ဝတ်​ပြု 14:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ယဇ်ပုရောဟိတ်​သည် သိုးသငယ်​အထီး​တစ်​ကောင်​ကို​ယူ​၍ အပြစ်ဒဏ်ဖြေရာယဇ်​အဖြစ် ဆီ​တစ်​လောဃ​နှင့်အတူ ပူဇော်​ပြီး ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​ရ​မည်​။

Common Language Bible

¹² ထို့​နောက်​ယဇ်​ပု​ရော​ဟိတ်​သည်​သိုး​အ​ထီး တစ်​ကောင်​နှင့် သံ​လွင်​ဆီ​အ​ဝက်​သား​ကို အ​ပြစ်​ဒဏ်​ပြေ​ရာ​ယဇ်​အ​ဖြစ်​ပူ​ဇော်​ရ မည်။ ထို​ပူ​ဇော်​သ​ကာ​တို့​ကို ယဇ်​ပု​ရော​ဟိတ် အ​တွက်​ထာ​ဝ​ရ​ဘု​ရား​အား အ​ထူး​လှူ ဖွယ်​အ​ဖြစ်​ဆက်​ကပ်​ရ​မည်။-

Garrad Bible

¹² သိုး ထီး တစ် ကောင် ကို ယူ၍ ပြစ် ဒဏ် ပြေ ရာ သ က္ကာ အ ဖြစ် ဆက် ကပ် ခြင်း၊ ဆီ အ စိတ် ပါ ဦး တိုက် ရာ အ လှူ အ ဖြစ် ထာ ဝ ရ ဘု ရား ရှေ့ ဦး တိုက် ခြင်း၊

Judson Bible

¹² သိုး​သ​ငယ်​အ​ထီး​တစ်​ကောင်​ကို​ယူ​ပြီး​လျှင် ဒု​စ​ရိုက်​ဖြေ​ရာ​ယဇ်​ဖို့ ပူ​ဇော်၍၊ ထာ​ဝ​ရ​ဘု​ရား​ရှေ့​တော်၌ ချီ​လွှဲ​သော​ပူ​ဇော်​သ​ကာ​ဖို့ ဆီ​တစ်​လော​ဃ​နှင့်​တ​ကွ ချီ​လွှဲ​ရ​မည်။

ဝတ်​ပြု 14:12 ပူးပေါင်းရင်းမြစ်များ

ထွက်​မြောက် 29:22

ထို​သိုးထီး​သည် အရိုက်အရာ​ခန့်အပ်​ခြင်း​ဆိုင်ရာ​သိုးထီး​ဖြစ်​သောကြောင့် ထို​သိုးထီး​၏​အဆီ​နှင့်​အမြီးပိုင်း​အဆီ​ကို​လည်းကောင်း​၊ အူ​ကို​ဖုံး​နေ​သည့်​အဆီ​နှင့် အသည်း​ပေါ်မှ​အဆီပျဉ်​ကို​လည်းကောင်း​၊ ကျောက်ကပ်​နှစ်​ခု​နှင့် ၎င်း​တို့​ပေါ်​ရှိ​အဆီ​ကို​လည်းကောင်း​၊ ယာဘက်​ပေါင်​ကို​လည်းကောင်း ယူ​ရ​မည်​။

ထွက်​မြောက် 29:24

ထို​အရာ​အားလုံး​ကို အာရုန်​၏​လက်​ထဲ၌​လည်းကောင်း​၊ သူ့​သား​တို့​၏​လက်​ထဲ၌​လည်းကောင်း ထည့်​၍ ၎င်း​တို့​ကို ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​ရ​မည်​။

ထွက်​မြောက် 29:26

အာရုန်​အား အရိုက်အရာ​ခန့်အပ်​ခြင်း​ဆိုင်ရာ​သိုးထီး​၏​ရင်ပုံ​ကို​ယူ​၍ ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ထို​ရင်ပုံ​ကို​ချီလွှဲ​ရ​မည်​။ ၎င်း​သည် သင်​၏​ဝေစု​ဖြစ်​၏​။

