ဝတ်​ပြု 5:2

Judson Bible

တစ်​စုံ​တစ်​ယောက်​သော​သူ​သည် မ​စင်​ကြယ်​သော သား​ရဲ၊ သား​ယဉ်၊ တွား​တတ်​သော တိ​ရ​စ္ဆာန်၏​အ​သေ​ကောင်​အ​စ​ရှိ​သော မ​စင်​ကြယ်​သော​အ​ရာ​တစ်​စုံ​တစ်​ခု​ကို အ​မှတ်​တ​မဲ့​ထိ​မိ​သ​ဖြင့်၊ မ​စင်​ကြယ်​ရာ​သို့​ရောက်၍ အ​ပြစ်​ရှိ​သော်​လည်း​ကောင်း၊

ပူးပေါင်းရင်းမြစ်များ

ဆာ​လံ 19:12

မိ​မိ​မှား​ယွင်း​ခြင်း​ကို အ​ဘယ်​သူ​သည် နား​လည်​နိုင်​သ​နည်း။ မ​ထင်​ရှား​သော​ဒု​စ​ရိုက်​အ​ပြစ်​နှင့် အ​ကျွန်ုပ်​ကို ကင်း​စင်​စေ၍၊

ဟေ​ရှာ​ယ 52:11

ထွက်​ကြ။ ထွက်​ကြ။ ထို​အ​ရပ်​မှ ထွက်​သွား​ကြ​လော့။ မ​စင်​ကြယ်​သော​အ​ရာ​ကို လက်​နှင့်​မျှ မ​တို့​ကြ​နှင့်။ ထို​အ​ရပ်​ထဲ​က ထွက်​သွား​ကြ​လော့။ ထာ​ဝ​ရ​ဘု​ရား၏​အ​ဆောက်​အ​ဦ​တို့​ကို ဆောင်​ရွက်​သော​သူ​တို့၊ သန့်​ရှင်း​ခြင်း ရှိ​ကြ​လော့။

ဝတ်​ပြု 11:11

အ​ယက်​အ​ကြေး​နှင့် မ​ပြည့်​စုံ​သော​ရေ​တိ​ရ​စ္ဆာန်​အ​သား​ကို သင်​တို့​သည်​မ​စား​ရ။ သူ​တို့​အ​သေ​ကောင်​ကို​လည်း ရွံ​ရှာ​ရ​ကြ​မည်။

ဝတ်​ပြု 11:8

ထို​သို့​သော တိ​ရ​စ္ဆာန်​အ​သား​ကို မ​စား​ရ။ အ​သေ​ကောင်​ကို​လည်း မ​ထိ​ရ။ မ​စင်​ကြယ်​ဟု သင်​တို့​မှတ်​ရ​ကြ​မည်။

ဝတ်​ပြု 4:13

ဣ​သ​ရေ​လ​အ​မျိုး​သား ပ​ရိ​သတ်​အ​ပေါင်း​တို့​သည် တ​ရား​ကို​မ​သိ၊ အ​ကျိုး​အ​ပြစ်​ကို မ​ရိပ်​မိ​ဘဲ၊ ထာ​ဝ​ရ​ဘု​ရား၏​ပ​ညတ်​တော်​ကို လွန်​ကျူး​ပြစ်​မှား၍ မ​ပြု​အပ်​သော​အ​မူ​ကို ပြု​မိ​သ​ဖြင့် အ​ပြစ်​ရောက်​လျှင်၊

ဝတ်​ပြု 5:17

တစ်​စုံ​တစ်​ယောက်​သော​သူ​သည်၊ ထာ​ဝ​ရ​ဘု​ရား​ပ​ညတ်​တော်​မူ​သော အ​မှု​တစ်​စုံ​တစ်​ခု​ကို​ပြု၍ ပြစ်​မှား​မိ​လျှင်၊ ကိုယ်​ပြစ်​မှား​မှန်း​ကို​မ​သိ​သော်​လည်း၊ အ​ပြစ်​ရောက်၍၊ ထို​အ​ပြစ်​ကို​ခံ​ရ​မည်။

ဝတ်​ပြု 5:3

လူ၌​ကပ်​သော မ​စင်​ကြယ်​သော အ​ရာ​တစ်​စုံ​တစ်​ခု​ကို​လည်း၊ မ​သိ​ဘဲ​ထိ​မိ၍ နောက်​တစ်​ဖန်​သိ​လျှင်၊ အ​ပြစ်​ရှိ​ရာ​သို့​ရောက်​သော်​လည်း​ကောင်း၊

