ထွက်​မြောက် 9:25

Judson Bible

အဲ​ဂု​တ္တု​ပြည်​တစ်​လျှောက်​လုံး၌၊ လယ်​ပြင်​မှာ​ရှိ​သ​မျှ​သော လူ​နှင့်​တိ​ရ​စ္ဆာန်​များ၊ မြက်​ပင်​များ၊ သစ်​ပင်​များ​တို့​ကို မိုး​သီး​ထိ​လေ၏။

ပူးပေါင်းရင်းမြစ်များ

ဆာ​လံ 78:47

သူ​တို့​စ​ပျစ်​နွယ်​ပင်​များ​ကို မိုး​သီး​ဖြင့်​လည်း​ကောင်း၊ သူ​တို့​သ​ဖန်း​ပင်​များ​ကို နှင်း​ခဲ​ဖြင့်​လည်း​ကောင်း ဖျက်​ဆီး​တော်​မူ၏။

ဆာ​လံ 78:48

သူ​တို့၏​သိုး​နွား​များ​ကို မိုး​သီး၌​လည်း​ကောင်း၊ ပြု​စု​သော​တိ​ရ​စ္ဆာန်​များ​ကို မီး၌​လည်း​ကောင်း အပ်​တော်​မူ၏။

ထွက်​မြောက် 9:19

ထို​ကြောင့် ယ​ခု​စေ​လွှတ်၍၊ လယ်​ပြင်၌​ရှိ​သော တိ​ရ​စ္ဆာန်​များ​နှင့် ရှိ​လေ​သ​မျှ​တို့​ကို သိမ်း​ယူ​လော့။ အိမ်​သို့​မ​ဆောင်​လျှင်၊ လယ်​ပြင်၌ တွေ့​သ​မျှ​သော​လူ​နှင့် တိ​ရ​စ္ဆာန်​တို့​အ​ပေါ်​မှာ​မိုး​သီး​ကျ​၍၊ သူ​တို့​သည် သေ​ကြ​လိမ့်​မည်​အ​ကြောင်း​ကို​ပြော​လော့​ဟု မော​ရှေ​အား မိန့်​တော်​မူ​၏။

ထွက်​မြောက် 9:24

အဲ​ဂု​တ္တု​ပြည်​တည်​ထောင်​သည်​ကာ​လ​မှ​စ၍ တစ်​ခါ​မျှ​မ​ဖြစ်​ဖူး သော မိုး​သီး၊ မီး​နှင့်​ရော၍ အ​လွန်​ပြင်း​ထန်​စွာ​သော မိုး​သီး​ဖြစ်​လေ၏။

ထွက်​မြောက် 9:6

နက်​ဖြန်​နေ့၌ ထို​အ​မှု​ကို​ပြု​တော်​မူ​သ​ဖြင့်၊ အဲ​ဂု​တ္တု​လူ​တို့၏ တိ​ရ​စ္ဆာန်​အ​မျိုး​မျိုး​သေ​ကြ၏။ ဣ​သ​ရေ​လ​လူ​တို့၏ တိ​ရ​စ္ဆာန်​တစ်​ကောင်​မျှ​မ​သေ။

ယေ​ဇ​ကျေ​လ 13:13

ထို​ကြောင့်၊ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ငါ​သည်​အ​မျက်​ထွက်၍၊ သင်​တို့​အုတ်​ရိုး​ကို မိုး​သက်​မုန်​တိုင်း​အား​ဖြင့်​တိုက်၍ ဖျက်​မည်။ ငါ၏​ဒေါ​သ​အ​ရှိန်​ကြောင့် မိုး​ရေ​လွှမ်း​မိုး၍၊ ကြီး​စွာ​သော​မိုး​သီး​နှင့် ဆုံး​စေ​မည်။

ယော​ရှု 10:11

ထို​သူ​တို့​သည် ဣ​သ​ရေ​လ​လူ​တို့​ရှေ့​မှာ​ပြေး၍ ဗေ​သော​ရုန်​မြို့​သို့ ဆင်း​သွား​ရာ​တွင်၊ ထာ​ဝ​ရ​ဘု​ရား​သည် မိုး​ကောင်း​ကင်​မှ ကြီး​စွာ​သော မိုး​သီး​ကို အ​ဇေ​ကာ​မြို့​တိုင်​အောင် သူ​တို့​အ​ပေါ်၌ ချ​တော်​မူ၍၊ သူ​တို့​သည် ဣ​သ​ရေ​လ​လူ​တို့၏ ဓား​ကြောင့်​သေ​သည်​ထက် မိုး​သီး​ကြောင့် သာ၍​သေ​ကြ၏။