ဝတ်​ပြု 4:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ထာဝရဘုရား​ရှေ့​တော်​၊ တွေ့ဆုံစည်းဝေးရာ​တဲ​တော်​ထဲ၌​ရှိ​သည့် ယဇ်ပလ္လင်​ချို​များ​ကို​လည်း ထို​သွေး​ဖြင့်​သုတ်လိမ်း​ရ​မည်​။ ကျန်​သွေး​အားလုံး​ကို တွေ့ဆုံစည်းဝေးရာ​တဲ​တော်​အဝင်ဝ​၌​ရှိ​သော မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

Common Language Bible

¹⁸ တဲ​တော်​အ​တွင်း​ရှိ​နံ့​သာ​ပေါင်း​မီး​ရှို့​ရာ ပလ္လင်​၏​ထောင့်​များ​ရှိ​အ​တက်​တို့​တွင် နွား​သွေး အ​နည်း​ငယ်​ကို​သုတ်​ရ​မည်။ ကျန်​သော​နွား သွေး​ကို​တဲ​တော်​တံ​ခါး​ဝ​၌​ရှိ​သော​မီး​ရှို့ ပူ​ဇော်​ရာ​ပလ္လင်​ခြေ​ရင်း​တွင်​လောင်း​ရ​မည်။-

Garrad Bible

¹⁸ အ သွေး ကို ခု နစ် ကြိမ် ဖျန်း ခြင်း၊ ထာ ဝ ရ ဘု ရား မျက် မှောက် တွေ့ ဆုံ ရာ တဲ တော် ရှိ ပ လ္လင် တော် စိန် တောင် များ၌ အ သွေး သုတ် ခြင်း၊ တွေ့ ဆုံ ရာ တဲ တော် မုတ် ဝ အ နီး ရှိ မီး ရှို့ ပူ ဇော် ရာ ပ လ္လင် တော် ခြေ ရင်း သို့ အ သွေး ကျန် သ မျှ ကို လောင်း ခြင်း၊

Judson Bible

¹⁸ တစ်​ဖန် ယဇ်​ပု​ရော​ဟိတ်​သည်၊ ပ​ရိ​သတ်​စည်း​ဝေး​ရာ​တဲ​တော်​အ​တွင်း၊ ထာ​ဝ​ရ​ဘု​ရား​ရှေ့​တော်​မှာ​ရှိ​သော ပ​လ္လင်​ဦး​ချို​တို့၌ အ​သွေး​ကို​ထည့်၍၊ ကြွင်း​သော​အ​သွေး​ကို၊ ပ​ရိ​သတ်​စည်း​ဝေး​ရာ တဲ​တော်​တံ​ခါး​ရှေ့၌​ရှိ​သော မီး​ရှို့​ရာ​ယဇ်​ပ​လ္လင်​ခြေ​ရင်း​နား​မှာ သွန်​ရ​မည်။

ဝတ်​ပြု 4:18 ပူးပေါင်းရင်းမြစ်များ

၂ ရာ​ချုပ် 29:22

နွား​တို့​ကို​သတ်​ကြ​ပြီးနောက် ယဇ်ပုရောဟိတ်​တို့​သည် သွေး​ကို​ယူ​၍ ယဇ်ပလ္လင်​ပေါ်တွင် ဖျန်း​ကြ​၏​။ သိုးထီး​တို့​ကို​လည်း သတ်​ပြီး​သွေး​ကို ယဇ်ပလ္လင်​ပေါ်တွင် ဖျန်း​ကြ​၏​။ သိုးသငယ်​တို့​ကို​လည်း သတ်​ပြီး​သွေး​ကို ယဇ်ပလ္လင်​ပေါ်တွင် ဖျန်း​ကြ​၏​။

ထွက်​မြောက် 29:12

နွားထီး​၏​သွေး​အချို့​ကို​ယူ​၍ သင့်​လက်ချောင်း​ဖြင့် ယဇ်ပလ္လင်​၏​ချို​များ​ကို​သုတ်လိမ်း​ပြီးလျှင် ကျန်​သွေး​အားလုံး​ကို ယဇ်ပလ္လင်​၏​အောက်ခြေ​၌ သွန်း​ရ​မည်​။

ထွက်​မြောက် 30:10

အာရုန်​သည် အပြစ်ဖြေလွှတ်​ခြင်း​နှင့်ဆိုင်သော အပြစ်ဖြေရာယဇ်ကောင်​၏​သွေး​ဖြင့် ယဇ်ပလ္လင်​၏​ချို​ပေါ်၌ အပြစ်ဖြေလွှတ်​ခြင်း​ကို တစ်​နှစ်​တစ်ကြိမ်​ပြု​ရ​မည်​။ ထိုသို့​ယဇ်ပလ္လင်​ပေါ်၌ အပြစ်ဖြေလွှတ်​ခြင်း​ကို သင်​တို့​၏​မျိုးဆက်​အစဉ်အဆက် တစ်​နှစ်​တစ်ကြိမ်​ပြု​ရ​မည်​။ ယဇ်ပလ္လင်​သည် ထာဝရဘုရား​အဖို့ အထူး​သန့်ရှင်းသောအရာ​ဖြစ်​၏​”​ဟု မိန့်​တော်မူ​၏​။

