2 Akorinto 3:16 - Buku Lopatulika

¹⁶ Koma pamene akatembenukira kwa Ambuye, chophimbacho chichotsedwa.

Chichewa Buku Lopatulika Bible 2014

¹⁶ Koma pamene akatembenukira kwa Mulungu, chophimbacho chichotsedwa.

Buku Loyera Catholic Edition - Chichewa

¹⁶ Koma munthu akatembenukira kwa Ambuye, chophimbacho chimachotsedwa.

Mawu a Mulungu mu Chichewa Chalero

¹⁶ Koma pamene aliyense atembenukira kwa Ambuye, “chophimbacho chimachotsedwa.”

2 Akorinto 3:16 Mawu Ofanana

Eksodo 34:34

Koma pakulowa Mose pamaso pa Yehova kunena ndi Iye, anachotsa chophimbacho, kufikira akatuluka; ndipo atatuluka analankhula ndi ana a Israele chimene adamuuza.

Yesaya 25:7

Ndipo Iye adzaononga m'phiri limeneli chophimba nkhope chovundikira mitundu yonse ya anthu, ndi nsalu yokuta amitundu onse.

Yesaya 29:18

Ndipo tsiku limenelo gonthi adzamva mau a m'buku, ndi maso akhungu adzaona potuluka m'zoziya ndi mumdima.

Yesaya 54:13

Ndipo ana ako onse adzaphunzitsidwa ndi Yehova; ndipo mtendere wa ana ako udzakhala waukulu.

Yeremiya 31:34

ndipo sadzaphunzitsa yense mnansi wake, ndi yense mbale wake, kuti, Mudziwe Yehova; pakuti iwo onse adzandidziwa, kuyambira wamng'ono kufikira wamkulu wa iwo, ati Yehova; pakuti ndidzakhululukira mphulupulu yao, ndipo sindidzakumbukira tchimo lao.

Maliro 3:40

Tisanthule ntiyese njira zathu ntibwerenso kwa Yehova.

Aroma 11:23

Ndipo iwonso, ngati sakhala chikhalire mu kusakhulupirira, adzawalumikizanso, pakuti Mulungu ali wamphamvu yakutha kuwalumikizanso.

2 Akorinto 3:15

Koma kufikira lero, pamene awerengedwa Mose, chophimba chigona pamtima pao.

Deuteronomo 30:10

ngati mudzamvera mau a Yehova Mulungu wanu, kuwasunga malamulo ake ndi malemba ake olembedwa m'buku la chilamulo ichi; ngati mudzabwerera kudza kwa Yehova Mulungu wanu ndi mtima wanu wonse, ndi moyo wanu wonse.

Deuteronomo 4:30

Mukakhala nao msauko, zikakugwerani zonsezi, masiku otsiriza mudzabwerera kwa Yehova Mulungu wanu ndi kumvera mau ake;