ဝတ်​ပြု 5:4

တစ်​စုံ​တစ်​ယောက်​သော​သူ​သည် ကောင်း​သော​အ​မှု၊ မ​ကောင်း​သော​အ​မှု​ကို ပြု​မည်​ဟု အ​ကျိုး​အ​ပြစ်​ကို​မ​သိ​ဘဲ ကျိန်​ဆို​လျက် သ​စ္စာ​ပြု၍ နောက်​တစ်​ဖန်​သိ​လျှင်၊ အ​ရင်​ကျိန်​ဆို​လျက် သ​စ္စာ​ပြု​လေ​ရာ​ရာ၌ အ​ပြစ်​တစ်​စုံ​တစ်​ခု​ရောက်​သော်​လည်း​ကောင်း၊

ဝတ်​ပြု 7:21

အ​ကြင်​သူ​သည်​လည်း၊ လူ၌​မ​စင်​ကြယ်​သော​အ​ရာ၊ မ​စင်​ကြယ်​သော​သား၊ မ​စင်​ကြယ်​သော​ပိုး​ရွ အ​စ​ရှိ​သော၊ မ​စင်​ကြယ်​သော​အ​ရာ တစ်​စုံ​တစ်​ခု​ကို​ထိ​မိ၍၊ ထာ​ဝ​ရ​ဘု​ရား​နှင့်​ဆိုင်​သော မိတ်​သ​ဟာ​ယ​ယဇ်​သား​ကို​စား၏။ ထို​သူ​ကို သူ၏​အ​မျိုး​မှ ပယ်​ရှင်း​ရ​မည်​ဟု မိန့်​တော်​မူ၏။

ဟ္ဂဲ 2:13

ဟ​ဂ္ဂဲ​က​လည်း၊ အ​သေ​ကောင်​အား​ဖြင့် မ​စင်​ကြယ်​သော သူ​သည် ထို​အ​ရာ တစ်​စုံ​တစ်​ခု​ကို​ထိ​လျှင် ညစ်​ညူး​ခြင်း​ရှိ​လိမ့်​မည်​လော​ဟု မေး​မြန်း​သော်၊ ယဇ်​ပု​ရော​ဟိတ်​တို့​က၊ ညစ်​ညူး​ခြင်း​ရှိ​လိမ့်​မည်​ဟု ပြန်​ပြော​ကြ၏။

တော​လည် 19:22

မ​စင်​ကြယ်​သော​သူ ထိ​သ​မျှ​သော​အ​ရာ​သည်​လည်း မ​စင်​ကြယ်​ဖြစ်​လိမ့်​မည်။ ထို​အ​ရာ​ကို​ထိ​သော​သူ​လည်း ညဉ့်​ဦး​တိုင်​အောင် မ​စင်​ကြယ်​ဖြစ်​လိမ့်​မည်​ဟု မိန့်​တော်​မူ၏။

လုကာ 11:44

သင်​တို့​သည် အ​မင်္ဂ​လာ​ရှိ​ကြ၏။ အ​ကြောင်း​မူ​ကား၊ မ​ထင်​ရှား​သော သင်္ချိုင်း​တွင်း​နှင့် တူ​ကြ၏။ ထို​တွင်း​အ​ပေါ်​မှာ သွား​လာ​သော​သူ​တို့​သည် သင်္ချိုင်း​တွင်း​ရှိ​မှန်း​ကို​မျှ မ​သိ​ကြ​ဟု မိန့်​တော်​မူ၏။

၂ ကော 6:17

ထို​ကြောင့်၊ ထာ​ဝ​ရ​ဘု​ရား မိန့်​တော်​မူ​ပြန်​သည်​ကား၊ သင်​တို့​သည် ထို​သူ​တို့​အ​ထဲ​မှ​ထွက်၍ အ​သီး​အ​ခြား နေ​ကြ​လော့။ မ​စင်​ကြယ်​သော​အ​ရာ​ကို လက်​နှင့်​မျှ မ​တို့​ကြ​နှင့်။ ထို​သို့​ပြု​လျှင် သင်​တို့​ကို ငါ​သည် လက်​ခံ​မည်။-

တ​ရား​ဟော 14:8

ဝက်​သည် ခွာ​ကွဲ​ပြား​သော်​လည်း၊ စား​မြုံ့​မ​ပြန်​သော​ကြောင့် သင်​တို့၌​မ​စင်​ကြယ်။ အ​သား​ကို မ​စား​ရ။ အ​သေ​ကောင်​ကို​လည်း မ​ထိ​ရ။