ရော​မ 9:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ငါ​သည် ခရစ်တော်​၌ မုသား​မ​ပါ ဟုတ်မှန်​ရာ​ကို​ပြော​မည်။ ငါ​၏​အသိစိတ်​သည် သန့်ရှင်း​သော​ဝိညာဉ်​တော်​အားဖြင့် ငါ​နှင့်အတူ​သက်သေခံ​လျက်​နေ​သည့်​အကြောင်း​ကား

Common Language Bible

¹ ငါ​သည်​ခ​ရစ်​တော်​၏​တ​ပည့်​ဖြစ်​၍​မှန် သော​စ​ကား​ကို​ယ​ခု​ငါ​ပြော​၏။ လိမ်​လည် ၍​မ​ပြော။ ငါ​သည်​မှန်​သော​စ​ကား​ကို​ပြော ကြောင်း​သန့်​ရှင်း​သော​ဝိ​ညာဉ်​တော်​၏​အုပ်​စိုး မှု​ကို​ခံ​သော​ငါ​၏​သြတ္တပ္ပ​စိတ်​က​လည်း သက်​သေ​ခံ​၏။-

Garrad Bible

^1-2 ငါ သည် အ လွန် ဝမ်း နည်း ခြင်း၊ အ စဉ် စိတ် ပူ ဆွေး ခြင်း ရှိ သည် ဟု သန့် ရှင်း သော ဝိ ညာဉ် တော် အား ဖြင့် ငါ့ သြ တ္တ ပ္ပ စိတ် သက် သေ ထောက် ခံ လျက် ပင် မု သာ မ သုံး ဘဲ ခ ရစ် တော်၌ တည် သည့် အ တိုင်း အ ဟုတ် အ မှန် ဆို သည် မှာ၊

Judson Bible

¹ ငါ့​ကိုယ်​ကို​ကိုယ်​သိ​သော​စိတ်​သည် သန့်​ရှင်း​သော ဝိ​ညာဉ်​တော်​နှင့်​တ​ကွ ငါ့​ဘက်၌ သက်​သေ​ခံ​လျက်၊ ငါ​သည် မု​သား​မ​ပါ၊ ခ​ရစ်​တော်​ရှေ့၌ မှန်​ကန်​စွာ ပြော​သည်​ကား၊-

ခေတ်သစ်​မြန်မာ သမ္မာကျမ်း

^1-2 ကျွန်ုပ်​သည် အလွန်​ဝမ်းနည်း​လျက် စိတ်နှလုံး​ထဲ၌​လည်း ဖြေဆည်​၍ မရနိုင်သော ကြေကွဲခြင်း​ရှိကြောင်း ခရစ်တော်​ကို တိုင်တည်​၍ အမှန်​ကို​ပြော၏။ လိမ်လည်​၍ မပြော။ ထိုသို့ အမှန်​ပြောကြောင်း​ကို သန့်ရှင်းသော​ဝိညာဉ်တော်​အားဖြင့် လိပ်ပြာသန့်​စွာ အတည်ပြု၏။

ရော​မ 9:1 ပူးပေါင်းရင်းမြစ်များ

ရော​မ 1:9

ငါ​သည်​ဆုတောင်း​သောအခါ သင်​တို့​ကို​အမြဲမပြတ်​သတိရ​လျက် ဘုရားသခင်​၏​အလို​တော်​ရှိ​လျှင် တစ်ချိန်ချိန်​တွင် တစ်နည်းနည်း​ဖြင့် သင်​တို့​ထံသို့​လာ​ရ​သော​အခွင့်​ရှိ​ပါ​မည့်​အကြောင်း အစဉ်​တောင်းလျှောက်​နေ​၏။ ဤ​အကြောင်းအရာ​နှင့်​ပတ်သက်၍ ငါ့​အတွက်​သက်သေခံ​ပေး​သော​သူ​မှာ သား​တော်​၏​ကောင်းမြတ်​သော​သတင်း​ကို ငါ​ဟောပြော​လျက် ငါ​၏​ဝိညာဉ်​အားဖြင့် ဝတ်ပြု​သော​ဘုရားသခင်​ဖြစ်​တော်မူ​၏။