ဟေ​ရှာ​ယ 53:10

ထာဝရဘုရား​သည် သူ့​ကို​ချိုးဖဲ့ခြေမွှ​ရန် အလို​တော်​ရှိ​၏​။ သူ့​ကို​နာကျင်​စေ​တော်မူ​၏​။ သူ​၏​စိတ်ဝိညာဉ်​သည် အပြစ်ဒဏ်ဖြေရာယဇ်​ကို ပူဇော်​ပြီးလျှင် သူ​သည် သားစဉ်မြေးဆက်​ကို​မြင်​ရ​မည်​။ သူ​၏​နေ့ရက်​တို့​သည် ရှည်​၍ ထာဝရဘုရား​၏​အလို​တော်​သည် သူ​၏​လက်​၌ ပြည့်စုံ​ခြင်း​သို့​ရောက်​မည်​။

ဝတ်​ပြု 14:10

ရှစ်​ရက်​မြောက်​သော​နေ့​၌ အပြစ်အနာအဆာကင်း​သော​သိုးသငယ်​အထီး​နှစ်​ကောင်​၊ အပြစ်အနာအဆာကင်း​သော​တစ်နှစ်သားအရွယ်​သိုးသငယ်အမ​တစ်​ကောင်​၊ ဘောဇဉ်ပူဇော်သက္ကာ​အတွက် ဆီ​နှင့်​ရော​သော​အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံသုံးပုံ​နှင့် ဆီ​တစ်​လောဃ​ကို ယူဆောင်​လာ​ရ​မည်​။

ဝတ်​ပြု 14:11

စင်ကြယ်​သည်​ဟု​ကြေညာ​ပေး​မည့်​ယဇ်ပုရောဟိတ်​သည် ထို​အရာ​တို့​ကို စင်ကြယ်​စေ​ခြင်း​ခံ​သော​သူ​နှင့်အတူ တွေ့ဆုံစည်းဝေးရာ​တဲ​တော်​အဝင်ဝ​၊ ထာဝရဘုရား​ရှေ့​တော်​၌ ထား​ရ​မည်​။

ဝတ်​ပြု 14:19

တစ်ဖန် ယဇ်ပုရောဟိတ်​သည် မစင်ကြယ်​ခြင်း​မှ​စင်ကြယ်​စေ​ခြင်း​ခံ​သော​သူ​အတွက် အပြစ်ဖြေလွှတ်​ခြင်း​ကို​ပြု​ပေး​ရန် အပြစ်ဖြေရာယဇ်​ကို​ပူဇော်​ရ​မည်​။ ထို့နောက်မှ မီးရှို့ရာယဇ်ကောင်​ကို သတ်​ရ​မည်​။

ဝတ်​ပြု 5:15

“​တစ်စုံတစ်ယောက်​သည် ထာဝရဘုရား​၏​သန့်ရှင်းသောအရာ​တစ်စုံတစ်ခု​အပေါ် မရည်ရွယ်​ဘဲ​ပြစ်မှား​ခြင်း​ဖြင့် မှားယွင်းမှု​ကို​ပြု​မိ​လျှင် သူ​သည် အပြစ်ဒဏ်ဖြေရာယဇ်​အတွက် သင်​တန်ဖိုး​ဖြတ်​သော​ငွေ​ရှယ်ကယ်​အတိုင်း သန့်ရှင်းရာဌာန​၏​ရှယ်ကယ်​စံနှုန်း​နှင့်အညီ သိုးအုပ်​ထဲမှ​အပြစ်အနာအဆာကင်း​သော​သိုးထီး​တစ်​ကောင်​ကို အပြစ်ဒဏ်ဖြေရာယဇ်​အဖြစ် ထာဝရဘုရား​ထံ​ယူဆောင်​လာ​ရ​မည်​။