Amosi 5:7 - Buku Lopatulika

⁷ inu osintha chiweruzo chikhale chivumulo, nimugwetsa pansi chilungamo.

Chichewa Buku Lopatulika Bible 2014

⁷ inu osintha chiweruzo chikhale chivumulo, nimugwetsa pansi chilungamo.

Buku Loyera Catholic Edition - Chichewa

⁷ Tsoka kwa inu amene mumasandutsa chilungamo kuti chikhale choipa, inu amene mumanyoza zolungama.

Mawu a Mulungu mu Chichewa Chalero

⁷ Inu amene mumasandutsa chiweruzo cholungama kukhala chowawa ndi kunyoza chilungamo.

Amosi 5:7 Mawu Ofanana

Masalimo 125:5

Koma iwo akupatula kutsata njira zao zokhotakhota, Yehova adzawachotsa pamodzi ndi ochita zopanda pake. Mtendere ukhale pa Israele.

Masalimo 36:3

Mau a pakamwa pake ndiwo opanda pake ndi onyenga, waleka kuzindikira ndi kuchita bwino.

Miyambo 21:7

Chiwawa cha amphulupulu chidzawakokolola; chifukwa akana kuchita chiweruzo.

Yesaya 1:23

Akulu ako apanduka, ali anzao a mbala; onse akonda mitulo, natsata zokometsera milandu; iwo saweruzira amasiye; ngakhale mlandu wa mkazi wamasiye suwafika.

Yesaya 10:1

Tsoka kwa iwo amene alamulira malamulo osalungama, ndi kwa alembi olemba mphulupulu;

Yesaya 46:12

Mverani Ine, inu olimba mtima, amene muli kutali ndi chilungamo;

Yesaya 5:20

Tsoka kwa iwo amene ayesa zoipa zabwino, ndi zabwino zoipa; amene aika mdima m'malo mwa kuyera, ndi kuyera m'malo mwa mdima; amene aika zowawa m'malo mwa zotsekemera, ndi zotsekemera m'malo mwa zowawa!

Yesaya 5:7

Chifukwa kuti munda wampesa wa Yehova wa makamu ndiwo banja la Israele, ndi anthu a Yuda, mtengo wake womkondweretsa; Iye nayembekeza chiweruziro, koma onani kuphana; nayembekeza chilungamo, koma onani kufuula.

Ezekieli 18:24

Koma wolungamayo akabwerera kuleka chilungamo chake, nakachita mphulupulu, ndi kuchita monga mwa zonyansa zonse azichita woipa, adzakhala ndi moyo kodi? Nnena chimodzi cha zolungama zake zonse adzazichita chidzakumbukika m'kulakwa kwake analakwa nako, ndi m'kuchimwa kwake anachimwa nako; momwemo adzafa.

Ezekieli 3:20

Momwemonso akabwerera wolungama kuleka chilungamo chake, ndi kuchita chosalungama, ndipo ndikamuikira chomkhumudwitsa, adzafa; popeza sunamchenjeze, adzafa m'tchimo lake, ndi zolungama zake adazichita sizidzakumbukika; koma mwazi wake ndidzaufuna padzanja lako.

Ezekieli 33:18

Akabwerera wolungama kuleka chilungamo chake, nakachita chosalungama, adzafa m'mwemo.

Hoseya 10:4

Anena mau akulumbira monama, pakuchita mapangano momwemo; chiweruzo chiphuka ngati zitsamba zowawa m'michera ya munda.

Amosi 2:3

ndipo ndidzalikha woweruza pakati pake, ndi kupha akalonga ake onse, ati Yehova.

Amosi 3:10

Pakuti sadziwa kuchita zolungama, amene akundika zachiwawa ndi umbala m'nyumba zao zachifumu, ati Yehova.

Amosi 6:12

Kodi akavalo adzathamanga pathanthwe? Kodi adzalimako ndi ng'ombe pakuti mwasanduliza chiweruzo chikhale ndulu, ndi chipatso cha chilungamo chikhale chivumulo;

Mika 3:9

Tamvanitu ichi, akulu a nyumba ya Yakobo inu, ndi oweruza a nyumba ya Israele inu, akuipidwa nacho chiweruzo, ndi kupotoza zoongoka zonse.

Habakuku 1:4

Pakuti chilamulo chalekeka, ndi chiweruzo sichitulukira konse; popeza woipa azinga wolungama, chifukwa chake chiweruzo chituluka chopindika.

Zefaniya 1:6

ndi iwo akubwerera osamtsata Yehova; ndi osamfuna Yehova, kapena kufunsira kwa Iye.

Deuteronomo 29:18

kuti angakhale pakati pa inu mwamuna, kapena mkazi, kapena banja, kapena fuko, mtima wao watembenuka kusiyana naye Yehova Mulungu wathu lero lino, kuti apite ndi kutumikira milungu ya amitundu aja; kuti ungakhale pakati pa inu muzu wakubala ndulu ndi chowawa.