အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဟေ​ရှာ​ယ 60:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

လူ​အနည်းငယ်​သည် လူ​တစ်ထောင်​ဖြစ်လာ​မည်​။ အားနည်း​သော​လူမျိုး​သည် အားကြီး​သော​လူမျိုး​ဖြစ်လာ​မည်​။ ငါ​ထာဝရဘုရား​သည် အချိန်တန်​လျှင် ထို​အရာ​ကို အလျင်အမြန်​ဖြစ်စေ​မည်​။

အခန်းကိုကြည့်ပါ။

Common Language Bible

သင်​၏​အ​နည်း​ဆုံး​အ​ညံ့​ဆုံး​သော​သူ​ပင်​လျှင်၊ ထောင်​ချီ​လျက်​များ​ပြား​လာ​ပြီး တန်​ခိုး​ကြီး​မား​သည့်​လူ​မျိုး​သ​ဖွယ်​ကြီး​မြတ်​၍ လာ​လိမ့်​မည်။ အ​ချိန်​ကျ​လျှင်​ငါ​သည်​ဤ​အ​တိုင်း​လျင်​မြန်​စွာ ဖြစ်​ပျက်​စေ​တော်​မူ​မည်။ ငါ​သည်​ထာ​ဝ​ရ​ဘု​ရား​ဖြစ်​တော်​မူ​ပါ​သည် တ​ကား။''

အခန်းကိုကြည့်ပါ။

Garrad Bible

အ နည်း ငယ် သည် အ ထောင် အ သောင်း၊ အ သိမ် အ ဖျင်း လည်း တန် ခိုး ကြီး သော လူ မျိုး အ ဖြစ် ရောက် လိမ့် မည်။ အ ချိန် စေ့ လျှင် စေ့ ချင်း၊ ငါ ထာ ဝ ရ ဘု ရား ထို သို့ စီ ရင် လိမ့် သ တည်း။

အခန်းကိုကြည့်ပါ။

Judson Bible

သူ​ငယ်​တစ်​ယောက်​သည် လူ​တစ်​ထောင်​ဖြစ်​ရ​လိမ့်​မည်။ အား​နည်း​သော​သူ​တစ်​ယောက်​သည် အား​ကြီး​သော​လူ​မျိုး ဖြစ်​ရ​လိမ့်​မည်။ ငါ​ထာ​ဝ​ရ​ဘု​ရား​သည် အ​ချိန်​ရောက်​လျှင် ထို​အ​မှု​ကို​နှိုး​ဆော်​မည်။

အခန်းကိုကြည့်ပါ။



ဟေ​ရှာ​ယ 60:22
15 ပူးပေါင်းရင်းမြစ်များ  

အို အစ္စရေး​၊ သင်​၏​လူမျိုး​သည် ပင်လယ်​သဲပွင့်​နှင့်အမျှ​များ​သော်လည်း အကြွင်းအကျန်​သာ ပြန်လာ​ကြ​လိမ့်မည်​။ သုတ်သင်ဖျက်ဆီး​ခြင်း​ကို စီရင်​တော်မူ​ပြီ​။ ဖြောင့်မတ်​ခြင်း လွှမ်းမိုး​လေ​ပြီ​။


သူ​တို့​က “​ငါ​တို့​တွေ့​ဖို့ ကိုယ်တော်​သည် မိမိ​အမှု​ကို အလျင်အမြန်​ပြု​ပါစေ​။ အလျင်အမြန်​ပြု​ပါစေ​။ ငါ​တို့​သိ​ဖို့ အစ္စရေး​လူမျိုး​၏​သန့်ရှင်း​သော​အရှင်​၏​အကြံဉာဏ်​သည် နီးလာ​ပါစေ​။ ရောက်လာ​ပါစေ​”​ဟု ဆို​တတ်​ကြ​၏​။


သင်​တို့​အဖ အာဗြဟံ​၊ သင်​တို့​ကို​မွေးဖွား​သော​စာရာ​ကို ကြည့်​ကြ​လော့​။ ငါ​ခေါ်​စဉ်က အာဗြဟံ​တစ်ဦးတည်း​ရှိ​၏​။ ငါ​သည် သူ့​ကို ကောင်းချီးပေး​၍ များပြား​စေ​၏​။


ဤသို့သော​အမှု​ကို မည်သူ​ကြား​ဖူး​သနည်း​။ ဤသို့သော​အမှု​များ​ကို မည်သူ​မြင်​ဖူး​သနည်း​။ တိုင်းပြည်​တစ်​ပြည်​ကို တစ်​ရက်​အတွင်း မွေးဖွား​နိုင်​သလော​။ လူမျိုး​တစ်​မျိုး​ကို တစ်ခဏအတွင်း မွေးဖွား​နိုင်​သလော​။ သို့သော် ဇိအုန်​မြို့​သည် မီးဖွား​ချိန်​ရောက်​သည်​နှင့် သားသမီး​များ​ကို မွေးဖွား​လေ​ပြီ​။


