Ahebri 12:12 - Buku Lopatulika

¹² Mwa ichi limbitsani manja ogooka, ndi maondo olobodoka;

Chichewa Buku Lopatulika Bible 2014

¹² Mwa ichi limbitsani manja ogooka, ndi maondo olobodoka;

Buku Loyera Catholic Edition - Chichewa

¹² Limbitsani tsono manja anu ofooka ndiponso maondo anu agooka.

Mawu a Mulungu mu Chichewa Chalero

¹² Nʼchifukwa chake limbitsani manja anu otopa ndi mawondo anu ogowoka.

Ahebri 12:12 Mawu Ofanana

Masalimo 109:24

Mabondo anga agwedezeka chifukwa cha kusala; ndi mnofu wanga waonda posowa mafuta.

Yesaya 35:3

Limbitsani manja opanda mphamvu, ndi kulimbitsa maondo a gwedegwede.

Ezekieli 21:7

Ndipo kudzakhala akanena ndi iwe, Uusa moyo chifukwa ninji? Uzikati, Chifukwa cha mbiri; pakuti ikudza, ndi mtima uliwonse udzasungunuka, ndi manja onse adzalenda, ndi mzimu uliwonse udzakomoka, ndi maondo onse adzaweyeseka ngati madzi; taona ilinkudza, inde idzachitika, ati Ambuye Yehova.

Ezekieli 7:17

Manja onse adzalenda, ndi maondo onse adzaweyeseka ngati madzi.

Danieli 5:6

Pamenepo padasandulika pa nkhope pake pa mfumu, ndi maganizo ake anamsautsa, ndi mfundo za m'chuuno mwake zinaguluka, ndi maondo ake anaombana.

Nahumu 2:10

Ndiye mopanda kanthu mwakemo ndi mwachabe, ndi wopasuka; ndi mtima usungunuka, ndi maondo aombana, ndi m'zuuno zonse muwawa, ndi nkhope zao zatumbuluka.

Zefaniya 3:16

Tsiku lomwelo adzati kwa Yerusalemu, Usaopa Ziyoni, manja anu asakhale olefuka.

1 Atesalonika 5:14

Koma tidandaulira inu abale, yambirirani amphwayi, limbikitsani amantha mtima. Chirikizani ofooka, mukhale oleza mtima pa onse.

Ahebri 12:3

Pakuti talingirirani Iye amene adapirira ndi ochimwa otsutsana naye kotere, kuti mungaleme ndi kukomoka m'moyo mwanu.

Ahebri 12:5

ndipo mwaiwala dandauliro limene linena nanu monga ndi ana, Mwana wanga, usayese chopepuka kulanga kwa Ambuye, kapena usakomoke podzudzulidwa ndi Iye;