၁ ကော 1:26 - ခေတ်သစ်​မြန်မာ သမ္မာကျမ်း

²⁶ ချစ်သော ညီအစ်ကို​မောင်နှမတို့… သင်တို့​ကို ဘုရားသခင်​ရွေးချယ်တော်မူ​စဉ်က ရှိခဲ့သော သင်တို့​၏ အခြေအနေ​ကို ပြန်လည်​ဆင်ခြင်ကြည့်လော့။ လူတို့​အမြင်​အရ​ဆိုလျှင် သင်တို့​ထဲတွင် ပညာရှင်​များစွာ မပါခဲ့ကြ။ ဩဇာကြီးသူ​များစွာ မပါခဲ့ကြ။ မြင့်မြတ်သူ​ဟူ၍ များစွာ မပါခဲ့ကြ။

Common Language Bible

²⁶ ညီ​အစ်​ကို​တို့၊ သင်​တို့​ကိုယ်​တိုင်​ရွေး​ကောက်​တော် မူ​ခြင်း​မ​ခံ​ရ​မီ အ​ခြေ​အ​နေ​ကို​စဉ်း​စား​ဆင် ခြင်​ကြ​လော့။ လူ​တို့​အ​မြင်​အား​ဖြင့်​သင်​တို့ အ​ထဲ​တွင်​ပ​ညာ​ရှိ​သူ၊ တန်​ခိုး​ကြီး​သူ၊ မျိုး​ရိုး ဇာ​တိ​ကြီး​မြင့်​သူ​ဟူ​၍​များ​စွာ​မ​ပါ​မ​ရှိ ပေ။-

Garrad Bible

²⁶ ၎င်း ပြင် ညီ အစ် ကို တို့၊ သင် တို့၏ ခေါ် ထား တော် မူ ရင်း အ ဖြစ် အ နေ ကို ထောက် ရှု ဦး လော့။ လော ကီ ပ ညာ ရှိ သူ၊ အ ကြီး အ ကဲ ဖြစ် သူ၊ အ မျိုး မြတ် သူ အ များ ပါ သည် မ ဟုတ်။

Judson Bible

²⁶ ညီ​အစ်​ကို​တို့၊ သင်​တို့​ကို ခေါ်​တော်​မူ​ခြင်း အ​ကြောင်း​အ​ရာ​ကို ဆင်​ခြင်​ကြ​လော့။ ခေါ်​တော်​မူ​သော​သူ​တို့​တွင် လော​ကီ​ပ​ညာ​ရှိ အ​များ​မ​ပါ။ ထင်​ရှား​သော လူ​ကြီး​အ​များ​မ​ပါ။ မင်း​အ​မျိုး​အ​နွယ်​ဖြစ်​သော​သူ အ​များ​မ​ပါ။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ညီအစ်ကို​တို့၊ သင်​တို့​ခေါ်ယူ​တော်မူ​ခြင်း​ခံရ​စဉ်​က​အကြောင်း​ကို ဆင်ခြင်​ကြ​လော့။ လူ့​အမြင်​အရ သင်တို့​တွင် ပညာရှိ​များစွာ​မ​ပါ။ အစွမ်းထက်​သော​သူ​များစွာ​မ​ပါ။ မြင့်မြတ်​သော​သူ​များစွာ​မ​ပါ။

၁ ကော 1:26 ပူးပေါင်းရင်းမြစ်များ

လုကာ 1:3

ကျွန်ုပ်​သည် ထို​အကြောင်းအရာ​အားလုံး​ကို အစ​မှ သေချာ​စွာ စစ်ဆေးပြီးသည်​နှင့် သင့်​အတွက် စီစဉ်​တကျ​ရေးသား​လျှင် ကောင်းမည်​ဟု ယူဆမိပါ၏။

လုကာ 10:21

ထို​အချိန်​၌ ယေရှု​သည် သန့်ရှင်းသော​ဝိညာဉ်တော်​အားဖြင့် ရွှင်လန်း​လျက် “ကောင်းကင်​နှင့် မြေကြီး​၏​အရှင်​သခင် ဖြစ်တော်မူသော​အဖ… လောကီ​ပညာရှင်များ​နှင့် ဉာဏ်ပညာ​ထက်မြက်သူများ​အား ဤ​အရာများ​ကို ဝှက်ထားတော်မူ​၍ ကလေးငယ်တို့​အား ဖော်ပြတော်မူ​သောကြောင့် ကျေးဇူးတင်ပါ၏။ မှန်ပါ၏​အဖ။ ဤ​သည်​မှာ အဖ​ခမည်းတော် နှစ်သက်တော်မူသော​အရာ​ပင် ဖြစ်၏။

တမန်တော်ဝတ္ထု 13:12

မြို့ဝန်မင်း​သည် ထို​အဖြစ်အပျက်​ကို မြင်​သောအခါ သခင်ဘုရား​၏​တရားတော်​ကို အံ့ဩမိန်းမော​၍ ယုံကြည်သက်ဝင်လေ၏။