ရော​မ 2:15

မိမိ​တို့​စိတ်နှလုံး​ထဲ၌​ရေး​ထား​သည့် ပညတ်​တရား​နှင့်ဆိုင်သော​အကျင့်​ကို ပြသ​လျက်​ရှိ​ကြ​၏။ သူ​တို့​၏​အသိစိတ်​သည်​လည်း အတူတကွ​သက်သေခံ​၍ သူ​တို့​၏​စဉ်းစား​ဆင်ခြင်​မှု​တို့​သည် အချင်းချင်း​စွပ်စွဲ​တစ်ခါ ကာကွယ်​တစ်လှည့်​ပြု​နေ​ကြ​၏။

ရော​မ 8:16

ငါ​တို့​သည် ဘုရားသခင်​၏​သားသမီး​များ​ဖြစ်​ကြောင်း​ကို ဝိညာဉ်​တော်​ကိုယ်တိုင် ငါ​တို့​၏​ဝိညာဉ်​နှင့်အတူ​သက်သေခံ​တော်မူ​၏။

ရော​မ 9:2

ငါ​၌​အလွန်​ဝမ်းနည်း​ခြင်း​ရှိ​၍ ငါ​၏​စိတ်နှလုံး​ထဲတွင် အမြဲမပြတ်​ပူပန်​ခြင်း​ဝေဒနာ​ရှိ​၏။

၂ ကော 1:12

ငါ​တို့​၏​ဝါကြွား​စရာ​အကြောင်းမှာ ဤသို့​ဖြစ်​၏။ ငါ​တို့​သည် လောက​၌၊ အထူးသဖြင့် သင်​တို့​ရှေ့မှောက်​၌ လောကီ​ဉာဏ်ပညာ​ကို​အမှီ​မ​ပြု​ဘဲ ဘုရားသခင်​၏​ကျေးဇူး​တော်​ကို​သာ အမှီပြု​လျက် ဘုရားသခင်​ထံမှ​လာ​သော ရိုးသား​ဖြူစင်​ခြင်း​တို့​ဖြင့် အသက်ရှင်​နေထိုင်​ခဲ့​ကြောင်း ငါ​တို့​၏​အသိစိတ်​သည် သက်သေခံ​၏။

၂ ကော 1:23

ငါ​သည် ငါ့​အသက်​ဖြင့်​အာမခံ​၍ ဘုရားသခင်​ကို​သက်သေ​အဖြစ်​ထား​လျက်​ဆို​သည်​ကား ကောရိန္သု​မြို့​သို့ ငါ​မ​လာ​သေး​ဘဲ​နေ​ခြင်း​သည် သင်​တို့​ကို​ညှာတာ​၍​သာ​ဖြစ်​၏။

၂ ကော 11:10

ခရစ်တော်​၏​သမ္မာတရား​သည် ငါ​၌​ရှိ​သည်​နှင့်အညီ ငါ​၌​ရှိ​သည့် ဤ​ဂုဏ်ယူ​ဝါကြွား​ခြင်း​ကို အခါယ​ပြည်​တစ်လျှောက်​၌ မည်သူမျှ ပိတ်ပင်​၍​ရ​မည်​မ​ဟုတ်။

၂ ကော 11:31

ငါ​မုသား​မ​သုံး​ကြောင်း သခင်​ယေရှု​၏​ခမည်းတော်​ဖြစ်​တော်မူ​သော ကာလ​အစဉ်အဆက်​မင်္ဂလာရှိ​သည့် ဘုရားသခင်​သိ​တော်မူ​၏။

