Danieli 6:18 - Buku Lopatulika

¹⁸ Pamenepo mfumu inamuka kuchinyumba chake, nichezera kusala usikuwo, ngakhale zoimbitsa sanabwere nazo pamaso pake, ndi m'maso mwake munamuumira.

Chichewa Buku Lopatulika Bible 2014

¹⁸ Pamenepo mfumu inamuka kuchinyumba chake, nichezera kusala usikuwo, ngakhale zoimbitsa sanabwere nazo pamaso pake, ndi m'maso mwake munamuumira.

Mawu a Mulungu mu Chichewa Chalero

¹⁸ Kenaka mfumu inabwerera ku nyumba yake ndipo inakhala usiku wonse osadya kanthu, osalola chosangalatsa chilichonse. Ndipo sinagone tulo.

Danieli 6:18 Mawu Ofanana

2 Samueli 19:24

Ndipo Mefiboseti mwana wa Saulo anatsika kukakomana ndi mfumu; ndipo sadasambe mapazi ake, kapena kumeta ndevu zake, kapena kutsuka zovala zake kuyambira tsiku lomuka mfumu kufikira tsiku lobwera kwao mumtendere.

1 Mafumu 21:27

Ndipo kunali, pakumva Ahabu mau amenewa, anang'amba zovala zake, navala chiguduli pathupi pake, nasala kudya, nagona pachiguduli, nayenda nyang'anyang'a.

Estere 6:1

Usiku uja tulo tidamwazikira mfumu, niti abwere nalo buku la mbiri, naliwerenga pamaso pa mfumu.

Yobu 21:12

Aimbira lingaka ndi zeze, nakondwera pomveka chitoliro.

Masalimo 137:2

Pa msondodzi uli m'mwemo tinapachika mazeze athu.

Masalimo 77:4

Mundikhalitsa maso; ndigwidwa mtima wosanena kanthu.

Mlaliki 2:8

ndinakundikanso siliva ndi golide ndi chuma cha mafumu ndi madera a dziko; ndinaitanitsa amuna ndi akazi akuimba ndi zokondweretsazo za ana a anthu, ndizo zoimbira za mitundumitundu.

Maliro 3:53

anaononga moyo wanga m'dzenje, naponya mwala pamwamba pa ine;

Danieli 10:3

Chakudya chofunika osachidya ine, nyama kapena vinyo zosapita pakamwa panga, osadzola ine konse, mpaka anakwaniridwa masabata atatu amphumphu.

Danieli 2:1

Chaka chachiwiri cha Nebukadinezara mfumu, Nebukadinezarayo analota maloto, ndi mzimu wake unavutika, ndi tulo take tidamwazikira.

Danieli 6:19

Nilawira mamawa mfumu, nimuka mofulumira kudzenje la mikango.

Chivumbulutso 18:22

Ndipo mau a anthu oimba zeze, ndi a oimba, ndi a oliza zitoliro, ndi a oomba malipenga sadzamvekanso konse mwa iwe; ndipo mmisiri aliyense wa machitidwe ali onse sadzapezedwanso konse mwa iwe; ndi mau a mphero sadzamvekanso konse mwa iwe;