ဝတ်​ပြု 4:25

ယဇ်ပုရောဟိတ်​သည် အပြစ်ဖြေရာယဇ်ကောင်​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ပြီးလျှင် ကျန်​သော​သွေး​ကို မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:30

ယဇ်ပုရောဟိတ်​သည် ဆိတ်သငယ်​အမ​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ရ​မည်​။ ကျန်​သွေး​အားလုံး​ကို ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:34

ယဇ်ပုရောဟိတ်​သည် အပြစ်ဖြေရာယဇ်ကောင်​၏​သွေး​အချို့​ကို မိမိ​လက်ချောင်း​ဖြင့်​ယူ​၍ မီးရှို့​ရာ​ယဇ်ပလ္လင်​၏​ချို​များ​ကို သုတ်လိမ်း​ရ​မည်​။ ကျန်​သွေး​အားလုံး​ကို ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 4:7

သွေး​အချို့​ကို ထာဝရဘုရား​ရှေ့​တော်​၊ တွေ့ဆုံစည်းဝေးရာ​တဲ​တော်​ထဲ၌​ရှိ​သည့် အမွှေးနံ့သာပေါင်း​ယဇ်ပလ္လင်​၏​ချို​များ​၌ သုတ်လိမ်း​ရ​မည်​။ နွားထီး​၏​ကျန်​သွေး​အားလုံး​ကို တွေ့ဆုံစည်းဝေးရာ​တဲ​တော်​အဝင်ဝ​၌​ရှိ​သော မီးရှို့​ရာ​ယဇ်ပလ္လင်​၏​အောက်ခြေ​၌ သွန်း​ရ​မည်​။

ဝတ်​ပြု 5:9

အပြစ်ဖြေရာယဇ်ကောင်​၏​သွေး​အချို့​ကို ယဇ်ပလ္လင်​၏​နံရံ​၌ ဖျန်း​၍ ကျန်​သော​သွေး​ကို ယဇ်ပလ္လင်​၏​အောက်ခြေ​၌ ညှစ်ချ​ရ​မည်​။ ဤသည်ကား အပြစ်ဖြေရာယဇ်​ဖြစ်​၏​။

ဝတ်​ပြု 6:30

မည်သည့်​အပြစ်ဖြေရာယဇ်ကောင်​မဆို ၎င်း​၏​သွေး​ကို သန့်ရှင်းရာဌာန​၌ အပြစ်ဖြေလွှတ်​ခြင်း​ပြု​ရန် တွေ့ဆုံစည်းဝေးရာ​တဲ​တော်​တွင်း​သို့ ယူဆောင်​လာ​လျှင် ထို​ယဇ်ကောင်​၏​အသား​ကို မ​စား​ရ​။ မီး​ရှို့​ပစ်​ရ​မည်​။

ဝတ်​ပြု 8:15

မောရှေ​သည် နွား​ကို​သတ်​ပြီးသည့်နောက် သွေး​ကို​ယူ​ပြီး သူ​၏​လက်ချောင်း​ဖြင့် ယဇ်ပလ္လင်​၏​ချို​များ​ကို သုတ်လိမ်း​၍ ယဇ်ပလ္လင်​ကို​သန့်စင်​စေ​ပြီးလျှင် ကျန်​သွေး​ကို ယဇ်ပလ္လင်​၏​အောက်ခြေ​၌ သွန်း​ခြင်း​ဖြင့် ယဇ်ပလ္လင်​ပေါ်၌ အပြစ်ဖြေလွှတ်​ခြင်း​ကို​ပြု​နိုင်​ရန် ယဇ်ပလ္လင်​ကို​သန့်ရှင်း​စေ​၏​။

ဝတ်​ပြု 9:9

အာရုန်​၏​သား​တို့​သည် သွေး​ကို သူ့​ထံသို့​ယူဆောင်​လာ​ကြ​ရာ သူ​သည် မိမိ​၏​လက်ချောင်း​ကို သွေး​ထဲသို့​နှစ်​၍ ယဇ်ပလ္လင်​၏​ချို​များ​ကို သုတ်လိမ်း​ပြီးလျှင် ကျန်​သွေး​ကို ယဇ်ပလ္လင်​အောက်ခြေ​၌ သွန်း​၏​။