၁ ရာချုပ် 9:17 - မြန်မာ့စံမီသမ္မာကျမ်း တံခါးစောင့်များမှ ရှလ္လုံ၊ အက္ကုပ်၊ တာလမုန်၊ အဟိမန်နှင့် သူတို့၏ညီအစ်ကိုများ ပါ၏။ ရှလ္လုံသည် သူတို့၏အကြီးအမှူး ဖြစ်၏။ Common Language Bible ယေရုရှလင်မြို့တွင်နေထိုင်သည့်ဗိမာန်တော် အစောင့်တပ်သားများမှာရှလ္လုံ၊ အက္ကုပ်၊ တာ လမုန်နှင့်အဟိမန်တို့ဖြစ်၏။ ရှလ္လုံသည်သူ တို့၏ခေါင်းဆောင်တည်း။- Garrad Bible တံ ခါး စောင့် များ ကား မြို့ ရှေ့ တံ ခါး တော် မှူး လုပ် ဘူး သူ၊ အ အုပ် အ ချုပ် ရှ လ္လုံ မှ စ၍ အ က္ကုပ်၊ တာ လ မုန်၊ အ ဟိ မန် တို့ နှင့် ဆွေ မျိုး သား ချင်း များ ပါ လေ ဝိ ဂိုဏ်း သား တို့ တပ် ထွက် တပ် ဝင် ကို စောင့် ကြည့် ရ သူ တို့ တည်း။ Judson Bible တံခါးစောင့်မူကား ရှလ္လုံ၊ အက္ကုပ်၊ တာလမုန်၊ အဟိမန်အစရှိသော ညီအစ်ကိုတစ်စု၊ |
သူတို့သွား၍ မြို့တံခါးစောင့်တို့အား အော်ခေါ်လျက် “ငါတို့သည် ဆီးရီးယားတပ်စခန်းသို့ ရောက်ခဲ့ပြီ။ တပ်စခန်းတွင် လူအရိပ်အယောင်မတွေ့၊ လူသံလည်း မကြားရ။ မြင်းများ၊ မြည်းများကို ချည်ထား၍ တဲများလည်း ဤအတိုင်း ရှိနေသည်ကို တွေ့ခဲ့ရပါ၏”ဟု သူတို့အား ပြောပြကြ၏။
တံခါးကိုစောင့်ကြပ်ရသူ အယောက်လေးထောင်၊ ချီးမွမ်းသီဆိုဖို့ ဒါဝိဒ်မင်းကြီး ပြုလုပ်ထားသောတူရိယာများဖြင့် ထာဝရဘုရားကို ချီးမွမ်းသီဆိုရသူ အယောက်လေးထောင် ဟူ၍ခွဲထား၏။
ယေဒုသုန်၏မြစ်၊ ဂလာလ၏မြေး၊ ရှေမာယ၏သား ဩဗဒိနှင့် နေတောဖာသိရွာသားဖြစ်သော ဧလကာန၏မြေး၊ အာသ၏သား ဗေရခိ တို့လည်းပါကြ၏။
ရှလ္လုံသည် ယခုချိန်ထိ ဘုရင်ထွက်ဝင်ရာအရှေ့ဘက်မြို့တံခါး၏တံခါးမှူး ဖြစ်၏။ ဤသူတို့သည် လေဝိသားမြေးတို့၏တပ်စခန်း၌ တံခါးစောင့်များ ဖြစ်ကြ၏။
ခမည်းတော်ဒါဝိဒ်မင်းကြီး စီမံထားခဲ့သည့်အတိုင်း ယဇ်ပုရောဟိတ်တို့ကို အလှည့်ကျ တာဝန်ခွဲဝေပေး၏။ လေဝိအမျိုးသားတို့ကိုလည်း နေ့စဉ် ယဇ်ပုရောဟိတ်တို့ရှေ့တွင် အမှုတော်ထမ်းဆောင်ရမည့်တာဝန်နှင့် ကျေးဇူးတော်ချီးမွမ်းရမည့်တာဝန်ကို ခွဲဝေပေး၏။ တံခါးတိုင်းတွင် အလှည့်ကျတံခါးစောင့်များကိုလည်း ခန့်အပ်ထား၏။ ဤသည်မှာ ဘုရားသခင်၏လူ ဒါဝိဒ်မင်းကြီး၏အမိန့်တော်ဖြစ်၏။
တံခါးစောင့်သားမြေးတို့တွင် ရှလ္လုံသားမြေး၊ အာတာသားမြေး၊ တာလမုန်သားမြေး၊ အက္ကုပ်သားမြေး၊ ဟတိတသားမြေး၊ ရှောဗဲသားမြေး စုစုပေါင်း တစ်ရာသုံးဆယ့်ကိုးယောက်၊
တံခါးစောင့်များတွင် တံခါးစောင့်အက္ကုပ်၊ တာလမုန်နှင့် သူတို့၏ညီအစ်ကိုပေါင်း တစ်ရာခုနစ်ဆယ့်နှစ်ယောက်ဖြစ်၏။