၂ ကော 12:19

ငါ​တို့​သည် သင်​တို့​ရှေ့၌ မိမိတို့ကိုယ်ကို ကာကွယ်​ပြောဆို​နေ​ကြ​သည်​ဟု တစ်ချိန်လုံး သင်​တို့​ထင်မှတ်​နေ​ကြ​သလော။ ငါ​တို့​သည် ဘုရားသခင်​ရှေ့​တော်​၌ ခရစ်တော်​ကို​အမှီပြု၍ ပြောဆို​နေ​ကြ​၏။ ချစ်​ရ​သော​သူ​တို့၊ အရာ​အားလုံး​သည် သင်​တို့​၏​တည်ဆောက်​စရာ​အတွက်​ဖြစ်​၏။

ဂ​လာ​တိ 1:20

သင်​တို့​ထံသို့ ငါ​ရေး​နေ​သော​အကြောင်းအရာ​များ​တွင် မုသား​မ​ပါ​ကြောင်း ဘုရားသခင်​သိ​တော်မူ​၏။

ဖိ​လိပ္ပိ 1:8

ငါ​သည် ခရစ်တော်​ယေရှု​၏​ကြင်နာ​ခြင်း​ဖြင့် သင်​တို့​အားလုံး​ကို မည်မျှ​လွမ်းဆွတ်​ကြောင်း ငါ့​အတွက်​သက်သေခံ​ပေး​သော​အရှင်​မှာ ဘုရားသခင်​ဖြစ်​တော်မူ​၏။

၁ သက် 2:5

အကြောင်းမူကား သင်​တို့​သိ​ကြ​သည့်​အတိုင်း ငါ​တို့​သည် မြှောက်ပင့်​သော​စကား​ကို တစ်ကြိမ်​တစ်ခါ​မျှ​မ​သုံး၊ လောဘ​စိတ်​ဖြင့်​ဟန်ဆောင်​ခြင်း​လည်း​မ​ရှိ​ခဲ့​ပေ။ ဤ​အကြောင်းအရာ​နှင့်​ပတ်သက်၍ ဘုရားသခင်​သည် ငါ​တို့​၏​သက်သေ​ဖြစ်​တော်မူ​၏။

၁ တိ 1:5

ဤ​ညွှန်ကြားချက်​၏​ရည်ရွယ်ချက်​ပန်းတိုင်​ကား စင်ကြယ်​သော​စိတ်နှလုံး၊ ကြည်လင်​သော​အသိစိတ်​နှင့် ဟန်ဆောင်​မှု​ကင်း​သော​ယုံကြည်​ခြင်း​တို့​မှ​ဖြစ်ပေါ်​လာ​သည့် ချစ်​ခြင်း​မေတ္တာ​ဖြစ်​၏။

၁ တိ 2:7

ငါ​သည် ထို​သက်သေခံ​ချက်​အတွက် သံတော်ဆင့်​နှင့်​တမန်တော်​အဖြစ်​လည်းကောင်း၊ ယုံကြည်​ခြင်း​နှင့်​သမ္မာတရား​တို့​ကို လူမျိုးခြား​တို့​အား သွန်သင်​သော​ဆရာ​အဖြစ်​လည်းကောင်း ခန့်အပ်​ထား​ခြင်း​ခံရ​၏။ ငါ​သည် မုသား​မ​ပါ ဟုတ်မှန်​ရာ​ကို​ပြော​၏။

၁ တိ 5:21

သင်​သည် ဤ​အရာ​တို့​ကို ခွဲခြား​ခြင်း​မ​ရှိ​ဘဲ စောင့်ရှောက်​၍ မည်သည့်​အရာ​ကို​မျှ ဘက်လိုက်​ခြင်း​မ​ရှိ​ဘဲ​ပြုမူ​ရန် ဘုရားသခင်​နှင့် ခရစ်တော်​ယေရှု​မှစ၍ ရွေးကောက်​ခံရ​သော​ကောင်းကင်​တမန်​တို့​ရှေ့​၌ ငါ​အလေးအနက်​တိုက်တွန်း​၏။