၂ ကော 1:17 - ခေတ်သစ်​မြန်မာ သမ္မာကျမ်း

¹⁷ ဤသို့ စီစဉ်​သောအခါ ကျွန်ုပ်​သည် ပေါ့ပေါ့တန်တန်​စီစဉ်သည်​ဟု သင်တို့​ထင်သလော။ ကျွန်ုပ်​သည် အစီအစဉ်များ​ကို ချမှတ်​ရာတွင် တစ်ချိန်တည်း​၌ “ဟုတ်၏” ဟူ၍​လည်းကောင်း၊ “မဟုတ်ပါ” ဟူ၍​လည်းကောင်း စကား​နှစ်ခွ​ဖြင့် ပြောဆိုတတ်သော လောကီသားများ​နှင့် တူသလော။

Common Language Bible

¹⁷ ယင်း​သို့​ကြံ​စည်​ခဲ့​ခြင်း​မှာ​ငါ​၌​စိတ်​နှစ်​ခွ​ရှိ လေ​သ​လော။ ငါ​ကြံ​စည်​ဆုံး​ဖြတ်​သည့်​အ​ခါ များ​၌​တစ်​ကိုယ်​ကောင်း​သ​ဘော​အ​ရ​ကြံ​စည် ဆုံး​ဖြတ်​လေ​သ​လော။ တစ်​ချိန်​တည်း​မှာ​ပင် ဟုတ်​မှန်​သည်​ဟူ​၍​လည်း​ကောင်း၊ မ​ဟုတ်​မ​မှန် ဟူ​၍​လည်း​ကောင်း​စ​ကား​နှစ်​ခွ​ဆို​လေ သ​လော။-

Garrad Bible

¹⁷ ထို သို့ အ ကြံ ရှိ သည် မှာ ငါ ပေါ့ ဆ ရာ ရောက် သ လော။ ငါ့ အ ကြံ အ ရွယ် တွင် လည်း လော ကီ ဘာ ဝ အ လိုက် ဧ ကန် အ နေ ကန် ဟူ၍ ဆို ရာ ရောက် လျက် ကြံ ရွယ် တတ် သ လော။

Judson Bible

¹⁷ ထို​သို့​အ​ကြံ​ရှိ​သော​အ​ခါ လျှပ်​ပေါ်​သော စိတ်​ရှိ​သ​လော။ သို့​မ​ဟုတ် ငါ့​စ​ကား​မှာ ဟုတ်​မှန်၏၊ ဟုတ်​မှန်၏ ဟူ၍​လည်း​ကောင်း၊ မ​ဟုတ်​မ​မှန်၊ မ​ဟုတ်​မ​မှန် ဟူ၍​လည်း​ကောင်း၊ ဖြစ်​စေ​ခြင်း​ငှာ ငါ​ကြံ​စည်​သော​အ​ရာ​ကို ဇာ​တိ​ပ​က​တိ​အ​တိုင်း ကြံ​စည်​သ​လော။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ဤသို့​စီစဉ်​သောအခါ ငါ​သည် ပေါ့ပေါ့တန်တန်​စီစဉ်​ခဲ့​သလော၊ သို့မဟုတ် ငါ​စီစဉ်​သော​အရာ​များ​ကို ဇာတိ​သဘော​ဖြင့်​စီစဉ်​ခဲ့​သောကြောင့် ငါ့​စကား​သည် တစ်ချိန်တည်း​တွင် “ဟုတ်​ပါ​၏။ ဟုတ်​ပါ​၏” နှင့် “မ​ဟုတ်​ပါ။ မ​ဟုတ်​ပါ”​ဟူ၍ ဖြစ်​ခဲ့​သလော။

၂ ကော 1:17 ပူးပေါင်းရင်းမြစ်များ

မဿဲ 1:19

ထိုအခါ ခင်ပွန်းလောင်း​ဖြစ်​သူ ယောသပ်​သည် သူတော်ကောင်း​ဖြစ်​၍ မာရိ​ကို အသရေ​မပျက်စေလို​သောကြောင့် စေ့စပ်ကြောင်းလမ်းခြင်း​ကို တိတ်တဆိတ်​ဖျက်သိမ်း​ရန် ဆုံးဖြတ်၏။