ထိုနည်းတူ သံ​၊ ရွှံ့စေး​၊ ကြေးနီ​၊ ငွေ​၊ ရွှေ​တို့​သည်​လည်း တစ်စစီကျိုးပဲ့​သွား​၍ နွေကာလ​တွင် တလင်းပြင်​ရှိ​အဖျင်းအမှော်​ကဲ့သို့ ဖြစ်​လေ​၏​။ လေတိုက်​သောအခါ လွင့်ပါ​သွား​သဖြင့် အစအန​ပင် မ​တွေ့​တော့​ပေ​။ ရုပ်တု​ကြီး​ကို ဝင်တိုက်​သော​ကျောက်တုံး​မူကား တောင်​ကြီး​ဖြစ်လာ​ပြီး မြေ​တစ်ပြင်လုံး​၌ ပြည့်​လေ​၏​။


ထို​ရှင်ဘုရင်​များ​အုပ်စိုး​သည့်​ကာလ​တွင်ပင် ကောင်းကင်ဘုံရှင်​ဘုရားသခင်​သည် မည်သည့်​အခါ​မျှ​မ​ပျက်စီး​နိုင်​မည့်​နိုင်ငံ​တစ်​ခု​ကို တည်ထောင်​တော်မူ​လိမ့်မည်​။ ဤ​နိုင်ငံ​သည် အခြား​သူ​တို့​လက်​သို့ ရောက်​ရ​မည်​မ​ဟုတ်​။ အခြား​နိုင်ငံ​အားလုံး​ကို တစ်စစီခြေမွှ​ဖျက်ဆီး​ပစ်​မည်​။ ဤ​နိုင်ငံ​သည် အစဉ်အမြဲ​တည်​လိမ့်မည်​။


ခြေမသန်သူ​ကို ကြွင်းကျန်​စေ​မည်​။ အဝေး​သို့​နှင်ထုတ်​ခံရ​သူ​ကို အားကြီး​သော​လူမျိုး​ဖြစ်​စေ​မည်​။ ထာဝရဘုရား​သည် ယခု​မှစ၍ ကာလ​အစဉ်အဆက် ဇိအုန်​တောင်​ပေါ်တွင် သူ​တို့​ကို အုပ်စိုး​တော်မူ​မည်​။


အကြောင်းမူကား ဤ​ဗျာဒိတ်နိမိတ်​သည် အချိန်တန်​လျှင် ဖြစ်လာ​မည်​။ နှုတ်ထွက်​စကား​အတိုင်း အဆုံးသတ်​ချိန် မလွဲမသွေ​ရောက်လာ​မည်​။ ကြာ​သော်လည်း စောင့်မျှော်​လော့​။ နောက်​မ​ကျ​ဘဲ ဧကန်အမှန် ရောက်လာ​မည်​။


ဘုရားသခင်​သည်​လည်း မိမိ​ထံ နေ့​ည​မပြတ်​အော်ဟစ်​တောင်းလျှောက်​နေ​သည့် မိမိ​ရွေးကောက်​တော်မူ​သော​သူ​တို့​အတွက် တရားသဖြင့်​မ​စီရင်​ဘဲ ကြာရှည်​စွာ​ဆိုင်း​ထား​တော်မူ​လိမ့်မည်​လော။


ထိုအခါ ပေတရု​၏​စကား​ကို​လက်ခံ​သော​သူ​တို့​သည် ဗတ္တိဇံ​ခံ​ကြ​သဖြင့် ထို​နေ့​၌ လူ​ပေါင်း​သုံးထောင်​ခန့်မျှ​တိုးပွား​လာ​၏။


သခင်​ဘုရား​ကို​ယုံကြည်​သူ အမျိုးသား၊ အမျိုးသမီး​အမြောက်အမြား​တို့​သည်​လည်း ပို၍​တိုးပွား​လာ​ကြ​၏။


ဘုရားသခင်​၏​အလို​တော်​ကို​ဆောင်ရွက်​ပြီး ကတိ​တော်​ကို​ခံစား​ရရှိ​နိုင်​ရန် သင်​တို့​၌​လိုအပ်​သော​အရာ​မှာ သည်းခံ​ခြင်း​ဖြစ်​၏။


သို့သော် ချစ်​ရ​သော​သူ​တို့၊ ထာဝရ​ဘုရား​အတွက် နေ့ရက်​တစ်​ရက်​သည် အနှစ်​တစ်ထောင်​ကဲ့သို့​လည်းကောင်း၊ အနှစ်​တစ်ထောင်​သည် နေ့ရက်​တစ်​ရက်​ကဲ့သို့​လည်းကောင်း ဖြစ်​သည်​ဟူသော​အချက်​တစ်​ခု​ကို မ​မေ့လျော့​ကြ​နှင့်။


ထို့နောက် ငါ​ကြည့်​လိုက်​ရာ တိုင်းနိုင်ငံ၊ မျိုးနွယ်စု၊ လူမျိုး​နှင့် ဘာသာ​စကား​အသီးသီး​တို့​မှ မည်သူမျှ​မ​ရေတွက်​နိုင်​သည့်​များစွာ​သော​လူ​အစုအဝေး​သည် ဖြူ​သော​ဝတ်လုံ​ကို​ဝတ်ဆင်​ထား​လျက် သူ​တို့​လက်​၌ စွန်ပလွံ​ခက်​များ​ကိုင်ဆောင်​ကာ ပလ္လင်​တော်​နှင့်​သိုးသငယ်​တော်​ရှေ့​တွင် ရပ်​နေ​ကြ​၏။