အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဟေ​ရှာ​ယ 60:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

ငါ​သည် ကြေးနီ​အစား ရွှေ​၊ သံ​အစား ငွေ​၊ သစ်သား​အစား ကြေးနီ​၊ ကျောက်​အစား သံ​ကို ယူ​ခဲ့​မည်​။ ငါ​သည် ငြိမ်သက်​ခြင်း​ကို သင်​၏​ကြီးကြပ်ကွပ်ကဲ​သူ​ဖြစ်စေ​မည်​။ ဖြောင့်မတ်​ခြင်း​ကို သင်​၏​အုပ်ချုပ်သူ​ဖြစ်​စေ​မည်​။

အခန်းကိုကြည့်ပါ။

Common Language Bible

``ငါ​သည်​သင့်​အား​ကြေး​ဝါ​အ​စား​ရွှေ၊ သံ​အ​စား​ငွေ​နှင့်​သစ်​သား​အ​စား​ကြေး​ဝါ ကို ပေး​တော်​မူ​မည်။ သင်​သည်​ကျောက်​အ​စား​သံ​ကို​ရ​ရှိ​လိမ့်​မည်။ သင်​တို့​ကို​အုပ်​ချုပ်​သူ​တို့​အား​တ​ရား​မျှ​တ ငြိမ်း​ချမ်း​စွာ​အုပ်​စိုး​စေ​မည်။

အခန်းကိုကြည့်ပါ။

Garrad Bible

ကြေး အ စား ရွှေ၊ သံ အ စား ငွေ၊ သစ် သား အ စား ကြေး၊ ကျောက် အ စား သံ ကို၊ ငါ ဆောင် သွင်း လျက်၊ သင့် အ အုပ် အ ချုပ် များ အ ဖြစ် ချမ်း သာ ခြင်း၊ အ ကြပ် အ ဆော် များ အ ဖြစ် ဖြောင့် မတ် ခြင်း ကို ခန့် ထား လိမ့် မည်။

အခန်းကိုကြည့်ပါ။

Judson Bible

ကြေး​ဝါ​အ​ရာ၌ ရွှေ​ကို​လည်း​ကောင်း၊ သံ​အ​ရာ၌ ငွေ​ကို​လည်း​ကောင်း၊ သစ်​သား​အ​ရာ၌ ကြေး​ဝါ​ကို​လည်း​ကောင်း၊ ကျောက်​အ​ရာ၌ သံ​ကို​လည်း​ကောင်း ငါ​ဆောင်​ခဲ့​မည်။ သင်၏​အ​ရာ​ရှိ​တို့​ကို ငြိမ်​သက်​သော​သ​ဘော၊ အ​ခွန်​ခံ​တို့​ကို ဖြောင့်​မတ်​သော​သ​ဘော​နှင့် ပြည့်​စုံ​စေ​မည်။

အခန်းကိုကြည့်ပါ။



ဟေ​ရှာ​ယ 60:17
15 ပူးပေါင်းရင်းမြစ်များ  

အိမ်​တော်​အတွင်းခန်း​၊ အပြင်ခန်း​တို့​၏​ကြမ်းခင်း​များ​ကို​လည်း ရွှေ​ဖြင့်​မွမ်းမံ​ထား​၏​။


ကိုယ်တော်​သည် သင်​၏​နယ်နိမိတ်​ထဲ၌ ငြိမ်းချမ်းမှု​ရှိ​စေ​၍ အကောင်းဆုံး​သော​ဂျုံဆန်​ဖြင့် သင့်​ကို​ဝပြော​စေ​တော်မူ​၏​။


တောင်​များ​သည်​ငြိမ်းချမ်း​ခြင်း​ကို​လည်းကောင်း​၊ တောင်ကုန်း​များ​သည် ဖြောင့်မတ်​ခြင်း​ကို​လည်းကောင်း လူမျိုး​တော်​ထံသို့ ယူဆောင်​လာ​ကြ​ပါစေသော​။


သင်​၏​တရားသူကြီး​တို့​ကို ယခင်​က​ကဲ့သို့​၊ သင်​၏​အကြံပေးသူ​တို့​ကို မူလအစ​က​ကဲ့သို့ ပြန်လည်​ခန့်ထား​မည်​။ သို့ပြီးမှ သင်​၏​မြို့​ကို ဖြောင့်မတ်​သော​မြို့​၊ သစ္စာရှိ​သော​မြို့​ဟု ခေါ်ဝေါ်​ကြ​မည်​”​ဟု မိန့်​တော်မူ​၏​။


