Genesis 49:16 - Buku Lopatulika

¹⁶ Dani adzaweruza anthu ake, monga limodzi la mafuko a Israele.

Chichewa Buku Lopatulika Bible 2014

¹⁶ Dani adzaweruza anthu ake, monga limodzi la mafuko a Israele.

Buku Loyera Catholic Edition - Chichewa

¹⁶ “Dani adzalamulira anthu ake. Anthuwo adzalingana ndi mafuko ena a Israele.

Mawu a Mulungu mu Chichewa Chalero

¹⁶ “Dani adzaweruza mwachilungamo anthu ake monga limodzi mwa mafuko a anthu a mu Israeli.

Genesis 49:16 Mawu Ofanana

Genesis 30:6

Rakele ndipo anati, Mulungu wandiweruzira ine, namva mau anga, nandipatsa ine mwana; chifukwa chake anamutcha dzina lake Dani.

Genesis 49:15

Ndipo anaona popumulapo kuti panali pabwino, ndi dziko kuti linali lokondweretsa; ndipo anaweramitsa phewa lake kuti anyamule, nakhala kapolo wakugwira ntchito ya msonkho.

Genesis 49:17

Dani adzakhala njoka m'khwalala, songo panjira, imene iluma zitendene za kavalo, kuti womkwera wake agwe chambuyo.

Numeri 10:25

Pamenepo anayenda a mbendera ya chigono cha ana a Dani, ndiwo a m'mbuyombuyo a zigono zonse, monga mwa magulu ao; ndi pa gulu lake anayang'anira Ahiyezere mwana wa Amisadai.

Deuteronomo 33:22

Ndi za Dani anati, Dani ndiye mwana wa mkango, wakutumpha motuluka mu Basani.

Oweruza 13:2

Ndipo panali munthu wina wa Zora wa banja la Adani, dzina lake ndiye Manowa; ndi mkazi wake analibe mwana, sanabale.

Oweruza 15:20

Ndipo Samisoni anaweruza Israele m'masiku a Afilisti zaka makumi awiri.