အာ​မုတ် 1:3

Judson Bible

ထာ​ဝ​ရ​ဘု​ရား မိန့်​တော်​မူ​သည်​ကား၊ ဒ​မာ​သက်​မြို့​သည် ဂိ​လဒ်​ပြည်​ကို စ​ပါး​နယ်​ရာ သံ​ယ​န္တ​ရား​စက်​တို့​နှင့် ကြိတ်​နယ်​သော​အ​ပြစ် သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

ပူးပေါင်းရင်းမြစ်များ

၃ ရာ 19:17

သို့​ဖြစ်၍ ဟာ​ဇေ​လ​ဓား​နှင့် လွတ်​သော​သူ​ကို ယေ​ဟု​သတ်​လိမ့်​မည်။ ယေ​ဟု​ဓား​နှင့် လွတ်​သော​သူ​ကို ဧ​လိ​ရှဲ​သတ်​လိမ့်​မည်။

၄ ရာ 13:3

ထို​ကြောင့် ထာ​ဝ​ရ​ဘု​ရား​သည် ဣ​သ​ရေ​လ​အ​မျိုး​ကို အ​မျက်​ထွက်၍၊ ယော​ခတ်​မင်း​လက်​ထက် ကာ​လ​ပတ်​လုံး၊ ရှု​ရိ​ရှင်​ဘု​ရင် ဟာ​ဇေ​လ​နှင့် သူ၏​သား​ဗင်္ယာ​ဒဒ်​လက်​သို့ ဣ​သ​ရေ​လ​အ​မျိုး​ကို အပ်​တော်​မူ၏။

၄ ရာ 13:7

ရှု​ရိ​ရှင်​ဘု​ရင်​သည် ဣ​သ​ရေ​လ​အ​မျိုး​သား​တို့​ကို ဖျက်​ဆီး၍၊ စ​ပါး​နင်း​ရာ​တွင် လွင့်​သော​အ​မှုန့်​ကဲ့​သို့ ဖြစ်​စေ​သ​ဖြင့်၊ မြင်း​စီး​သူ​ရဲ ငါး​ကျိပ်၊ ရ​ထား​တစ်​ဆယ်၊ ခြေ​သည်​သူ​ရဲ​တစ်​သောင်း​ကို​သာ ယော​ခတ်၌​ကြွင်း​စေ၏။

၄ ရာ 16:9

အာ​ရှု​ရိ​ရှင်​ဘု​ရင်​သည် နား​ထောင်၍ ဒ​မာ​သက်​မြို့​သို့​စစ်​ချီ၍ တိုက်​ယူ​ပြီး​လျှင်၊ ပြည်​သား​တို့​ကို ကိ​ရ​မြို့​သို့ သိမ်း​သွား၏။ ရေ​ဇိန်​မင်း​ကို​လည်း​သတ်၏။

၄ ရာ 8:12

ဟာ​ဇေ​လ​က​လည်း၊ သ​ခင်​သည် အ​ဘယ်​ကြောင့် မျက်​ရည်​ကျ​တော်​မူ​သ​နည်း​ဟု မေး​လျှင် ဧ​လိ​ရှဲ​က၊ သင်​သည် ဣ​သ​ရေ​လ​အ​မျိုး​သား​တို့၌ ပြု​လ​တ္တံ့​သော​ဘေး​ဥ​ပဒ်​တည်း​ဟူ​သော သူ​တို့၏​ရဲ​တိုက်​များ​ကို မီး​ရှို့​ခြင်း၊ လု​လင်​များ​ကို ဓား​နှင့်​သတ်​ခြင်း၊ သူ​ငယ်​များ​ကို မြေ​ပေါ်​မှာ ဆောင့်​ဖွပ်​ခြင်း၊ ကိုယ်​ဝန်​ဆောင်​သော​မိန်း​မ​များ၌ ဝမ်း​ခွဲ​ခြင်း​ကို ပြု​လိမ့်​မည်​ဟု ငါ​သိ​မြင်​သော​ကြောင့် မျက်​ရည်​ကျ​သည်​ဟု ပြန်​ပြော​သော်၊

ယောဘဝတ္တု။ 19:3

ဆယ်​ကြိမ်​မြောက်​အောင် ငါ့​ကို​ကဲ့​ရဲ့​ကြ​ပြီ။ ငါ့​ကို​မိန်း​မော​တွေ ဝေ​စေ​ခြင်း​ငှာ အ​ရှက်​မ​ရှိ​ဘဲ​ပြု​ကြ​ပြီ။

