ဝတ်​ပြု 4:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သွေး​အချို့​ကို ထာဝရဘုရား​ရှေ့​တော်​၊ တွေ့ဆုံစည်းဝေးရာ​တဲ​တော်​ထဲ၌​ရှိ​သည့် အမွှေးနံ့သာပေါင်း​ယဇ်ပလ္လင်​၏​ချို​များ​၌ သုတ်လိမ်း​ရ​မည်​။ နွားထီး​၏​ကျန်​သွေး​အားလုံး​ကို တွေ့ဆုံစည်းဝေးရာ​တဲ​တော်​အဝင်ဝ​၌​ရှိ​သော မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

Common Language Bible

⁷ ထို​နောက်​သူ​သည်​တဲ​တော်​အ​တွင်း​ရှိ​နံ့​သာ ပေါင်း​မီး​ရှို့​ရာ​ပလ္လင်​၏​ထောင့်​များ​ရှိ​အ​တက် တို့​တွင် နွား​သွေး​အ​နည်း​ငယ်​ကို​သုတ်​ရ​မည်။ ကျန်​သော​နွား​သွေး​ကို တဲ​တော်​တံ​ခါး​ဝ​၌ ရှိ​သော​မီး​ရှို့​ပူ​ဇော်​ရာ​ပလ္လင်​ခြေ​ရင်း​တွင် လောင်း​ရ​မည်။-

Garrad Bible

⁷ ထာ ဝ ရ ဘု ရား မျက် မှောက် တွေ့ ဆုံ ရာ တဲ တော် ရှိ၊ နံ့ သာ ထင်း တင် ရှို့ ရာ ပ လ္လင် တော် စိန် တောင် များ ၌ အ သွေး သုတ် ခြင်း၊ တွေ့ ဆုံ ရာ တဲ တော် မုတ် ဝ အ နီး ရှိ မီး ရှို့ ပူ ဇော် ရာ ပ လ္လင် တော် ခြေ ရင်း သို့ အ သွေး ကျန် သ မျှ ကို လောင်း ခြင်း ပြု ရ မည်။

Judson Bible

⁷ တစ်​ဖန် ယဇ်​ပု​ရော​ဟိတ်​သည်၊ ပ​ရိ​သတ်​စည်း​ဝေး​ရာ​တဲ​တော်​အ​တွင်း၊ ထာ​ဝ​ရ​ဘု​ရား​ရှေ့​တော်​မှာ​ရှိ​သော နံ့​သာ​ပေါင်း​မွှေး​ကို မီး​ရှို့​ရာ​ပ​လ္လင်​ဦး​ချို​တို့၌ နွား​အ​သွေး​ကို​ထည့်၍၊ ကြွင်း​သော​အ​သွေး​ကို၊ ပ​ရိ​သတ်​စည်း​ဝေး​ရာ တဲ​တော်​တံ​ခါး​ရှေ့၌​ရှိ​သော မီး​ရှို့​ရာ​ယဇ်​ပ​လ္လင်​ခြေ​ရင်း​နား​မှာ သွန်​ရ​မည်။

ဝတ်​ပြု 4:7 ပူးပေါင်းရင်းမြစ်များ

ဆာ​လံ 118:27

ထာဝရဘုရား​သည် ဘုရားသခင်​ဖြစ်​တော်မူ​၏​။ ငါ​တို့​အား အလင်း​ကို​လည်း ပေး​တော်မူ​၏​။ ပွဲတော်​ပူဇော်သက္ကာ​ကို ယဇ်ပလ္လင်​၏​ဦးချို​၌ ကြိုး​နှင့်​ချည်​ထား​ကြ​လော့​။

ထွက်​မြောက် 29:12

နွားထီး​၏​သွေး​အချို့​ကို​ယူ​၍ သင့်​လက်ချောင်း​ဖြင့် ယဇ်ပလ္လင်​၏​ချို​များ​ကို​သုတ်လိမ်း​ပြီးလျှင် ကျန်​သွေး​အားလုံး​ကို ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 1:5

သူ​သည် နွားထီးပျို​ကို ထာဝရဘုရား​ရှေ့​တော်​၌ သတ်​ရ​မည်​။ အာရုန်​၏​သား​ယဇ်ပုရောဟိတ်​တို့​သည် သွေး​ကို​ယူဆောင်​လာ​၍ တွေ့ဆုံစည်းဝေးရာ​တဲ​တော်​အဝင်ဝ​ရှိ ယဇ်ပလ္လင်​ပတ်ပတ်လည်​ပေါ်၌ ထို​သွေး​ကို ဖျန်း​ရ​မည်​။

ဝတ်​ပြု 16:18

ထို့နောက် ထာဝရဘုရား​ရှေ့​တော်​ရှိ ယဇ်ပလ္လင်​သို့ ထွက်လာ​၍ ယဇ်ပလ္လင်​အတွက် အပြစ်ဖြေလွှတ်​ခြင်း​ကို​ပြု​ရ​မည်​။ နွားထီး​၏​သွေး​အချို့​နှင့် ဆိတ်သငယ်​၏​သွေး​အချို့​ကို​ယူ​၍ ယဇ်ပလ္လင်​ပတ်လည်​ရှိ​ချို​များ​ကို သုတ်လိမ်း​ရ​မည်​။

ဝတ်​ပြု 4:18

ထာဝရဘုရား​ရှေ့​တော်​၊ တွေ့ဆုံစည်းဝေးရာ​တဲ​တော်​ထဲ၌​ရှိ​သည့် ယဇ်ပလ္လင်​ချို​များ​ကို​လည်း ထို​သွေး​ဖြင့်​သုတ်လိမ်း​ရ​မည်​။ ကျန်​သွေး​အားလုံး​ကို တွေ့ဆုံစည်းဝေးရာ​တဲ​တော်​အဝင်ဝ​၌​ရှိ​သော မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:25