ထာဝရဘုရား​သည် မိမိ​လူမျိုး​တော်​၏​ဒဏ်ရာ​ကို ပတ်စည်း​ပေး​၍ မိမိ​ဒဏ်ခတ်​တော်မူ​သည့်​အနာ​ကို ပျောက်ကင်း​စေ​တော်မူ​သော​နေ့ရက်​၌ လ​၏​အလင်း​သည် နေ​၏​အလင်း​ကဲ့သို့​ဖြစ်​မည်​။ နေ​၏​အလင်း​သည် ခုနစ်ဆ​တိုး​၍ ခုနစ်​ရက်​အလင်း​ကဲ့သို့ လင်း​မည်​။


ဆူးချုံ​အစား ထင်းရှူးပင်​ပေါက်​၍ နှင်းဆီရိုင်းပင်​အစား မုရတုပင် ပေါက်​လိမ့်မည်​။ ဤ​အမှု​သည် ထာဝရဘုရား​အတွက်​အထိမ်းအမှတ်​၊ ဖျက်ဆီး​၍​မ​ရ​သော ထာဝရ​အမှတ်လက္ခဏာ​ဖြစ်​လိမ့်မည်​”​ဟု မိန့်​တော်မူ​၏​။


သင်​သည် လူမျိုးတကာ​တို့​၏​နို့​ကို​စို့​ရ​လိမ့်မည်​။ ရှင်ဘုရင်​တို့​၏​သားမြတ်​ကို စို့​ရ​လိမ့်မည်​။ ငါ​ထာဝရဘုရား​သည် သင့်​ကို​ကယ်တင်​သော​အရှင်​၊ သင့်​ကို​ရွေးနုတ်​သော​အရှင်​၊ ယာကုပ်​အမျိုး​၏​တန်ခိုးကြီး​သော​အရှင်​ဖြစ်ကြောင်း​ကို သင်​သိ​ရ​လိမ့်မည်​။


သင်​၏​ပြည်​၌ ရက်စက်ကြမ်းကြုတ်မှု​အကြောင်း​၊ သင်​၏​နယ်နိမိတ်​အတွင်း​၌ ပျက်စီး​ပြိုပျက်​ခြင်း​အကြောင်း ကြား​ရ​တော့​မည်​မ​ဟုတ်​။ သင်​၏​မြို့ရိုး​တို့​ကို “​ကယ်တင်​ခြင်း​”​၊ သင်​၏​မြို့​တံခါး​တို့​ကို “​ချီးမွမ်း​ခြင်း​”​ဟူ၍ သင်​ခေါ်ဆို​လိမ့်မည်​။


သူ့​နေရာ​တွင် နိုင်ငံ​၏​ဘုန်းစည်းစိမ်​အတွက်​အခွန်ကောက်ခံ​သော​သူ​ကို စေလွှတ်​မည့် မင်း​တစ်ပါး ပေါ်လာ​လိမ့်မည်​။ သို့သော် မကြာမီမှာ​ပင် ထို​မင်း​သည် အမျက်​ကြောင့်​မ​ဟုတ်​၊ စစ်ပွဲ​ကြောင့်​လည်း မ​ဟုတ်​ဘဲ ပျက်စီး​သွား​ရ​လိမ့်မည်​။


‘ငွေ​ကို ငါ​ပိုင်​၏​၊ ရွှေ​ကို​လည်း ငါ​ပိုင်​၏’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ​။


ထို​နေ့ရက်​တွင် ထာဝရဘုရား​သည် ဂျေရုဆလင်​မြို့သား​တို့​ကို ကာကွယ်​မည်​။ ထို​နေ့ရက်​၌ သူ​တို့​တွင် အားနည်း​သော​သူ​သည် ဒါဝိဒ်​မင်းကြီး​ကဲ့သို့​ဖြစ်​မည်​။ ဒါဝိဒ်​အမျိုးအနွယ်​သည် သူ​တို့​အဖို့ ဘုရားသခင်​ကဲ့သို့​လည်းကောင်း​၊ ထာဝရဘုရား​၏​ကောင်းကင်တမန်​ကဲ့သို့​လည်းကောင်း ဖြစ်​လိမ့်မည်​။


ဘုရားသခင်​သည် ငါ​တို့​အတွက် သာ၍​မြတ်​သော​အရာ​ကို ကြိုတင်​ပြင်ဆင်​ပေး​တော်မူ​သည်​ဖြစ်​၍ သူ​တို့​သည် ငါ​တို့​မ​ပါ​ဘဲ စုံလင်​ခြင်း​သို့​မ​ရောက်​နိုင်​ရာ။


သို့သော် ငါ​တို့​သည် ကိုယ်တော်​၏​ကတိ​တော်​အတိုင်း ဖြောင့်မတ်​ခြင်း​တရား​ကိန်းဝပ်​ရာ ကောင်းကင်​သစ်​နှင့်​မြေကြီး​သစ်​ကို​စောင့်မျှော်​နေ​ကြ​၏။