ယောဘဝတ္တု။ 5:19

သင့်​ကို အ​မှု​ခြောက်​ပါး​ထဲ​က နုတ်​ယူ​တော်​မူ​သည် သာ​မ​က၊ ခု​နစ်​ပါး​သော​အ​မှု၌​လည်း ဘေး​တစ်​စုံ​တစ်​ခု​မျှ မ​ထိ​မ​ခိုက်​ရ။

သုတ္တံကျမ်း။ 6:16

ထာ​ဝ​ရ​ဘု​ရား​မုန်း​တော်​မူ​သော​အ​ရာ ခြောက်​ပါး​မ​က၊ စက်​ဆုပ်​ရွံ​ရှာ​တော်​မူ​သော​အ​ရာ ခု​နစ်​ပါး​ဟူ​မူ​ကား၊

ဒေသနာကျမ်း။ 11:2

လူ​ခု​နစ်​ယောက်​မ​က၊ ရှစ်​ယောက်​တို့​အား ဝေ​မျှ​လော့။ မြေ​ပေါ်​မှာ အ​ဘယ်​အ​မှု​ရောက်​မည်​ကို သင်​မ​သိ။

ဟေ​ရှာ​ယ 28:27

စ​မုန်​နက် မျိုး​စေ့​ကို​လည်း ပျဉ်​ပြား​နှင့် မ​နယ်​တတ်။ ဇီ​ယာ​စေ့​ပေါ်၌​လည်း လှည်း​ဘီး​ကို မ​လှိမ့်​တတ်။ စ​မုန်​နက်​စေ့​ကို တုတ်​နှင့်​လည်း​ကောင်း၊ ဇီ​ယာ​စေ့​ကို ကြိမ်​လုံး​နှင့်​လည်း​ကောင်း ရိုက်​တတ်၏။

ဟေ​ရှာ​ယ 41:15

ငါ​သည် သင့်​ကို အ​သွား​ရှိ​သော စ​ပါး​နယ်​စ​ရာ ယ​န္တ​ရား​စက်​အ​သစ် ဖြစ်​စေ​မည်။ သင်​သည် တောင်​ကြီး​တို့​ကို​နယ်၍ ညက်​စေ​မည်။ တောင်​ငယ်​တို့​ကို ဖွဲ​ကဲ့​သို့ ဖြစ်​စေ​မည်။

ဟေ​ရှာ​ယ 7:16

ထို​သူ​ငယ်​သည် မ​ကောင်း​သော​အ​ရာ​ကို မ​ပယ်၊ ကောင်း​သော​အ​ရာ​ကို မ​ရွေး​မ​ယူ​တတ်​မီ၊ သင်​ကြောက်​သော ရှင်​ဘု​ရင်​နှစ်​ဦး အ​စိုး​ရ​သော​ပြည်​သည် စွန့်​ပစ်​သော​အ​ရပ် ဖြစ်​လိမ့်​မည်။

ဟေ​ရှာ​ယ 7:8

ရှု​ရိ​ပြည်၏​ခေါင်း​ကား၊ ဒ​မာ​သက်​မြို့။

ဟေ​ရှာ​ယ 8:4

အ​ကြောင်း​မူ​ကား၊ ထို​သူ​ငယ်​သည် အ​မိ​အ​ဘ​ဟု မ​ခေါ်​တတ်​မီ၊ ဒ​မာ​သက်​မြို့၏​စည်း​စိမ်၊ ရှ​မာ​ရိ​မြို့၌ လု​ယက်​သော​ဥ​စ္စာ​ကို အာ​ရှု​ရိ​ရှင်​ဘု​ရင်​သည် သိမ်း​သွား​လိမ့်​မည်​ဟု မိန့်​တော်​မူ၏။

အာ​မုတ် 1:11

တစ်​ဖန် ထာ​ဝ​ရ​ဘု​ရား​မိန့်​တော်​မူ​သည်​ကား၊ ဧ​ဒုံ​ပြည်​သည် သ​နား​သော​စိတ်​ကို​ချုပ်​တည်း၍၊ ညီ​အစ်​ကို​ကို ဓား​နှင့်​လိုက်​သော​အ​ပြစ်၊ ဒေါ​သ​စိတ်​နှင့် အ​စဉ်​အ​မြဲ​ဆွဲ​ဖြတ်၍ အ​စဉ်​အ​မြဲ အ​ငြိုး​ထား​သော အ​ပြစ်​သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

