ဝတ်​ပြု 4:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “​အစ္စရေး​အမျိုးသား​တို့​အား ဆင့်ဆို​လော့​။ ‘​မ​လုပ်​ရ​’​ဟု ထာဝရဘုရား​ပညတ်​ထား​တော်မူ​သော​ပညတ်တော်​ထဲမှ ပညတ်ချက်​တစ်ခုခု​ကို တစ်စုံတစ်ယောက်​သည် မရည်ရွယ်​ဘဲ​လုပ်​၍ အပြစ်ပြု​မိ​လျှင်​လည်းကောင်း​၊

Garrad Bible

² မ ပြု ရ ဟု ငါ ထာ ဝ ရ ဘု ရား ပ ညတ် တော် မူ သော အ ရာ ရာ ကို မ တော် တ ဆ ပြု ကျင့် ပြစ် မှား သူ တို့ နှင့် စပ် လျဉ်း၍ ဣ သ ရေ လ အ မျိုး သား တို့ အား ဆင့် ဆို လော့။

ဝတ်​ပြု 4:2 ပူးပေါင်းရင်းမြစ်များ

ကမ္ဘာ​ဦး 20:9

ထို့နောက် အဘိမလက်​မင်းကြီး​သည် အာဗြဟံ​ကို​ဆင့်ခေါ်​၍ “​သင်​သည် ငါ​တို့​အား မည်သို့​ပြု​ဘိ​သနည်း​။ သင့်​ကို ငါ​မည်သို့​ပြစ်မှား​မိ​သဖြင့် သင်​သည် ငါ့​အပေါ်​၌​လည်းကောင်း​၊ ငါ့​နိုင်ငံ​အပေါ်​၌​လည်းကောင်း ကြီးလေး​သော​အပြစ်​ကို ကျရောက်​စေ​သနည်း​။ သင်​သည် မ​ပြု​သင့်​သော​အမှု​တို့​ကို ငါ​၌​ပြု​လေ​ပြီ​တကား​”​ဟု သူ့​အား မိန့်ဆို​၏​။

ဆာ​လံ 19:12

မည်သူ​သည် မိမိ​၏​အမှား​များ​ကို သိနားလည်​နိုင်​ပါ​သနည်း​။ ကွယ်ဝှက်​နေ​သော​အပြစ်​များ​နှင့် အကျွန်ုပ်​ကို​ကင်းလွတ်​စေ​တော်မူ​ပါ​။

ဆာ​လံ 19:13

ကိုယ်တော်​၏​အစေအပါး​ကို တမင်​ကျူးလွန်​သော​အပြစ်​များ​နှင့်​လည်း ကင်းဝေး​စေ​တော်မူ​ပါ​။ ထို​အပြစ်​များ​သည် အကျွန်ုပ်​ကို​မ​စိုးမိုး​ပါစေ​နှင့်​။ သို့မှသာ အကျွန်ုပ်​သည် အပြစ်ကင်း​၍ ကြီးမား​သော​အပြစ်​ကျူးလွန်​ခြင်း​နှင့် ကင်းလွတ်​ပါ​လိမ့်မည်​။

ဒေသနာကျမ်း။ 5:6

သင်​၏​နှုတ်​ကြောင့် သင့်​အပေါ်​၌ အပြစ်​မ​ရောက်​စေ​နှင့်​။ စေတမန်​ရှေ့​၌ “​ထို​ကတိသစ္စာ​ကို မတော်တဆ​ပြု​မိ​ပါ​သည်​”​ဟု ပြော​ရ​သော​အကြောင်း​မ​ရှိ​စေ​နှင့်​။ အဘယ်ကြောင့် သင်​၏​စကား​အားဖြင့် ဘုရားသခင်​ကို အမျက်ထွက်​စေ​၍ သင်​၏​လက်​ဖြင့်​ပြု​သော​အမှု​ကို ဖျက်ဆီး​စေ​မည်နည်း​။

ဝတ်​ပြု 22:14

တစ်စုံတစ်ယောက်​သည် သန့်ရှင်း​သော​ပူဇော်သက္ကာ​ကို မရည်ရွယ်​ဘဲ​စား​မိ​လျှင် ထို​သန့်ရှင်း​သော​ပူဇော်သက္ကာ​နှင့်တကွ သန့်ရှင်း​သော​ပူဇော်သက္ကာ​၏​ငါးပုံတစ်ပုံ​ထပ်ပေါင်း​၍ ယဇ်ပုရောဟိတ်​အား ပြန်ပေး​ရ​မည်​။

ဝတ်​ပြု 4:1

တစ်ဖန် ထာဝရဘုရား​က မောရှေ​အား

ဝတ်​ပြု 4:13

အစ္စရေး​လူထု​အပေါင်း​တို့​သည် ‘​မ​လုပ်​ရ​’​ဟု ထာဝရဘုရား​ပညတ်​ထား​တော်မူ​သော ပညတ်ချက်​တစ်ခုခု​ကို မရည်ရွယ်​ဘဲ​လုပ်​မိ​ပြီး လူအစုအဝေး​တို့​သည် ထို​အမှု​ကို အပြစ်​ဖြစ်​မှန်း​မသိမမြင်​သော်လည်း သူ​တို့​အပေါ်​အပြစ်​သက်ရောက်​၍

