88:17

Zinandizungulira ngati madzi tsiku lonse; zinandizinga pamodzi.

Miyambo 17:14

Chiyambi cha ndeu chifanana ndi kutsegulira madzi; tsono kupikisana kusanayambe tasiya makani.

Miyambo 22:28

Usasunthe chidziwitso chakale cha m'malire, chimene makolo ako anachiimika.

Yesaya 1:23

Akulu ako apanduka, ali anzao a mbala; onse akonda mitulo, natsata zokometsera milandu; iwo saweruzira amasiye; ngakhale mlandu wa mkazi wamasiye suwafika.

Ezekieli 22:22

Monga siliva asungunuka m'kati mwa ng'anjo, momwemo inu mudzasungunuka m'kati mwake; motero mudzadziwa kuti Ine Yehova ndakutsanulirani ukali wanga.

Ezekieli 7:8

Katsala kamphindi, ndipo ndidzakutsanulira ukali wanga, ndi kukukwaniritsira mkwiyo wanga, ndi kukuweruza monga mwa njira zako, ndipo ndidzakubwezera zonyansa zako zonse.

Mateyu 7:27

ndipo inagwa mvula, nidzala mitsinje, ndipo zinaomba mphepo, zinagunda pa nyumbayo; ndipo inagwa; ndi kugwa kwake kunali kwakukulu.

Luka 6:49

Koma iye amene akumva, ndi kusachita, afanafana ndi munthu wakumanga nyumba pa nthaka yopanda maziko; pa imeneyo unagunda mtsinje, ndipo inagwa pomwepo; ndipo kugumuka kwake kwa nyumbayo kunali kwakukulu.

Deuteronomo 19:14

Musamasendeza malire a mnansi wanu, amene adawaika iwo a kale lomwe, m'cholowa chanu mudzalandirachi, m'dziko limene Yehova Mulungu wanu akupatsani likhale lanulanu.

Deuteronomo 27:17

Wotembereredwa iye wakusendeza malire a mnansi wake. Ndi anthu onse anene, Amen.