အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၁ ရာ 9:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထို​သူ​၌ ရှောလု ဟု​ခေါ်​သော သား​တစ်​ယောက်​ရှိ​၏​။ ရှောလု​သည် ငယ်ရွယ်နုပျို​၍ ရုပ်ရည်ခန့်ညား​သော​သူ​ဖြစ်​၏​။ အစ္စရေး​အမျိုးသား​တို့​ထဲတွင် သူ့​ထက်​ပို၍​ရုပ်ရည်ခန့်ညား​သော​သူ တစ်ယောက်​မျှ​မ​ရှိ​။ အခြား​သူ​များ​ထက်​လည်း ခေါင်းတစ်လုံးစာ အရပ်​ပို​မြင့်​၏​။

အခန်းကိုကြည့်ပါ။

Common Language Bible

သူ့​မှာ​ရှော​လု​နာ​မည်​တွင်​သော​သား​တစ် ယောက်​ရှိ​၏။ ထို​သား​သည်​ပျို​ရွယ်​၍​အ​ဆင်း လှ​၏။ ဣ​သ​ရေ​လ​အ​မျိုး​သား​ရှိ​သ​မျှ တို့​ထက်​အ​ရပ်​တစ်​ပေ​မျှ​ပို​၍​မြင့်​၏။ အ​ဆင်း​လည်း​ပို​၍​လှ​၏။

အခန်းကိုကြည့်ပါ။

Garrad Bible

ထို သူ၌ အ ဆင်း လှ သည့် ရှော လု အ မည် ရှိ သော သား ထူး သား မြတ် တစ် ယောက် ရှိ၏။ ပြည် သူ တ ကာ တို့ ထက် ပ ခုံး စွန်း မြင့်၍ ဣ သ ရေ လ အ မျိုး သား တို့ တွင် သူ့ ထက် ထူး မြတ် သူ မ ရှိ ချေ။

အခန်းကိုကြည့်ပါ။

Judson Bible

ထို​သူ၌ ရှော​လု​အ​မည်​ရှိ​သော​သား​တစ်​ယောက်​ရှိ၏။ ထို​သား​သည် အ​ဆင်း​လှ၍ ထူး​ဆန်း​သော သူ​ဖြစ်၏။ ဣ​သ​ရေ​လ​အ​မျိုး​သား​တို့​တွင် ထို​သူ​ထက်​သာ၍ အ​ဆင်း​လှ​သော​သူ တစ်​ယောက်​မျှ​မ​ရှိ။ သူ​သည် အ​ခြား​သော​သူ​ထက် ပ​ခုံး​အ​ထက်​မှာ အ​ရပ်​သာ၍​မြင့်၏။

အခန်းကိုကြည့်ပါ။



၁ ရာ 9:2
10 ပူးပေါင်းရင်းမြစ်များ  

ဘုရားသခင်​၏​သား​တို့​သည် လူ​၏​သမီး​တို့​အဆင်းလှ​သည်​ကို​မြင်​၍ မိမိ​တို့​ကြိုက်နှစ်သက်​သော​သူ မည်သူ့ကိုမဆို မိမိ​တို့​မယား​အဖြစ်​ယူ​ကြ​၏​။


နေရ​သည် သား​ကိရှ​ကို​ရ​၏​။ ကိရှ​သည် သား​ရှောလု​ကို​ရ​၏​။ ရှောလု​သည် သား​ယောနသန်​၊ မေလခိရွှ​၊ အဘိနဒပ်​၊ ဣရှဗာလ တို့​ကို​ရ​၏​။


ထာဝရဘုရား​က “​ပညာရှိ​သော​သူ​သည် မိမိ​ဉာဏ်ပညာ​၌ မ​ဝါကြွား​စေ​နှင့်​။ ခွန်အားကြီး​သော​သူ​သည် မိမိ​ခွန်အား​၌ မ​ဝါကြွား​စေ​နှင့်​။ ချမ်းသာ​သော​သူ​သည် မိမိ​ဓနဥစ္စာ​၌ မ​ဝါကြွား​စေ​နှင့်”​ဟု မိန့်​တော်မူ​၏​။


ထို​အရပ်​၌ ဧရာမလူ​တို့​ကို​လည်း တွေ့​ခဲ့​ပါ​၏​။ ထို​ဧရာမလူ​တို့​မှ အာနက​အမျိုး​ဆင်းသက်​လာ​၏​။ သူ​တို့​နှင့်​ယှဉ်​လျှင် ငါ​တို့​သည် ကိုယ့်ကိုယ်ကိုယ်​နှံကောင်​ကဲ့သို့​မြင်​၍ သူ​တို့​သည်​လည်း ငါ​တို့​ကို နှံကောင်​ကဲ့သို့​မြင်​မည်​”​ဟု ဆို​ကြ​၏​။


တစ်ဖန် ရှမွေလ​သည် ဗင်္ယာမိန်​အမျိုးအနွယ်​ထဲမှ မျိုးနွယ်စု​အလိုက် ရှေ့​သို့​လာ​စေ​ပြီး မဲချ​ရာ မာတရိ​မျိုးနွယ်စု​မဲကျ​၏​။ ထို့နောက် ကိရှ​၏​သား​ရှောလု​မဲကျ​၏​။ သူ့​ကို​ရှာ​သော်လည်း မ​တွေ့​ပေ​။


ထိုအခါ ထာဝရဘုရား​က ရှမွေလ​အား “​သူ​၏​ရုပ်ရည်အဆင်း​နှင့် အရပ်အမောင်း​ကို မ​ကြည့်​နှင့်​။ သူ့​ကို ငါ​ပယ်​ပြီ​။ ထာဝရဘုရား​သည် လူ​မြင်​သကဲ့သို့ မြင်​တော်မူ​သည်​မ​ဟုတ်​။ လူ​သည် အပြင်ပန်း​သဏ္ဌာန်​ကို​သာ ကြည့်​တတ်​၏​။ ထာဝရဘုရား​မူကား စိတ်နှလုံး​ကို ကြည့်​တော်မူ​၏​”​ဟု မိန့်​တော်မူ​၏​။


ဖိလိတ္တိ​တပ်စခန်း​ဘက်​မှ ဂေါလျတ်​ဟု​အမည်​ရှိ​၍ အရပ်​ခြောက်​တောင်​တစ်ထွာ​ရှိ​သော ဂါသ​မြို့သား လူစွမ်းကောင်း​တစ်​ဦး ထွက်လာ​၏​။


တစ်နေ့တွင် ရှောလု​၏​ဖခင်​ကိရှ​သည် မြည်း​များ​ပျောက်ဆုံး​နေ​၏​။ ထို့ကြောင့် ကိရှ​က မိမိ​သား​ရှောလု​အား “​ထ​လော့​။ သင်​နှင့်အတူ ငယ်သား​တစ်​ယောက်​ကို ခေါ်​၍ မြည်း​များ​ကို သွား​ရှာ​လော့​”​ဟု ဆို​၏​။