ယဇ်ပုရောဟိတ်​သည် အပြစ်ဖြေရာယဇ်ကောင်​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ပြီးလျှင် ကျန်​သော​သွေး​ကို မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:30

ယဇ်ပုရောဟိတ်​သည် ဆိတ်သငယ်​အမ​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ရ​မည်​။ ကျန်​သွေး​အားလုံး​ကို ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:34

ယဇ်ပုရောဟိတ်​သည် အပြစ်ဖြေရာယဇ်ကောင်​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ရ​မည်​။ ကျန်​သွေး​အားလုံး​ကို ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 5:9

အပြစ်ဖြေရာယဇ်ကောင်​၏​သွေး​အချို့​ကို ယဇ်ပလ္လင်​၏​နံရံ​၌ ဖျန်း​၍ ကျန်​သော​သွေး​ကို ယဇ်ပလ္လင်​၏​အောက်ခြေ​၌ ညှစ်ချ​ရ​မည်​။ ဤသည်ကား အပြစ်ဖြေရာယဇ်​ဖြစ်​၏​။

ဝတ်​ပြု 6:30

မည်သည့်​အပြစ်ဖြေရာယဇ်ကောင်​မဆို ၎င်း​၏​သွေး​ကို သန့်ရှင်းရာဌာန​၌ အပြစ်ဖြေလွှတ်​ခြင်း​ပြု​ရန် တွေ့ဆုံစည်းဝေးရာ​တဲ​တော်​တွင်း​သို့ ယူဆောင်​လာ​လျှင် ထို​ယဇ်ကောင်​၏​အသား​ကို မ​စား​ရ​။ မီး​ရှို့​ပစ်​ရ​မည်​။

ဝတ်​ပြု 8:15

မောရှေ​သည် နွား​ကို​သတ်​ပြီးသည့်နောက် သွေး​ကို​ယူ​ပြီး သူ​၏​လက်ချောင်း​ဖြင့် ယဇ်ပလ္လင်​၏​ချို​များ​ကို သုတ်လိမ်း​၍ ယဇ်ပလ္လင်​ကို​သန့်စင်​စေ​ပြီးလျှင် ကျန်​သွေး​ကို ယဇ်ပလ္လင်​၏​အောက်ခြေ​၌ သွန်း​ခြင်း​ဖြင့် ယဇ်ပလ္လင်​ပေါ်၌ အပြစ်ဖြေလွှတ်​ခြင်း​ကို​ပြု​နိုင်​ရန် ယဇ်ပလ္လင်​ကို​သန့်ရှင်း​စေ​၏​။

ဝတ်​ပြု 9:9

အာရုန်​၏​သား​တို့​သည် သွေး​ကို သူ့​ထံသို့​ယူဆောင်​လာ​ကြ​ရာ သူ​သည် မိမိ​၏​လက်ချောင်း​ကို သွေး​ထဲသို့​နှစ်​၍ ယဇ်ပလ္လင်​၏​ချို​များ​ကို သုတ်လိမ်း​ပြီးလျှင် ကျန်​သွေး​ကို ယဇ်ပလ္လင်​အောက်ခြေ​၌ သွန်း​၏​။

ဧ​ဖက် 2:13

သို့သော် တစ်ချိန်က ဝေးကွာ​လျက်​ရှိ​ခဲ့​သော​သင်​တို့​သည် ယခု​အခါ ခရစ်တော်​ယေရှု​၌ ခရစ်တော်​၏​သွေး​တော်​အားဖြင့် အနီး​သို့​ရောက်​ရ​ကြ​ပြီ။

ဟေ​ဗြဲ 9:15

ထို့ကြောင့် ခရစ်တော်​သည် ပဋိညာဉ်​သစ်​၏​ကြားဝင်​စေ့စပ်​သူ​ဖြစ်​တော်မူ​၏။ ဤသည်ကား ပထမ​ပဋိညာဉ်​လက်အောက်​၌ ဖောက်ဖျက်​ကျူးလွန်​သော​အပြစ်​များ​မှ လူ​တို့​ကို​ရွေးနုတ်​ရန် ကိုယ်တော်​သည် အသေခံ​တော်မူ​ခြင်း​အားဖြင့် ခေါ်ယူ​တော်မူ​သော​သူ​တို့​သည် ထာဝရ​အမွေ​နှင့်ဆိုင်သော​ကတိ​တော်​ကို ရရှိ​မည့်​အကြောင်း​တည်း။

ဟေ​ဗြဲ 9:21

ထို့နောက် တဲ​တော်​နှင့်တကွ ဝတ်ပြု​ရာ​တွင်​အသုံးပြု​သော​ပစ္စည်း​ရှိသမျှ​တို့​ကို​လည်း ထိုနည်းတူ​သွေး​နှင့် ပက်ဖျန်း​လေ​၏။

ဗျာ​ဒိတ် 6:9

သိုးသငယ်​တော်​သည် ပဉ္စမ​တံဆိပ်​ကို​ဖွင့်​သောအခါ ဘုရားသခင်​၏​နှုတ်ကပတ်တော်​ကြောင့်​လည်းကောင်း၊ မိမိ​တို့​ရရှိ​ထား​သော​သက်သေခံ​ချက်​ကြောင့်​လည်းကောင်း အသေ​သတ်​ခြင်း​ခံရ​သော​သူ​တို့​၏​ဝိညာဉ်​များ​ကို ယဇ်ပလ္လင်​အောက်​တွင် ငါ​မြင်​ရ​၏။