တမန်တော်ဝတ္ထု 13:7

ထို​သူ​သည် ဉာဏ်ရည်​ထက်မြက်သော​မြို့ဝန်မင်း သေရဂိပေါလု​၏​မိတ်ဆွေ​ဖြစ်၏။ ထို​မြို့ဝန်မင်း​သည် ဘုရားသခင်​၏​နှုတ်ကပတ်​တရားတော်​ကို ကြားနာ​လို​၍ ဗာနဗ​နှင့်​ရှောလု​ကို ဖိတ်ခေါ်လေ၏။

တမန်တော်ဝတ္ထု 17:34

သို့ရာတွင် လူတချို့​သည် ပေါလု​နှင့် ပေါင်းဖော်​၍ ယုံကြည်သက်ဝင်သူများ ဖြစ်လာကြ၏။ ထို​သူတို့​အထဲတွင် အာရေပါဂု​တရားလွှတ်တော်​အဖွဲ့ဝင် ဒယောနုသိ​နှင့် ဒမာရိ​အမည်​ရှိသူ အမျိုးသမီး​မှ​စ၍ အခြားသူများ​လည်း ပါဝင်ကြ၏။

ရော​မ 11:29

အဘယ်ကြောင့်ဆိုသော် ဘုရားသခင်​သည် မိမိ​ပေးသနားတော်မူသော ဆုကျေးဇူးများ​နှင့် ခေါ်ယူခြင်းတို့​ကို ပြန်၍​ရုပ်သိမ်း​တော်မမူတတ်​သောကြောင့် ဖြစ်၏။

၁ ကော 1:20

ထို့ကြောင့် ပညာရှင်​သည် အဘယ်မှာနည်း။ ကျမ်းတတ်ဆရာ​သည် အဘယ်မှာနည်း။ ဤ​လောက​၏ ဝေဖန်ရေး​ဆရာ​သည် အဘယ်မှာနည်း။ ဘုရားသခင်​သည် လောကီ​ပညာ​ကို မိုက်မဲစေတော်မူပြီ​မဟုတ်လော။

၁ ကော 2:13

သို့ဖြစ်၍ ဤ​အရာများ​ကို ပြောဆို​ရာတွင် ကျွန်ုပ်တို့​သည် လူ့​ဉာဏ်ပညာ​က သင်ကြားပေးသော​စကားများ​ဖြင့် မပြောဆို။ ဝိညာဉ်တော်​က သင်ကြားပေးသော စကားများ​ဖြင့်သာ ပြောဆိုကြ​၍ ဝိညာဉ်ရေးရာ​အမှန်တရားများ​ကို ဝိညာဉ်ရေးရာ​စကားလုံးများ​ဖြင့် ရှင်းလင်း​ဖော်ပြကြ၏။

၁ ကော 2:8

လောကီ​အစိုးရမင်းတို့​သည် ထို​ပညာ​ကို နားမလည်ကြ။ နားလည်ကြ​လျှင် ဘုန်းကြီးတော်မူသော သခင်​ကို လက်ဝါးကပ်တိုင်​တွင် သတ်ကြမည်​မဟုတ်ပေ။

ဖိ​လိပ္ပိ 4:22

ဤ​နေရာ​၌ ရှိသော ယုံကြည်သူများ၊ အထူး​သဖြင့် ဆီဇာဘုရင်​၏ နန်းတော်​၌ ရှိသော​သူတို့​က သင်တို့​ကို နှုတ်ဆက်လိုက်ပါ၏။

ယာ​ကုပ် 2:5

ချစ်ခင်ရသော ညီအစ်ကို​မောင်နှမတို့… နားထောင်ကြလော့။ ဘုရားသခင်​သည် ဤ​လောက​တွင် ဆင်းရဲသောသူတို့​ကို ယုံကြည်ခြင်း​၌ ကြွယ်ဝစေ​၍ မိမိ​ကို​ချစ်သော​သူတို့​အတွက် ကတိထားတော်မူသည့် နိုင်ငံတော်​ကို အမွေဆက်ခံသူများ​ဖြစ်​စေရန် ရွေးချယ်တော်မူသည်​မဟုတ်လော။

၂ ယော 1:1

အသက်ကြီးသူ​ဖြစ်သော ကျွန်ုပ်​ယောဟန်​သည် ကျွန်ုပ်​အမှန်တကယ်​ချစ်ခင်ရသည့် ရွေးကောက်တော်မူခြင်း​ခံရသော​အမျိုးသမီး​နှင့် သူ​၏ သားသမီးများ​ထံသို့ စာရေးလိုက်ပါ၏။ သင်တို့​ကို ကျွန်ုပ်​တစ်ဦးတည်း​သာမက သမ္မာတရား​ကို သိသောသူ​အပေါင်းတို့​ကလည်း ချစ်ခင်ကြ၏။