မဿဲ 5:37

သင်တို့​သည် ဟုတ်သည်​ကို ‘ဟုတ်၏၊’ မဟုတ်သည်​ကို ‘မဟုတ်’ ဟူ၍ ပြောဆိုရမည်။ ထို​စကားတို့​ထက် ပိုသော​စကား​သည် မာရ်နတ်​ထံမှ လာသော​စကား ဖြစ်၏။

ရှင်ယောဟန် 8:15

သင်တို့​သည် လူ့​စံနှုန်း​အတိုင်း စီရင်တတ်ကြ၏။ သို့သော် ငါ​သည် မည်သူ့​ကိုမျှ မစီရင်။

၂ ကော 1:12

ကျွန်ုပ်တို့ လိပ်ပြာသန့်​စွာ သက်သေခံသည့် ကြွားဝါစရာ​အကြောင်း​မှာ ကျွန်ုပ်တို့​သည် ဤ​လောက​၌ အထူး​သဖြင့် သင်တို့​ရှေ့​၌ လူ့ဉာဏ်​ကို အမှီ​မပြုဘဲ ဘုရားသခင်​၏ ကျေးဇူးတော်​ကို အမှီပြု​၍ ဘုရားသခင်​ထံမှ​လာသော ရိုးသား​ဖြူစင်ခြင်း​တို့ဖြင့် နေထိုင်ခဲ့ကြောင်း​ဖြစ်၏။

၂ ကော 11:18

များစွာသော​သူတို့​သည် လောကီ​စံနှုန်း​အတိုင်း ကြွားဝါကြ​သောကြောင့် ကျွန်ုပ်​သည်လည်း ကြွားဝါမည်။

ဂ​လာ​တိ 1:16

ထို့နောက် သားတော်​၏ သတင်းကောင်း​ကို လူမျိုးခြားတို့​ထံ ဟောပြော​နိုင်ရန် အလိုတော်​နှင့်​အညီ ကျွန်ုပ်​ကို သားတော်​နှင့် သိကျွမ်းစေတော်မူ၏။ ထိုအခါ ကျွန်ုပ်​သည် မည်သူ့​ထံက​မျှ အကြံဉာဏ်​မတောင်းခဲ့။

ဂ​လာ​တိ 2:2

ဤသို့​သွားသည်​မှာ ဘုရားသခင်​၏ ဗျာဒိတ်တော်​အရ သွားခြင်း​ဖြစ်၏။ ထို​မြို့​၌ ရှိစဉ် ခေါင်းဆောင်​ဖြစ်သူများ​နှင့် သီးသန့်​တွေ့ဆုံ​စည်းဝေး​ကာ လူမျိုးခြားတို့​အား ဟောပြောခဲ့သော​သတင်းကောင်း​နှင့် ပတ်သက်၍ သူတို့​ထံ တင်ပြခဲ့၏။ ဤသို့ တင်ပြရခြင်း​မှာ ကျွန်ုပ်​ကြိုးစားအားထုတ်​ခဲ့ရသော​အရာ​နှင့် ကြိုးစားအားထုတ်​နေသော​အရာတို့​ကို အချည်းနှီး မဖြစ်စေလို​သောကြောင့် ဖြစ်၏။

၁ သက် 2:18

ထိုသို့ ကျွန်ုပ်တို့​သည် သင်တို့​ထံသို့ ပြန်လာ​ချင်​သောကြောင့် ကျွန်ုပ် ပေါလု​ကိုယ်တိုင် အကြိမ်ကြိမ်​ကြိုးစားခဲ့၏။ သို့သော် စာတန်​သည် ကျွန်ုပ်တို့​ကို တားဆီးခဲ့၏။

ယာ​ကုပ် 5:12

ညီအစ်ကို မောင်နှမတို့… အထူး​သဖြင့် ကောင်းကင်​ကို​ဖြစ်စေ၊ မြေကြီး​ကို​ဖြစ်စေ၊ အခြား​အရာ​ကို​ဖြစ်စေ တိုင်တည်​၍ မကျိန်ဆိုကြနှင့်။ ဟုတ်​လျှင် ဟုတ်ကြောင်း၊ မဟုတ်​လျှင် မဟုတ်ကြောင်း ပြောကြလော့။ သို့မှသာ အပြစ်စီရင်တော်မူခြင်း​နှင့် ကင်းလွတ်​နိုင်လိမ့်မည်။