ဝတ်​ပြု 4:22

ခေါင်းဆောင်​ဖြစ်​သူ​သည် ‘​မ​လုပ်​ရ​’​ဟု မိမိ​၏​ဘုရားသခင် ထာဝရဘုရား​ပညတ်​ထား​တော်မူ​သော ပညတ်ချက်​တစ်ခုခု​ကို မရည်ရွယ်​ဘဲ​လုပ်​၍ အပြစ်ပြု​မိ​သဖြင့် သူ့​အပေါ် အပြစ်​သက်ရောက်​၍

ဝတ်​ပြု 4:27

သာမန်လူ​ထဲမှ​တစ်စုံတစ်ယောက်​သည် ‘မ​လုပ်​ရ’​ဟု ထာဝရဘုရား​ပညတ်​ထား​တော်မူ​သော ပညတ်ချက်​တစ်ခုခု​ကို မရည်ရွယ်​ဘဲ​လုပ်​၍ အပြစ်ပြု​မိ​သဖြင့် သူ့​အပေါ် အပြစ်​သက်ရောက်​၍

တော​လည် 35:11

မရည်ရွယ်​ဘဲ​လူ​ကို​သတ်​မိ​သော​လူသတ်သမား​တို့ ထွက်ပြေး​ပြီး ခိုလှုံ​နိုင်​သော​မြို့​တို့​ကို သင်​တို့ ရွေးချယ်​ရ​မည်​။

တ​ရား​ဟော 19:4

မိမိ​အိမ်နီးချင်း​ကို အမုန်း​မ​ရှိ​ဘဲ မတော်တဆ​လူ​သတ်​မိ​သော​လူသတ်သမား​သည် ထို​အရပ်​သို့​ထွက်ပြေး​ခြင်း​ဖြင့် အသက်ချမ်းသာ​ရာ​ရ​မည်​။

၁ တိ 1:13

ငါ​သည် ယခင်​က စော်ကား​ပြောဆို​သော​သူ၊ ညှဉ်းဆဲ​သော​သူ၊ မိုက်ရိုင်း​သော​သူ​ဖြစ်​ခဲ့​သော်လည်း ယုံကြည်​ခြင်း​မ​ရှိ​စဉ် မ​သိ​နား​မ​လည်​ဘဲ ထိုသို့​ပြု​ခဲ့​သည်​ဖြစ်၍ ကရုဏာ​တော်​ကို​ခံစား​ရ​၏။

ဟေ​ဗြဲ 5:2

သူ​ကိုယ်တိုင်​လည်း အားနည်း​ခြင်း​များ​ရှိ​သည်​ဖြစ်၍ အသိတရား​ကင်းမဲ့​လျက် လမ်းလွဲ​သော​သူ​တို့​ကို စာနာ​ထောက်ထား​နိုင်​၏။

ဟေ​ဗြဲ 9:7

ဒုတိယ​အခန်း​ထဲသို့​မူကား ယဇ်ပုရောဟိတ်​မင်း​တစ်ပါးတည်း​သာ တစ်​နှစ်​တစ်ကြိမ်​ဝင်​လေ​၏။ ထိုသို့​ဝင်​သောအခါ မိမိ​အတွက်​လည်းကောင်း၊ လူ​တို့​မ​သိ​နားမလည်​၍​ကျူးလွန်​မိ​သော​အပြစ်​များ​အတွက်​လည်းကောင်း ပူဇော်​သည့်​သွေး​မ​ပါ​ဘဲ​ဝင်​ခြင်း​မ​ရှိ။

ယာ​ကုပ် 3:10

နှုတ်​တစ်​ခု​ထဲမှ ကျေးဇူး​တော်​ချီးမွမ်း​ခြင်း​နှင့်​ကျိန်ဆဲ​ခြင်း​တို့ ထွက်လာ​တတ်​သည်​တကား။ ငါ့​ညီအစ်ကို​တို့၊ ဤသို့​မ​ဖြစ်​သင့်​ပေ။

၁ ရာ 14:27

သို့သော် ခမည်းတော်​သည် လူ​တို့​အား ကျိန်ဆို​စေ​သည်​ကို ယောနသန်​မ​သိ​။ ထို့ကြောင့် သူ​၏​လက်​ကို​ဆန့်​ပြီး သူ​ကိုင်​ထား​သော​တောင်ဝှေး​အဖျား​ကို ပျားလပို့​ထဲသို့​နှစ်​၍ ပျားရည်​ကို​လက်​နှင့်​ယူစား​လိုက်​ရာ အားပြည့်​လန်းဆန်း​လာ​လေ​၏​။