Genesis 10:11 - Buku Lopatulika

¹¹ M'dziko momwemo iye anatuluka kunka ku Asiriya, namanga Ninive, ndi mzinda wa Rehoboti, ndi Kala,

Chichewa Buku Lopatulika Bible 2014

¹¹ M'dziko momwemo iye anatuluka kunka ku Asiriya, namanga Ninive, ndi mudzi wa Rehoboti, ndi Kala,

Buku Loyera Catholic Edition - Chichewa

¹¹ Iyeyu adachoka ku Sinara nakakhala ku Asiriya, ndipo adakamanga mizinda ya Ninive, Rehobotiiri, Kala,

Mawu a Mulungu mu Chichewa Chalero

¹¹ Atachoka mʼdziko limeneli anapita ku Asiriya kumene anakamanga Ninive, Rehoboti-Iri, Kala,

Genesis 10:11 Mawu Ofanana

Genesis 10:12

ndi Reseni pakati pa Ninive ndi Kala: umenewo ndi mzinda waukulu.

2 Mafumu 19:36

Nachoka Senakeribu mfumu ya Asiriya, namuka, nabwerera, nakhala ku Ninive.

Ezara 4:2

anayandikira kwa Zerubabele, ndi kwa akulu a nyumba za makolo, nanena nao, Timange pamodzi nanu; pakuti timfuna Mulungu wanu monga inu, ndipo timamphera nsembe chiyambire masiku a Esarahadoni mfumu ya Asiriya, amene anatikweretsa kuno.

Masalimo 83:8

Asiriya anaphatikana nao; anakhala dzanja la ana a Loti.

Yesaya 37:37

Ndipo Senakeribu, mfumu ya Asiriya, anachoka, namuka, nabwerera, nakhala pa Ninive.

Ezekieli 27:23

Harani ndi Kane ndi Edeni, amalonda a ku Sheba Asiriya ndi Kilimadi, anagulana nawe malonda.

Ezekieli 32:22

Asiriya ali komwe ndi msonkhano wake wonse, manda ake amzinga; ophedwa onsewo, adagwa ndi lupanga;

Hoseya 14:3

Asiriya sadzatipulumutsa; sitidzayenda pa akavalo, ndipo sitidzanenanso kwa ntchito ya manja athu, Inu ndinu milungu yathu; pakuti mwa Inu ana amasiye apeza chifundo.

Yona 1:2

Nyamuka, pita ku Ninive, mzinda waukuluwo, nulalikire motsutsana nao; pakuti choipa chao chandikwerera pamaso panga.

Mika 5:6

Ndipo iwo adzatha dziko la Asiriya ndi lupanga, ndi dziko la Nimirodi, ndilo polowera pake; ndipo adzatilanditsa kwa a ku Asiriya pamene alowa m'dziko lathu, pamene aponda m'kati mwa malire athu.

Nahumu 1:1

Katundu wa Ninive. Buku la masomphenya a Nahumu wa ku Elikosi.

Nahumu 2:8

Koma Ninive wakhala chiyambire chake ngati thamanda lamadzi; koma athawa. Imani, Imani! Ati, koma palibe wocheuka.

Nahumu 3:7

Ndipo kudzali kuti onse akupenyerera iwe adzakuthawa, nadzati, Ninive wapasuka, adzamlira maliro ndani? Ndidzakufunira kuti akukutonthoza?

Zefaniya 2:13

Ndipo adzatambasulira dzanja lake kumpoto nadzaononga Asiriya, nadzasanduliza Ninive akhale bwinja, wouma ngati chipululu.

Numeri 24:22

Koma Kaini adzaonongeka, kufikira Asiriya adzakumanga nsinga.

Numeri 24:24

Koma zombo zidzafika kuchokera ku dooko la Kitimu, ndipo adzasautsa Asiriya, nadzasautsa Eberi, koma iyenso adzaonongeka.