အာ​မုတ် 1:13

တစ်​ဖန် ထာ​ဝ​ရ​ဘု​ရား​မိန့်​တော်​မူ​သည်​ကား၊ အ​မ္မုန်​ပြည်​သား​တို့​သည် မိ​မိ​တို့​နေ​ရာ​ကို ကျယ်​စေ​ခြင်း​ငှာ၊ ကိုယ်​ဝန်​ဆောင်​သော ဂိ​လဒ်​ပြည်​သူ​မိန်း​မ​တို့၏ ဝမ်း​ကို​ခွဲ​သော အ​ပြစ်​သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

အာ​မုတ် 1:6

တစ်​ဖန် ထာ​ဝ​ရ​ဘု​ရား မိန့်​တော်​မူ​သည်​ကား၊ ဂါ​ဇ​မြို့​သည် ချုပ်​ထား​သော​သူ​အ​ပေါင်း​တို့​ကို ဧ​ဒုံ​မင်း၌ အပ်​ခြင်း​ငှာ သိမ်း​သွား​သော​အ​ပြစ် သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

အာ​မုတ် 1:9

တစ်​ဖန် ထာ​ဝ​ရ​ဘု​ရား မိန့်​တော်​မူ​သည်​ကား၊ တု​ရု​မြို့​သည် ညီ​အစ်​ကို​ချင်း​ဖွဲ့​သော မိတ်​သ​ဟာ​ယ​ကို မ​စောင့်၊ ချုပ်​ထား​သော သူ​အ​ပေါင်း​တို့​ကို ဧ​ဒုံ​မင်း၌​အပ်​သော အ​ပြစ်​သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

အာ​မုတ် 2:1

တစ်​ဖန် ထာ​ဝ​ရ​ဘု​ရား​မိန့်​တော်​မူ​သည်​ကား၊ မော​ဘ​ပြည်​သည် ဧ​ဒုံ​ရှင်​ဘု​ရင်၏​အ​ရိုး​တို့​ကို ထုံး​ဖြစ်​စေ​ခြင်း​ငှာ မီး​နှင့်​ဖုတ်​သော အ​ပြစ်​သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

အာ​မုတ် 2:4

တစ်​ဖန် ထာ​ဝ​ရ​ဘု​ရား မိန့်​တော်​မူ​သည်​ကား၊ ယု​ဒ​အ​မျိုး​သည် ထာ​ဝ​ရ​ဘု​ရား စီ​ရင်​တော်​မူ​ချက်​တို့​ကို​မ​စောင့်၊ ပ​ညတ်​တ​ရား​တော်​ကို စွန့်​ပစ်၍၊ ဘိုး​ဘေး​တို့ လိုက်​ဖူး​သော မိ​စ္ဆာ​ဒိ​ဌိ​အား​ဖြင့် မှား​ယွင်း​သော​အ​ပြစ်​သုံး​ပါး​မ​က၊ အ​ပြစ်​လေး​ပါး​ကြောင့် ငါ​သည် ဒဏ်​မ​ပေး​ဘဲ​မ​နေ။

အာ​မုတ် 2:6

တစ်​ဖန် ထာ​ဝ​ရ​ဘု​ရား မိန့်​တော်​မူ​သည်​ကား၊ ဣ​သ​ရေ​လ​အ​မျိုး​သည် ဖြောင့်​မတ်​သော​သူ​ကို ငွေ​နှင့်​လည်း​ကောင်း၊ ဆင်း​ရဲ​သော​သူ​ကို ခြေ​နင်း​တစ်​ရံ​နှင့်​လည်း​ကောင်း ရောင်း​သော​အ​ပြစ်၊

ဇာ​ခ​ရိ 9:1

ထာ​ဝ​ရ​ဘု​ရား၏ ဗျာ​ဒိတ်​နှုတ်​က​ပတ်​တော်​သည် ဟာ​ဒ​ရက်​ပြည်​နှင့် ဒ​မာ​သက်​မြို့၌ သင့်​ရောက်​ပေ၏။ ထာ​ဝ​ရ​ဘု​ရား​သည် လူ​မျိုး​ကို​လည်း​ကောင်း၊ ဣ​သ​ရေ​လ​အ​မျိုး​အ​နွယ် အ​ပေါင်း​တို့​ကို​လည်း​ကောင်း ကြည့်​ရှု​လျက် ရှိ​တော်​မူ၏။

ဇာ​ခ​ရိ 9:2

ထို​ပြည်​နှင့် နီး​စပ်​သော ဟာ​မတ်​ပြည်၌​လည်း​ကောင်း၊ တု​ရု​မြို့​သည် လိ​မ္မာ​သော​ကြောင့် ထို​မြို့​နှင့် ဇိ​ဒုန်​မြို့၌​လည်း​ကောင်း သင့်​ရောက်​ပေ၏။